Задание "Бастауыш сыныптарға арналған тапсырмалар"

Тақырыбы: «Табиғат – асыл қазынам»

Мақсаты: Оқушыларды табиғатты аялауға, қорғауға баулу және қоршаған ортаны ластанудан сақтауға тәрбиелеу, Отанын қорғауға, табиғаттың таңғажайыптарын таныстыру

Көрнекілігі: слайд, мақал - мәтелдер, жұмбақтар мен өлең шумақтары, оқушылар қолдан табиғи материалдармен жасаған көрмесі

Барысы:

Мұғалім: Бүгінгі таңда әлемді дүр сілкіндіріп отырған ғаламдық экология мәселесіне орай ұйымдастырылып отырған экология апталығының бүгінгі күні біздің

2 - сыныпта өтпекші. Табиғаттың таңғажайып сырлары туралы сөз етеміз. Аспан әлеміне, жер астына және су астындағы таңғажайыптармен танысамыз

Жерасты әлеміне саяхат

1 - слайд Жер шары қалай пайда болды? Жер қабығы

2 - слайд Топырақтағы тіршілік

3 - слайд Топырақ деген не?

4 - Слайд Микроскоппен қарағанда

Аспан әлеміне саяхат

5 - Слайд Аспан әлемінің қонақтары

6 - Слайд Телескоптағы аспан әлемі

7 - Слайд Атмосфераның пайдасы

8 - Слайд Найзағай деген не?

9 - Слайд Түрлі – түсті кемпірқосақ

10 - слайд Жұлдыз деген не?

11 - Слайд Темірқазық жұлдызы

12 - Слайд Ай мен күн

13 - Слайд Метеориттер

14 - Слайд Орбиталар

Су асты әлеміне саяхат

15 - слайд Тауды жұтқан шұңқыр

16 - слайд Балықтар қалай ұйықтайды?

17 - Слайд Таңғажайып балықтар

Міне, балалар жер бетіндегі түрлі табиғат иелерінен басқа да тіршілік барын білдік. Бұл әлемді зерттеу тоқтаған емес, әлі де зерттеледі. Табиғаттың тылсым құпияларын ғалымдар аша береді. Ал біз оны қорғай білуіміз керек.

Оқушылар: 1. Өлең шумақтарына кезек береді.

2. Мақал – мәтелдер сайысы

3. Суға байланысты тыйым сөздер

Орман - тоғай, жасыл – желекке байланысты тыйым сөздер

Жан – жануарларға байланысты тыйым сөздер

4. Жұмбақтар

Шығармашылық тапсырма

- Айналадағы қоршаған табиғат қандай болады?

Өлі тірі

Балалар өлі, тірі табиғат атап айтады.

Осы табиғат заттарын адам бойындағы қасиеттермен салыстырып көрейік

• Мысалы: Күннен - мейірімділік қасиетін көруге болады. Күн жылулық береді. Мейірімді адамның жүзінен жылулық көрінеді.

• Тас - қаталдық қасиетін білдіреді.

• Гүлдер - әсемдік, әдемілік қасиеттерін білдіреді. Бұл қасиеттерді қыздардың бойынан көруге болады.

Өлі және тірі табиғаттың қандай байланысы бар деп ойлайсыңдар?

• Бүкіл тіршілікке су, ауа, күн, жер керек.

Қортынды.

- Балалар табиғатты қорғау керек пе? Неден қорғау керек?

Бір - біріміздің қолымыздан ұстайықшы. Бірге болған қандай тамаша!

Табиғат та бірлікті, татулықты қалайды. Сондықтан табиғатқа, жерімізге қандай тілектерің бар?

Жүректен - жүрекке.

Шеңберге байланған түрлі - түсті ленталарды табиғатпен байланыстыра отырып, балалар өз тілектерін айтады.

Мысалы: Көк - аспанымыз ашық болсын, сары - көңіліміз шат болсын, жасыл - орманымыз жайқалып өсе берсін, ақ - жүрегіміз таза болсын, тоқсары - отбасымыз аман болсын

Табиғат ол анамыз.

Табиғатқа баламыз.

Құшағында ойнаймыз.

Шаттық әнге саламыз.

Мерекеңіз құтты болсын мұғалім

 «Шәкірт жанын аялайтын, ұғатын,

Мерекеңіз құтты болсын мұғалім»

1 - жүргізуші: Армысыздар ардақты ұстаздар, қадірлі қонақтар! Мерекелік жиынымызға қош келдіңіздер!

2 – жүргізуші: Жас ұрпаққа саналы білім мен сапалы тәрбие беретін ұлағатты ұстаздар мерекесі құтты болсын!

1 - жүргізуші: Абзал жан бар биік тұлға, байсалды,

Құшақ жая шәкірттері қарсы алды.

Бүгінгідей салтанатты шақта бір,

Мектеп басшысы құттықтайды баршаңды – деп құттықтау сөз кезегін мектеп директоры Мамбетов Әлішер ағайымызға береміз.

2 – жүргізуші: Көктен жауын нұр сепсе,

Жайқалып шөптер көгерер.

Ерінбей ұстаз тер төксе,

Ел құрметіне бөленер – дей келе, құттықтау сөз кезегін ауылымыздың әкімі Дуланбек мырзаға береміз.

Сахнаға полицей, дәрігер, мұғалім, банкир, дизайнер, шәкірт шығады, барлық оқушы хормен:

Полицей: Мен полицей қызметкері,

Бастау алған тәртіппен.

Алда, озып келемін,

Ұстаз берген тәртіппен!

Дәрігер: Дәрігермін, жәрдем берер науқасқа,

Жақсылығым жақсылыққа жалғасса.

Бағаланса менің егер еңбегім

Қарыздармын мұғалімге әу баста

Банкир: Мен банктің басшысымын, қалада,

Бас иемін мұғалімдей данаға.

Тамсанамын, кейде қайран қаламын,

Үйретуден жалықпаған балаға.

Мұғалім: Ұстазым үлгі - өнеге ұлықтаған,

Жанашырға өзіңіздей жолықпағам.

Мен де, бүгін мектепте мұғаліммін,

Келіп тұрмын, құттықтауға ұмытпағам.

Дизайнер: Дизайнермін ұстаздан алған білім,

Сағынамын апайымның аяулы үнін.

Жинап келдім шоғымен қырдың гүлін,

Құттықтаймын ұстаздарды мен де бүгін.

Шәкірт: Шәкірттік парызым бар ақталмаған,

Көп түйген сырларым бар ақтармаған.

Жұп – жұмыр жүрегімде сәулеленіп,

Келеді бой көтеріп асқақ арман

Хор: «Ұстазым»

«Шәкірт жанын аялайтын, ұғатын

Мерекеңіз құтты болсын, мұғалім»

(оқушылар шығып кетеді)

1 - жүргізуші: Ұстаз деген ұстаз болып туғандар,

Ұлылықты ұлықтаған, имандар.

Ұрпағының ертеңіне жол ашып,

Өмірінің өр шақтарын қуғандар.

2 – жүргізуші: Өзі ұшырған қырандарын ұядан,

Іздейтұғын құздан емес қиядан.

Біз бәріміз берешекпіз ұстазға,

Ұстаздарды, ұстаздарды сүй адам.

1 - жүргізуші: Елестер сізді көрсем бала шағым,

Жүрсем де келтіріп мен, дала сәнін.

Кетсем де өзгелерден озып биік,

Әрқашан алдыңызда аласамын! – деп құрметті ардагер ұстаздар, сіздерге зор денсаулық, ұзақ ғұмыр тілей отырып келесі әнімізді жолдаймыз. «Ұстазым» әні.Орындайтындар: Азамат пен Гүлнұр қабыл алыңыздар!

2 – жүргізуші:Дарындыққа, даналыққа үйреткен,

Ұстаз сіздің пейіліңіз қандай кең.

Сезіміңнен сенің асыл жел ескен,

Ұстаздарға бас иеміз құрметпен – дей келе бүгінгі мерекелік жиынымызда тұсауын кескелі отырған мектебіміздегі математика пәнінің мұғалімі Нұрымбетова Іңкәр апайымызға арнап, Қуандық Аиданың әнін қабыл алыңыздар!

1 - жүргізуші: Үлгі алып сізден шәкірттер,

«Ана» боп бізге кеттіңіз.

Алғысы шексіз түлектің,

Бас иіп сізге келеміз – деп кезекті әнге береміз.

«Қариялар азайып бара жатыр» орындайтын Мықтыбай Б.

2 – жүргізуші: Мұғалім ғазиз мұғалім,

Сарқылмас мәңгі бұлағым.

Ұланың бүгін тойыңда,

Арнайы саған бұл әнін.

Ән «Ұстазым» орындайтын Кәдірбай Перизат

1 - жүргізуші: Өнер сырын бағалайтын өренбіз,

Тәтті ойға батырады жалын жүз.

Биші – күйші апасындай болам деп,

Еліктейді мың бұралған биші қыз

Кезекте «Қара жорға» биі

2 – жүргізуші: Еңбегінің жемісі елден бөлек,

Өсіретін сан мыңды тәрбиелеп.

Қасиетті құрметті ұстаз атақ,

Қайнар қуат халқына берген көмек - кезекті әнге береміз «Аяулы ұстазым» әні орындайтын Муса Зарина

1 - жүргізуші: Мінезі майда, әрі кең,

Сөздері терең мәнімен.

Бастауын алған әріден,

Ұстазым қымбат бәрінен – деп келесі кезекті биге береміз. «Қазақ» биі,орындайтын Мықтыбай Б.

2 - жүргізуші: Жарқылдап мерекеде Мақсат ағай,

Гүлдей боп көзімізге басылардай.

Күтеміз өзіңізден ақ тілекті,

Ойымызға нұр болып қосылардай – деп құттықтау сөз кезегін ардагер ұстазымыз Мақсат ағайға береміз.

1 - жүргізуші: Мұғалім ұстазысың балалардың,

Болашақ ғалымдардың, даналардың.

Өмірде сенің алар орыныңды,

Бірі де жеткізе алмас бағалардың – деп бүгінгі ұстаздар мерекесіне арналған мерекелік кешімізді жабық деп жариялаймыз.

Аяулы күз, Алтын күз

Жарияланды 9-11-2012, 11:53 Категориясы: Тәрбие сағаты

Тақырыбы: Аяулы күз, Алтын күз

1-жүргізуші:

Көк аспаным мөлдіреп,

Шуақты көзім елжіреп

Асыр салып жүретін

Сары көйлегім желбіреп,

Айтшы Нұртуған

Бұл қай мезгілдің келгені.

2-жүргізуші:

Жайдары күз, жарқын күз

Аяулы күз, алтын күз

Дәнге толы ен далам

Дариядай шалқар күз

Ақбота бұл Алтын күздің келгені.

1-жүргізуші:

- Армысыздар Қымбатты мырзалар мен ханымдар!

2-жүргізуші:

- Қайырлы күн, Ұлағатты ұстаздар, жалынды да жігерлі жас достарым. Берекелі де мерекелі Алтын күз мерекелеріңіз құтты болсын!

1-жүргізуші: - Құрметті халайық бүгінгі өткізгелі отырған байқауымыздың негізгі мақсаты жаңа ғасырдың ұлы көші де егемендігі еңселене түскен Тәуелсіз Қазақстанда тұрып тәрбиеленіп жатқан жастарымыздың рухын көтеріп, эстетикалық талғамын арттыру арқылы өнерге сезімталдыққа, адалдыққа, еңбекқорлыққа тәрбиелеу болып табылады.

2- жүргізуші: Олай болса, бүгінгі «Аяулы күз, Алтын күз» атты байқауымызға қатысатын үміткерлерді қошеметпен ортамызға шақырамыз.

1- жүргізуші: Қарсы алыңыздар! Балымыздың үміткер ханзадалары мен ханшайымдары

1-жұп 3 – жұп 5 - жұп

2-жұп 4- жұп

2- жүргізуші: « Аяулы күз, Алтын күз -2013»байқауының үміткерлеріне ақ жол тілеп қошемет көрсетейік, құрметті көпшілік.

1- жүргізуші:

Әділқазы, ақ қазыға бір сәлем

Әділдікке бас иеді күллі әлем

Жүйрік озар сайыстарда неше бір

Сарапқа сал әділдікпен шеше біл, - дей келе бүгінгі сайысымызға қазылық жасайтын әділқазылар алқасымен таныс болыңыздар!

2- жүргізуші; Ендеше бүгінгі кешіміздің бағдарламасымен таныс болыңыздар

Бағдарламамыз 6 кезеңнен тұрады.

1-кезең: «Кел танысайық» (үміткерлерді жеке-жеке таныстырады)

2-кезең Ситуациялық сұрақтар

3- кезең. Өнер сайысы (екеуінің де өнері тамашаланады)

4-кезең. «Жұптасу » ойыны

5- кезең. Сән үлгісі (жарасымды киім үлгілерін көпшілікке ұсынады)

6- кезең. Балл биі (үміткерлердің жұптасып билеу мәнерлері бағаланады)

Ескерту: Әділқазылар алқасы үміткерлеріміздің бағасын жеке-жеке шығарады.Яғни аруларға бөлек, жігіттерге бөлек баға қойылады. Ең төменгі балл -3, ең жоғары балл -5.

1- жүргізуші:

Құрметті көпшілік көрерменім

Жақсылыққа әрдайым артқан сенім

Ақжол тілеп үкілі үміттерге

Таныстыру шартына кезек бердім.

2- жүргізуші: Ендеше бірінші шартымыз «Кел танысайық» үміткерлеріміздің өздерін таныстыруы.

1- жүргізуші:

Күз келді, хан мен ханшайым

Өткізді күзгі бал айын

Ағызар сөйлеп сөз майын

Ал ханымыз ақылды

Барша жұртты шақырды

Би де билеп ән айтты.

Қуаныштан шалқыды.

Ханзадаралымыз бен ханшайымымызды танып білсек сайысымыздың екінші бөлімі «Ситуациялық сұрақтарға» кезек берейік.

жүргізуші:

Қаңғалақтап құлдилайды жапырақ,

Сарғыш тартып мынау дала, атырап.

Күн шуағын жинай алмай тұрғандай

Қатар-қатар шөмелеге шашып ап.

1-жүргізуші:

Баршаға өнер сүйер жар саламыз,

Үкілі үміттерді қарсы аламыз

Күйге енейік баршамыз ерекше бір

Сіздер үшін би билеп, ән саламыз.

Құрметті көрермендер ендігі кезекте үміткерлеріміздің дайындап келген өнерлерінің куәсі болуға шақырамыз.

жүргізуші:

Өз өнерін көрсететін бірінші жұбымыз.........................

Қалған үміткерлерді сахнаның сыртында хабарлап отырады.

1-жүргізуші: «Жастар биі» орындайтын:

2-жүргізуші: Жігіттер мен аруларымыздың өнерлеріне көп рахмет айта отырып, келесі кезегімізге өтейік.

«Жұптасу» ойыны яғни «Сиам егіздері» деп аталады

1-жүргізуші:

Табиғаттан бабамыз ала берген секілді,

Дархандықты қазаққа дала берген секілді.

Еркелікті, ерлікті желден салған секілді,

Мөлдірлікті көгілдір көлден алған секілді - деп Қадір Мырзалиев ағамыз жарлағандай әнге кезек берейік.

Ән:

жүргізуші:

Бар сұлулық құйылған бір басына,

Жарасып-ақ тұр бәрі сұлбасына,

Бетін шымшып жауратып күз салқыны

Еркелейді еріксіз сырласына

Ендігі кезекте жұптарымыздың сән үлгісін тамашалаңыздар. Бірінші жұпты қошеметпен ортаға шақырайық!

Ән:

жүргізуші:

Көркіңменен жаз жадырап күліп күз

Сұлулықты көргенге үміттіміз

Қуаныш сыйлай берші бал татыған

Биімен айналады қылықты қыз.

Енді әдемі шарттарымыздың бірі «Бал биі»

Үміткерлеріміз әдемі әуенмен ырғақты билеп, өздерін бүгінгі балдың нағыз ханзадасы мен ханшайымы екендерін көрсете білулері тиіс.

2-жүргізуші: Сонымен Қымбатты көрермендер жан дүниесі, рухани әлемі таза, адам баласының ең тамаша қасиеттерінің барлығын бойына сіңірген арыстандай айбатты, жолбарыстай жүректі ер мінезді нағыз ханзадаға лайықты жігіттерімізбен

1- жүргізуші: Сыпайы да мейірбанды , ақ маңдай ашық жүзді, айдай сұлу жылы жүздерінен күннің нұры төгілген нағыз ханшайымға лайықты, ақылды да парасатты қыздарымызды анықтайтын кезге келіп жеттік.

Ән:

1- жүргізуші

Жеңістер мен жеңілістен тұратын

Өмір күрес, жеткізе ме мұратын

Жеңбедім, жеңілдім деп ренжімегін

Қатысу да бар жеңіс, болсаң егер ұғатын.

1- Жүргізуші:

Келешекте әрі талай сайыстар бар,

Өнерлерің шыңдалсын қалыспаңдар

Өнерлілер көбейсін күннен –күнге

Өмір күрес әлі талай жарыстырар - дей отырып, «Аяулы күз, Алтын күз -2013 » байқауының нағыз ханзадасы мен ханшасын жариялау үшін ортаға әділ қазылар алқасын шақырамыз.

2- жүргізуші:

Қымбатты көрермендер!

Жеңімпаздарымызға биік шыңдарды бағындырып, қонар тұғырлары биіктей берсін дей отырып, кешімізді осымен аяқтаймыз?

1- жүргізуші:

Жеңісті күндерде кездескенше достар!

Қарттарын қадірлеген ел ардақты

Жарияланды 7-11-2012, 10:39 Категориясы: Тәрбие сағаты

1 қазан Қарттар мерекесіне арналған «Қарттарын қадірлеген ел ардақты» атты кеш сценарий

Мақсаты: оқушы бойына халқымыздың асыл қасиеттерін сіңіру, үлкенді сыйлау, өз ата – бабасын ұмытпай сақтау үшін және салт – дәстүрден нәр алып өсуіне, инабаттылыққа, жақсы мен жаманды ажырата білуге аталы сөзден ғибрат алуға тәрбиелеу.

Жүргізуші:

Хош келіпсіз ақ жаулықты аналар,

Ақыл кенін арқалаған аталар.

Алдарыңда жауқазындай құлпырған,

Біз алаңсыз балғын шақты балалар

Армысыз ауылымның асылдары

Жайнасын көңілдердің жасыл бағы

Сіздер үшін ән мен күй, өлең мен би

Сіздер үшін мереке шашулары

Қымбатты ақылдың кенін арқалаған айбынды аталар! Ақ жаулықты аналар! Шынайы да ізгі сезімдерді, білімнің алтын діңгегін сыйлаушы ұстаздар қауымы! Барлықтарыңызды қазан айының алғашқы мерекелері қарттар, ұстаздар мерекесі тоғысқан күнімен құттықтаймыз.

Аппақ шашың күн сайын қылаңдаған,

Зейнет емес бейнеттен арылмаған.

Тәңірімдей табынып өтем мәңгі,

Қариялар өзіңді ел сыйлаған.

Ел мүддесін бәрінен биік қоятын, өзінен кейінгі ізіне ерген інілеріне ізеттігін аямайтын, ізінен ерген ұрпағына ұлылығын ұялатып, бір қауымға бас-көз бола білген ауыл қарттарының орны ерекше, олай болса әр халықтың бойында ықылым заманнан бері қалыптасып оны өзгелерден даралап тұратын, тек өзіне ғана тән қасиеттері болады. Біздің халқымыздың сондай ерекшеліктерінің бірі – үлкенді сыйлау, оның сөзіне құлақ асу. Қазақ қарты жасына лайық ауызы дуалы, сөзі берекелі, ісі тыңғылықты ойы терең ақылы телегей теңіз болып келеді. Міне осындай теңеуге лайық қарияларды жылына бір рет келетін 1 қазан Қарттар күнімен құттықтай отырып, «Қарттарын қадірлеген ел ардақты» атты кешімізге хош келдіңіздер.

Кешімізді бастамас бұрын сөз кезегін мектебіміздің директоры Мәмбетов Әлішер ағайға береміз.

Жүргізуші:

Дүниеге келер бір рет

Құрыштан құйған құдірет

Балалар, ол кім?

Әрине қарттарымыз.

Олай болса бүгінгі кешімізді орындауындағы «Туған жер» әнімен ашамыз. Орындайтындар Қаракөз және Теңел

Өн бойың тұнған ақыл, ұлағат

Ешкімге жасамайтын қиянат

Жайлап қана ақылменен түзейсің

Болып қалса ұғына алмай бір сағат

Ауылымыздың ардагері, қарт зейнеткер ұстазымыз Мақсат ағайға сөз береміз.

Жадыраймын жадырайын,

Көңілденіп күлемін.

Жанар ма деп талабым,

Ата ақылын тыңдаймын.

Ән: «Қарттар азайып бара жатыр» орындайтын Бақнұр

Жүргізуші: Халқымыздың тәлім – тәрбиесі ананың ақ сүтімен, әже өнегесімен, аталар ақылымен берісіп, өзіндік қасиетімізді қалыптастыру көзделген. Ендеше «Мен атам мен әжемнің жалғасымын» бөліміне құлақ түрелік.

Тақпақтар:

1-Жансая:

Сән еңкейген нұр жүзінен әл тайып,

Қуат кетіп бара жатыр қартайып.

Отбасында, бала – шаға қасында

Жетпістер мен сексендер жүр қалқайып.

Көңіл жетім болмаған соң сыңары

Жас баладай жаутаңдаған жанары

Қайта – қайта қарағың кеп тұрады

Қағыс естіп қалбақтайды баладай

Мәпелеңдер қарт біткенді аялап

Ниеті ақ, көңілі кең даладай

Кімге болсын қарттың жетер аяңдап.

2-Айбек:

Атам менің әманда

Әдепті жан бол деген

Атам сөзі санамда

Жасы үлкенге жол берем

Алдын орап кісінің

Кесіп өтпе көлденең

Ізетімен кішінің

Сәлемдесіп қол берем.

3-Бекнұр:

Атам менің әманда

кішіпейіл бол деген.

Ата сөзі санамда

Мақтанбауды жөн көрем

Қалдыратын ұлтқа

Жалған сөзге төзбеймін

Жеткізеді мұратқа

Тек шындықты көздеймін.

4-Расул:

Атам менің әманда

Әділетті бол деген.

Ата сөзі санамда

Жүрмін тура жолменен

Ей, тәкаппар дүние

Маған да бір қарашы

Танимысың сен мені

Мен қазақтың баласы.

5-Фариза:

Құттықтаймыз мейрамыңмен аталар!

Әр күлгенің бізге бақыт саналар.

Еңбегіңді еш етпейтін өмірде

Елің жұртың ұл мен қызың бағалар

Ана мейір күн көзімен пара – пар.

Тұла бойға қуат болып таралар

Өміріме шуақ шашып әрқашан

Көп жасаңдар аталар мен аналар!

6-Жадыра:

Ата күні - әже күні әлем күні

Әлемде теберінділер ақылды үні

Әжесіз жан туған жоқ жер бетінде

Ұғып ал бөбектерім сендер мұны

Ата - әже мерекелеріңіз құтты болсын

Жанұяңызға тек қана шаттық толсын

Немерелеріңіздің өнерін тамашалап

Жүздеріңізге көтеріңкі көңіл толсын.

Жүргізуші:

Асқар тауым, ақылгөйім, ғұлама,

Аспанымдай мәңгі жаса, құлама

Ер жетсем де еркелігім қалмайды,

Көз алдымда сен тұрғанда ұлы Ана!

Ата ардақты тұлға «Әкеден ұл тусайшы, ата жолын қусайшы» деп халық ұрпаққа атаның мұрасын жалғастыруды уағыздайды. Ата ұрпағының, қайырымды, мейірімді, ақылды іскер болуын тілеп сол үшін қамқорлық іс - әрекеттерін жерге жеткенше дамыта береді, өнеге көрсетеді, өсиет айтады.

Көркем сөз: М. Мақатаев «Әкеге арнау» орындайтын Қожахмет Малика.

Бүгінгі кешке ауылымыздағы асыл аналарымыздың бірі, қарт ұстазымыз қазір зейнеткер Мұратова Набиға апай келіп отыр. Анамызға рахметімізді айта отырып сөз кезегін берейік.

Тұра – тұршы есейгенде ұл – қызың

Жүре тұршы жалғанғанда үзігің

Маған бақыт неге керек ақ әже – ау

Өзің бірге көре алмасаң қызығың

Анамызға арнап 10 сынып оқушысы Нағыметова Қаракөздің орындауында «Анама хат» әнін қабыл алыңыздар.

Адамдар арасындағы қарым – қатынаста адамгершілік, әдеп, инабат үрдістерінің қаншалықты кең жайылып, терең тамырлануы, ең алдымен олардың жекелеген отбасында өркен жаюына яғни баланың ата – анасын жан – жүрек қалауымен, саналы түрде ардақтап инабат тағылымымен үлкендерге деген қарым – қатынастарында оны мүлтіксіз жүзеге асырылуына байланысты. Қарттарды құрметтейтін олардың алдындағы перзенттік парызын үлкен ынтамен орындамайтын әдептілік кішіпейілділік сергек сезімталдық көрсетпейтін бұл қасиеттер қанына сіңіп, жүрегіне ұяламаған ұрпақтан не опа, не қайыр? Адамның өмірінің мәні мен сұлулығы, адамның келешегіне сенімділігі – баланың ата – анасын ардақ тұтып өзінің перзенттік қарызын бір сәтке де есінен шығармауында. Өз отбасынан жылу таппаған қаншама қарттарымыз қарттар үйлерінде өмірлерін жалғастыруда.

Қарттар үйі – жасы ұлғайып, қараусыз қалған қарттарымызды қамқорлыққа алатын, әлеуметтік қорғау нысандарының бірі болып табылады және ол мемлекеттік мекеме. Қартаю – биологиялық процесс, белгілі бір жасқа жеткеннен кейін организмнің мүмкіншіліктерінің үдемелі төмендеуі.

Қай жерде де ата – анаға қызмет көрсетуге тиістілігіңді ұмыту әсте жарамайды. Қарт адамдардың үйретуге де, ақыл айтуға да моральдік құқы бар. Бұл моральдік құқыны құрметтей білу керек. Кім де кімнің үйінде қартайып отырған әке – шешесі немесе атасы мен әжесі секілді қымбатты «қонағы» болса, ол үйіне олардан артық құдайдың құрметті өкілі келеді деп ойламасын, егер үйдің иесі оларға дұрыс қарап, қамқорлық жасаса қартайған ата – анасы оның отбасының құты болып табылады. Қарт кісіні құт – береке деп танысақ ол ұрпақ көрегендігі. Ұрпағы құрметтеген ата – ана әр кезде де бақытты.

Көрініс: «тоқта балам, атаң келер артыңда»

Көркем сөз: М. Мұқатаев «Реніш» орындайтын 10 сынып оқушысы Сүйеуова Жібек

Той деп бүгін халқым шашу шашады.

Той деп бүгін әлем сырын ашады.

Қарттар күні мейрамына арналған

Бишілер өнерлерін шашады

«Қазақ биі» бір топ бишілер

Егеменді ел болып қалыптастық,

Өркениетке нақты анық бастық.

Туған жердің тұғыры биік бол деп,

Шын жүректен ән – жырды сыйға тарттық.

Ән: «Әкелер» орындайтын Ғарифулла

Нағыз әке ақылгөй де асқар жан

Барлық ұрпақ әкелерден басталған

Ал әкелер өздеріңе арналмақ

Бұл айтатын асқақ ән.

Ән: «Ауылым сенің іргелі» орындайтын Аида

Көкке өрмелеп көңілің

Нұрға толсын өмірің

Бақытты бол жан әке

Ұзақ болсын өмірің

Ән: «Әке туралы жыр» орындайтын Дархан

Арайлы ақ тілекпен

Ән жолдаймын өзіңе

Сағыныш сазы жүрекпен

Сыр арнаймын өзіңе

Ән: «Неге сені сүйдім-ай» орындайтын Дәуірхан

Арманым едің аңсаған

Әке сен бақыт мен саған

Ұрпағым болып жалғадым

Қуаныш әке сен маған

Ән: «Ақерке жайық» орындайтын Нұртуған

Абырой амандығың арта берсін

Бақ дәулет қызығымен қатар берсін.

Ұрпағың жақсы көрген жиі келіп,

Таусылмас дәм-тұзыңды тата берсін.

Тыныштық елімізге бере берсін.

Молшылық жерімізге ене берсін.

Соғыстан ел жұртымыз аман болып

Қызығын бейбіт өмір көре берсін

Қарттарым сіздерге Алла саулық берсін

Денсаулық ауыз-бірлік бола берсін

Тап-таза абыройлы болғаныңды

Қазіргі ел билеген жастар көрсін

деп тілек тілеп бүгінгі кешімізді аяқтаймыз. Зейін қойып тыңдағандарыңызға көп – көп рахмет. Енді сіздерден осы оқушыларымызға бата берулеріңізді сұраймыз.

«Талантыңмен таныл» ойыны түріндегі сыныптан тыс жұмыс.

Мақсаты: 1.Оқушылардың математика пәніне деген қызығушылығын

арттыру, математикадан алған білімдерін нығайту, ойлау қабілеттерін 

дамыту.

2. Ұйымшылдыққа , топ болып жұмыс жасауға, өздіктерінен іздене 

 білуге, ой қорытындысын жасай білуге, шапшаңдыққа, жинақылыққа дағдыландыру.

3.Оқушылардың мақсатқа жету барысында жауапкершіліктерін жетілдіру,

күшіне деген  сенімін арттырып, үлкен жетістіктеріне жетуге тәрбиелеу.

Ойын түрінде өткізілетін сыныптанм тыс жұмысқа  6«а»  және  6«ә» сынып оқушылары

2 топқа бөлініп қатысады. Өздері топ басшыларын сайлап, топтың атын, ұранын және 

төсбелгі ойлап табады.

Ойын алаңы: магнит тақтада  1-ден  10-ға деінгі сандар, 4 конверт :жасыл, сары, қызыл, көк

Топтың мүшелері бір сан таңдап алады, әр санға сәйкес тапсырма беріледі.

1. Қызыл конверт- «Логика».

2. «Өрмекші торы».

3. Жасыл конверт- «Математика».

4. Лотерея билеті.

5. « От ».

6. Көк конверт- « 7 жұмбақ ».

7. «Алтын сандық ».

8. « Қамал ».

9. Сары конверт- « Мақал-мәтелдер ».

10. «Қара мысық ».

Ойын шарты:

«Қара мысық» туссе жолыңыздың болмағаны, ойын кезегі келесі топқа беріледі.

« От » келсе , жинаған ұпайларыңыздың 30 ұпайы күйіп кетеді.

«Лотерея билеті»- керісінше 30 ұпай сыйлыққа беріледі.

«Қамалға» келсеңіз , қиын есепке ие боласыз. Ол арнайы сұрақ болады.

«Алтын сандық» -олжаға кенелеміз. Сыйлық аламыз, ойынды жалғастырамыз.

«Өрмекші торына» туссеңіз, көрермендер сұрағына ие боласыз. Сұрақтың 

дұрыс жауабын таппаса, тордан шыға алмайды.

Ойын барысы:

І-жургізуші

-Уа, халайық, халайық!

Бәріңе жыр салайық

Бүгінгі кеш төрінде

Математика елінде

Математика тілінде

Есеп шешіп жарысып.

ІІ-ж

Шабыт тасып шалқысып

Есеппен ән салысып

Көңілді кеш жасайық.

Ат салысып аянбай

Бар өнерге басайық.

І-ж

Құрметті аяулы көрермендер,

Білімменен сусындаған жас өреңдер,

Қош келдіңіз бүгінгі ойын-сайысымызға

Бұл күн қалсын мәңгіге есімізде.

ІІ-ж

Шақырамыз екі топты ортаға

Қол соғады көрермендер таңдана.

Сайыскер өнеріңді ортаға сал,

Осы кеште біліміңді сынап ал.

Білмегеніңді осы  бүгін біліп ал.

І-ж

Қазылар орнықтырар әділдікті

Кімдердің жауаптары кәміл шықты?

Білім мен тапқырлықтың жарысында

Жеңіске жетер дейміз нағыз мықты!

(Әділқазылар алқасының мүшелерімен таныстырып өтейік)

ІІ-ж

Ал, қанеки сайысты біз бастайық

Ұрандарымызды айтып,

Өзімізді таныстырып тастайық.

(сөз кезегін әр топқа береміз)

Командалардың  өздерімен таныстыруы, сәлемдесуі.

Ойынды бастайтын команданы анықтау үшін, капитандары ортаға шақырылады,

« К » әрпінен басталатын математика терминдерін кім көп айтады, сол команда

бірінші бастайды.

 «Логика». І-ж.

Ал қанеки балалар

Құлақ салшы  сөзіме

Сұрақ берсем берейін

Логикадан өзіңе

«Өрмекші торы». ІІ-ж.

Ойла-ойла тереңнен,

Жақсы емес-ау көп бөгелген.

Сұрақтарды шешпесең

өте алмайсығ бөгеттен

(қөрермендер сұрагы)

«Қамал». І-ж.

Тауды биік демеңдер,

Талаптансаң шығарсың

Арнайы сұрақ      (Төмендегі сандардың әрқайсысына бір әріпсәйкес келеді.

Бірдей цифрларға бірдей  әріптер сәйкес келеді.   1747  санына сәйкес     келетін сөзді  табыңдар.  (40ұпай)

1).  5737              АРЗУ

2).  7147              КУЗУ

3).  6237              СУЛУ

4)   1747              УСЛУ                                      Жауабы:  1747  СУЛУ.

«Математика»- жасыл конвертінің сұрақтары  (әр дұрыс жауап – 10ұпай).

1. Екі қатынастың теңдігі? (пропорция)

2. Айырмашылығы тек таңбаларында ғана болатын сандар? (қарама-қарсы)

3. Нөлден кіші сандар? (теріс сандар)

4. Қарама-қарсы сандардың қосындысы неге тең? (нөль)

5. -21 санына қарама-қарсы санды атаңдар. ( 2 1 )

6. Бұрышты өлшейтін құрал? (транспортир)

7. Жазыңқы бұрыштың градустық өлшемі?  ( 180°)

8. Перпендикуляр түзулер деп қандай түзулерді айтады? (тік бұрыш жасап қиылысатын)

9. «Координаталар» сөзі нені білдіреді?  (реттелген)

10. Таңбалары бірдей сандардың көбейтіндісі қандай сан болады? ( Оң сан )

11. Қайсысы көп : 2 метр ме, әлде 201 см ме?  ( 201 см)

12. Жарты теңгенің жартысы неге тең?  (25 тиын)

13.   -18 қосу  11 ?   (-7 )

14. 5 санына кері сан?  ( )

15. Сан аралықтарының неше түрі бар? Оларды атаңдар. ( 5 түрі. Кесінді,

 интервал, жартылай интервал, сәуле, ашық сәуле).

«Логика» - қызыл конверттің сұрақтары   (20 ұпай).

1. Аспанда бір қатар үйректер ұшып барады. Біреуі алдында, екеуі артында ,

біреуі артында, екеуі алдында, біреуі екеуінің арасында. Барлығы неше 

үйрек ұшып барады? (3).

2. Үстелдің 4 бұрышы бар. Егер 1 бұрышын кесіп тастаса, неше бұрыш 

      қалады? (5)

3. Екі қолда 10саусақ. Сонда 10 қолда неше саусақ болады?  (50)

4. Әсем поездың басынан есептегенде 7-вагонға отырды. Мадина поездың

соңынан есептегенде 7-вагонға отырды. Сонда қыздар бір вагонда болды. поезда неше вагон болған?  (13)

5. 86 санын ешқандай жазу жазбай 12-ге арттыр.  (98)

6. Бес тоғыздықпен 10санын қалай алуға болады?   ( (9•9) : 9 + 9 : 9)

7. Қндай 3 натурал санның қосындысы олардың көбейтіндісіне тең? (1,2,3)

8. 1 2 3 4 5 =2 теңдік орындалатындай цифрлар арасына амалдар таңбасын қойыңдар         (   (1+2+3+4) : 5 = 2 )

9. Адасқан әріптер. Қандай сөздер:

Нарадс, тазауй, киреш, ретм        (сандар, азайту, ширек, метр)

    10.  Сан тізбегін жалғастыр :    9, 1, 7, 1, 5, 1,..........  (3, 1)

                                               3, 7, 11, 15, 19..........( 21 ).

«Мақал-мәтелдер» - сары конверт. (30 ұпай)

Құрамында сандар бар мақал-мәтелдер айтыңдар.

« Жеті жұмбақ» - сары конверт .    (30 ұпай)

1. Атадан 10 боламыз,

Бір-бір жастан арамыз.

Қосылып кейде басымыз,

Азайып кеде қаламыз.

Бөлініп кейде арамыз,

Көбейтіп те аламыз.  (цифрлар)

2. Бөлмеде  2 ит , 3 құс , 1 шыбын бар.Осы жануарлардың бәрінің аяқтарын

қосып есептегенде қанша болады?  (20)

3. Екі адам 5метрлік бөренені ұзындықтары тең 5 бөлікке кесті. Егер бөлікті 

кесуге  1,5 минут кетсе, бөренені кесуге қанша минут кетеді? (6 минут)

4. Бір-бірімен жарысқан,

Бес аю, бір арыстан,

Екі қой мен үш түлкі

Бәрі нешеу кім білді?

5. Ағаш үстінде 30 торғай отырды. Аңшы 1 торғайды атып алды. Олардың 

қаншасы қалды?  (1 торғай қалды, басқалары ұшып кетті)

6. Төрт тяқтың 8 ұшы бар. Алты жарым таяқтың неше ұшы бар? (14)

7. Түйе, бота маң басқан, 

Төрт аяғын тең басқан.

Шұнақ құлақ бес ешкі,

Қос лақты қос ешкі.

Екі қозылы екі қой

Бәрін бірге санап қой. (15)

Жүргізуші:

Білім деген биік шың,

Бақытқа сені жеткізер.

Білім деген ақылшың

Қиындықтан өткізер, - деп бүгінгі білім сайысын қорытындылаймыз. (Сайыс

нәтижесін әділқазылар хабарлайды)

«Талантыңмен таныл» ойыны түріндегі сыныптан тыс жұмыс.

Мақсаты: 1.Оқушылардың математика пәніне деген қызығушылығын

арттыру, математикадан алған білімдерін нығайту, ойлау қабілеттерін 

дамыту.

2. Ұйымшылдыққа , топ болып жұмыс жасауға, өздіктерінен іздене 

 білуге, ой қорытындысын жасай білуге, шапшаңдыққа, жинақылыққа дағдыландыру.

3.Оқушылардың мақсатқа жету барысында жауапкершіліктерін жетілдіру,

күшіне деген  сенімін арттырып, үлкен жетістіктеріне жетуге тәрбиелеу.

Ойын түрінде өткізілетін сыныптанм тыс жұмысқа  6«а»  және  6«ә» сынып оқушылары

2 топқа бөлініп қатысады. Өздері топ басшыларын сайлап, топтың атын, ұранын және 

төсбелгі ойлап табады.

Ойын алаңы: магнит тақтада  1-ден  10-ға деінгі сандар, 4 конверт :жасыл, сары, қызыл, көк

Топтың мүшелері бір сан таңдап алады, әр санға сәйкес тапсырма беріледі.

1. Қызыл конверт- «Логика».

2. «Өрмекші торы».

3. Жасыл конверт- «Математика».

4. Лотерея билеті.

5. « От ».

6. Көк конверт- « 7 жұмбақ ».

7. «Алтын сандық ».

8. « Қамал ».

9. Сары конверт- « Мақал-мәтелдер ».

10. «Қара мысық ».

Ойын шарты:

«Қара мысық» туссе жолыңыздың болмағаны, ойын кезегі келесі топқа беріледі.

« От » келсе , жинаған ұпайларыңыздың 30 ұпайы күйіп кетеді.

«Лотерея билеті»- керісінше 30 ұпай сыйлыққа беріледі.

«Қамалға» келсеңіз , қиын есепке ие боласыз. Ол арнайы сұрақ болады.

«Алтын сандық» -олжаға кенелеміз. Сыйлық аламыз, ойынды жалғастырамыз.

«Өрмекші торына» туссеңіз, көрермендер сұрағына ие боласыз. Сұрақтың 

дұрыс жауабын таппаса, тордан шыға алмайды.

Ойын барысы:

І-жургізуші

-Уа, халайық, халайық!

Бәріңе жыр салайық

Бүгінгі кеш төрінде

Математика елінде

Математика тілінде

Есеп шешіп жарысып.

ІІ-ж

Шабыт тасып шалқысып

Есеппен ән салысып

Көңілді кеш жасайық.

Ат салысып аянбай

Бар өнерге басайық.

І-ж

Құрметті аяулы көрермендер,

Білімменен сусындаған жас өреңдер,

Қош келдіңіз бүгінгі ойын-сайысымызға

Бұл күн қалсын мәңгіге есімізде.

ІІ-ж

Шақырамыз екі топты ортаға

Қол соғады көрермендер таңдана.

Сайыскер өнеріңді ортаға сал,

Осы кеште біліміңді сынап ал.

Білмегеніңді осы  бүгін біліп ал.

І-ж

Қазылар орнықтырар әділдікті

Кімдердің жауаптары кәміл шықты?

Білім мен тапқырлықтың жарысында

Жеңіске жетер дейміз нағыз мықты!

(Әділқазылар алқасының мүшелерімен таныстырып өтейік)

ІІ-ж

Ал, қанеки сайысты біз бастайық

Ұрандарымызды айтып,

Өзімізді таныстырып тастайық.

(сөз кезегін әр топқа береміз)

Командалардың  өздерімен таныстыруы, сәлемдесуі.

Ойынды бастайтын команданы анықтау үшін, капитандары ортаға шақырылады,

« К » әрпінен басталатын математика терминдерін кім көп айтады, сол команда

бірінші бастайды.

 «Логика». І-ж.

Ал қанеки балалар

Құлақ салшы  сөзіме

Сұрақ берсем берейін

Логикадан өзіңе

«Өрмекші торы». ІІ-ж.

Ойла-ойла тереңнен,

Жақсы емес-ау көп бөгелген.

Сұрақтарды шешпесең

өте алмайсығ бөгеттен

(қөрермендер сұрагы)

«Қамал». І-ж.

Тауды биік демеңдер,

Талаптансаң шығарсың

Арнайы сұрақ      (Төмендегі сандардың әрқайсысына бір әріпсәйкес келеді.

Бірдей цифрларға бірдей  әріптер сәйкес келеді.   1747  санына сәйкес     келетін сөзді  табыңдар.  (40ұпай)

1).  5737              АРЗУ

2).  7147              КУЗУ

3).  6237              СУЛУ

4)   1747              УСЛУ                                      Жауабы:  1747  СУЛУ.

«Математика»- жасыл конвертінің сұрақтары  (әр дұрыс жауап – 10ұпай).

1. Екі қатынастың теңдігі? (пропорция)

2. Айырмашылығы тек таңбаларында ғана болатын сандар? (қарама-қарсы)

3. Нөлден кіші сандар? (теріс сандар)

4. Қарама-қарсы сандардың қосындысы неге тең? (нөль)

5. -21 санына қарама-қарсы санды атаңдар. ( 2 1 )

6. Бұрышты өлшейтін құрал? (транспортир)

7. Жазыңқы бұрыштың градустық өлшемі?  ( 180°)

8. Перпендикуляр түзулер деп қандай түзулерді айтады? (тік бұрыш жасап қиылысатын)

9. «Координаталар» сөзі нені білдіреді?  (реттелген)

10. Таңбалары бірдей сандардың көбейтіндісі қандай сан болады? ( Оң сан )

11. Қайсысы көп : 2 метр ме, әлде 201 см ме?  ( 201 см)

12. Жарты теңгенің жартысы неге тең?  (25 тиын)

13.   -18 қосу  11 ?   (-7 )

14. 5 санына кері сан?  ( )

15. Сан аралықтарының неше түрі бар? Оларды атаңдар. ( 5 түрі. Кесінді,

 интервал, жартылай интервал, сәуле, ашық сәуле).

«Логика» - қызыл конверттің сұрақтары   (20 ұпай).

1. Аспанда бір қатар үйректер ұшып барады. Біреуі алдында, екеуі артында ,

біреуі артында, екеуі алдында, біреуі екеуінің арасында. Барлығы неше 

үйрек ұшып барады? (3).

2. Үстелдің 4 бұрышы бар. Егер 1 бұрышын кесіп тастаса, неше бұрыш 

      қалады? (5)

3. Екі қолда 10саусақ. Сонда 10 қолда неше саусақ болады?  (50)

4. Әсем поездың басынан есептегенде 7-вагонға отырды. Мадина поездың

соңынан есептегенде 7-вагонға отырды. Сонда қыздар бір вагонда болды. поезда неше вагон болған?  (13)

5. 86 санын ешқандай жазу жазбай 12-ге арттыр.  (98)

6. Бес тоғыздықпен 10санын қалай алуға болады?   ( (9•9) : 9 + 9 : 9)

7. Қндай 3 натурал санның қосындысы олардың көбейтіндісіне тең? (1,2,3)

8. 1 2 3 4 5 =2 теңдік орындалатындай цифрлар арасына амалдар таңбасын қойыңдар         (   (1+2+3+4) : 5 = 2 )

9. Адасқан әріптер. Қандай сөздер:

Нарадс, тазауй, киреш, ретм        (сандар, азайту, ширек, метр)

    10.  Сан тізбегін жалғастыр :    9, 1, 7, 1, 5, 1,..........  (3, 1)

                                               3, 7, 11, 15, 19..........( 21 ).

«Мақал-мәтелдер» - сары конверт. (30 ұпай)

Құрамында сандар бар мақал-мәтелдер айтыңдар.

« Жеті жұмбақ» - сары конверт .    (30 ұпай)

1. Атадан 10 боламыз,

Бір-бір жастан арамыз.

Қосылып кейде басымыз,

Азайып кеде қаламыз.

Бөлініп кейде арамыз,

Көбейтіп те аламыз.  (цифрлар)

2. Бөлмеде  2 ит , 3 құс , 1 шыбын бар.Осы жануарлардың бәрінің аяқтарын

қосып есептегенде қанша болады?  (20)

3. Екі адам 5метрлік бөренені ұзындықтары тең 5 бөлікке кесті. Егер бөлікті 

кесуге  1,5 минут кетсе, бөренені кесуге қанша минут кетеді? (6 минут)

4. Бір-бірімен жарысқан,

Бес аю, бір арыстан,

Екі қой мен үш түлкі

Бәрі нешеу кім білді?

5. Ағаш үстінде 30 торғай отырды. Аңшы 1 торғайды атып алды. Олардың 

қаншасы қалды?  (1 торғай қалды, басқалары ұшып кетті)

6. Төрт тяқтың 8 ұшы бар. Алты жарым таяқтың неше ұшы бар? (14)

7. Түйе, бота маң басқан, 

Төрт аяғын тең басқан.

Шұнақ құлақ бес ешкі,

Қос лақты қос ешкі.

Екі қозылы екі қой

Бәрін бірге санап қой. (15)

Жүргізуші:

Білім деген биік шың,

Бақытқа сені жеткізер.

Білім деген ақылшың

Қиындықтан өткізер, - деп бүгінгі білім сайысын қорытындылаймыз. (Сайыс

нәтижесін әділқазылар хабарлайды)

«Жұлдызды сәт» ойыны (Сыныптан тыс сабақ)

Мақсаты: Оқушылардың ынтасын, қызығушылығын арттырып, өзінің жауапкершілігін сезіне білуіне және өз бетінше жұмыс істеуге жұмылдыру, жан-жақты ойлауын, ізденуін, есте сақтау қабілетін, дүниетанымын арттыру. 
«Жұлдызды сәт» атты интелектуалды ойынымызды бастаймыз. 
Ал, қанекей, келіндер, 
Біріңе-бірің еріндер. 
Біліміңді тексеріп, 
Ойынға қатысып көріңдер - дей келе, ойынға қатысушыларға сәт сапар тілеймін. Ойынға қатысу үшін қойылған сұрақтарға жауап беру қажет. Ойынға 12 ойыншы қатысады. 

ü Қазақстан өзінің тәуелсіздігін қай жылы жариялады? 
ü ҚР жер көлемі қанша? 
ü Жерінің үлкендігі бойынша нешенші орында? 
ü Қазақ валютасы қашан қабылданды және қалай аталады? 
ü Абылай ханның шын есімі? 
ü Қарағанды көмір кен орнын 1833жылы кім тапты? 
ü Рейсхтагқа ту тіккен кім? 
ü Мемлекттік рәміздерге биыл қанша жыл толды? 
ü Алтын адам қайдан табылды? 
ü Желтоқсан оқиғасының құрбандарын ата? 
ü Астана қаласының тұсаукесері ресми түрде қай жылы болды? 
ü Қазақстанның өзен көлдерін ата. 
Қазылар орнықтырар әділдікті 
Кімдердің жауаптары кәміл шықты. 
Білім мен тапқырлықтың жарысында 
Жеңіске жетер дейміз нағыз мықты. 
Демекші, әділ қазыларды сайлап алайық. 
_______________________________________________________ 
_____________________________________________________ 
Жүргізуші: Ойыншылар сәт сапар! 
Бұл бөлімде мақалдар оқылады, сайыскерлер оның жалғасын тауып айту керек. Жылдам жауап берген ойыншыдан сұралып, әрбір дұрыс жауапқа 1ұпай беріледі. Ең аз ұпай жинаған 2 ойыншымен қоштасамыз. 
Туған елдей ел болмас, ...... туған жердей жер болмас. 
Ата көрген оқ жонар, ... ана көрген тон пішер. 
Жаңбырменен жер көгереді,... Батаменен ел көгереді. 
Кітап білім бұлағы, .... білім өмір шырағы. 
Ақыл азбайды.... білім тозбайды. 
Оқу инемен құдық.... қазғандай. 
Еңбек ширатады, ...өмір үйретеді. 
Еңбек етсең ерінбей, ... тояды қарнын тіленбей. 
Отан оттан да .... ыстық. 
Отан үшін отқа түс күймейсің, .... арың үшін алыссаң өлмейсің. 
Туған жердің күні де ыстық, ... түні де ыстық. 
Өнер ағып жатқан бұлақ, ... білім жанып жатқан шырақ. 
Аз сөз алтын-көп сөз көмір. 
ІІ бөлім «Қозы көш» 
Ұяшық таңдау: Бұл бөлімде жеңілден күрделіге қарай сұрақтар қойылады. Біреуі арнайы сұрақ. Ең аз ұпай жинаған 3 ойыншымен қоштасу.

Қазақ тілі 
10-ұяшық: Сөз таптарын ата? 
20-ұяшық: «Жаңылмасам, сіз осы мектептің директоры боларсыз?» 
Қыстырма сөзді тап. 
30-ұяшық: «Сарыағаш, отыз- қырық, медколледж ». Бұл қандай сөздер? 
40-ұяшық: Мәтін дегеніміз не? 
Математика 
10-ұяшық: 7 санымен аяқталатын сан берілген. Ол 300-ден артық та, 
310-нан кем. Берілген санды тап? 
20-ұяшық: Екі әке, екі бала театрға билет алды. Театрға неше адам 
барды? 
30-ұяшық: Бір топ үйрек ұшып барады. Олар барлығы бесеу. Біреуі 
жерге қонса, нешеуі қалады? 
40-ұяшық: Автомобиль 180 км қашықтықты 2 сағатта жүріп өтті. 
Автомобиль жылдамдығы неге тең? /90 км/сағ/ 
Дүниетану 
10-ұяшық: Пирамидалар қай мемлекетте орналасқан? /Египет/ 
20-ұяшық: Ауада ең көп кездесетін газ? /Азот/ 
30-ұяшық: Адам баласы алғаш рет отты қандай нәрседен жақты? 
/шақпақ тастан/ 
40-ұяшық: Арал көліне құятын өзендер? /Әмудария, Сырдария/ 
Ана тілі 
10-ұяшық: Абай Құнанбаевтың қандай өлеңдерің білесің? 
20-ұяшық: Отан, туған жер туралы 3 мақалды айт. 
30-ұяшық: «Орындалған арман» шығармасының авторы кім? 
40-ұяшық: Арнайы сұрақ: Қаланың негізі 1830 жылы қаланған. 1961жылға дейін Ақмола қаласы, 1961-1992 жылға дейін Целиноград, 1992 ж қалаға тарихы атауы қайтарыды. 1998 ж қала атауы тағы да өзгертілді? Бұл қай қала? 
ІІІ бөлім «Жолайрық» 
Ұпай саны аз ойыншы кестедегі жасырылған кез келген сөзді табуға құқылы. Әрбір дұрыс жауап 10 ұпай және әр ойыншы бір сөзді табуы керек. Ойын нәтижесі бойынша аз ұпай жинаған 3ойыншымен қоштасамыз. 
Шарты: оңнан да, солдан да оқысаң бірдей оқылатын сөздерді табу қажет. Жауаптары: қазақ, қалақ, кесек, надан, керек, қырық, қызық. 
қ қ 
қ қ 
к к 
н н 
к к 
қ қ 
қ қ 

Кідіріс 
Көрермендерге сұрақтан шашу шашайық. 
Ø Шаршының қабырғасы 5 см ауданын тап. /20см²/ 
Ø Құрманғазы шәкірті кім? 
Ø Жер бетінің қағазға кішірейтілген бейнесі қалай аталады? /карта/ 
Ø 1жұмыртқа 3 мин піссе, 5 жұмыртқа қанша уақытта піседі? 
Ø 6 м бөренені 1 метрден неше жерден кесу керек? /5/ 
Ø Бастауыштың қимылын білдіретін сөйлем мүшесі? /баяндауыш/ 
Ø ҚР шекаралас мемлекеттерді ата. 
ІV бөлім. «Алтын көмбе» 
Сөзден сөз шығару. Сөздегі әріптердің орнын өзгертпей, бірнеше сөз шығару. Ойыншылар асық таңдау арқылы сөз таңдап, сол сөзден бірнеше сөз шығаруы қажет. Ойын нәтижесі бойынша аз ұпай жинаған 2 ойыншымен қоштасамыз. 
1. Дөңгелек 
2.кемпірқосақ. 
V бөлім 
«Кім болам?» Бес минуттық ойтолғау 
Сайыскерлер болашақ мамандық таңдаудағы мақсаты және неліктен сол мамандық иесі болғысы келетіндігі жайлы ой толғайды. 
«Сен де бір кірпіш дүниеге, кетігін тап та бар, қалан»- деген Абай атамыздың ұлағатты сөзін басшылыққа алып, ойыншылар ой түйгенше, 4 А сынып оқушыларының патриоттық өлеңдерді мәнерлеп оқуына кезек берейік. 

Сонымен, әділқазылар алқасы жалпы ұпай нәтижесін есептеп шығарғанша, көрермендер арасында сайыс ұйымдастырылады. 
Атамекен 
сөзі. Қ.Мырзалиев, 
әні. Е.Хасанғалиев 
Жасыл жайлау түкті кілем көк кілем 
Көк кілемде көп ойнаймын көп күлем 
Маңдайымнан сипап өткен самалды 
Қазағымның алақаны деп білем 
Қайда жүрсем атамекен 
Көкейіңде жатады екен 
Күннің өзі қимай оны 
Ұясына батады екен 
Көрермендерге әннің жасырылған сөздерін тапқызу, әнді бірге шырқау. 
Марапаттау 

Қорытынды 

Ән: «Жаса, Қазақстан!» 

Бауырсақтың достары

Тақырыбы: «Бауырсақтың достары» 
Мақсаты:балаларды шеңбер жасай жүрумен жүгіруге,тәрбиешінің тапсырмасын орындауға жаттықтыру,еңбектеп жүру дағдысын,допты домалату дағдысын бекіту.Кедергілерден секіруге жаттықтыру.Ауданы кіші жермен жүргенде тепетеңдікті сақтап жүруін бекіту.Ойында жолдастық сезімге,ұйымшылдыққа тәрбиелеу. 
Керекті құралдар:кішкентай доптар,құрсаулар,арқандар,гимнастикалық орындық 

Іс –әрекет кезеңдері Тәрбиешінің іс-әрекеті Балалардың іс-әрекеті 
Мотивациялық қозғаушы Балаларға белгі беріп залға маршпен кіргізеді.Шеңберге тұрғызады.Сәлемдеседі. 
Т: Балалар үйге қонақ келгенде біз не береміз? 
Т: Қанеки өзіміз келген қонақтарға бауырсақ дайындап берейікші. Тәрбиешінің белгісі бойынша залға маршпен кіреді.Шеңберге тұрады. 
Сәлемдеседі. 

-Бауырсақ 

Іздену 
ұйымдастыру Шеңберде отырып қолға және саусақтарға арналған қимылдарды орындайды. Дайын болған қамырды пешке салып,бауырсақтар дайын болғанша ойын ойнатады. 
Қ/о: «Жейміз- жемейміз» 
Т: Ой балалар, біздің пешіміз сиқырлы екен,қараңдаршы біздің баурсақтарымыз әртүсті және үлкен болып піскен.Мына бауырсақтардың ерекшелігін байқап көрейік.Шеңберде тұрып доппен жасайтын жаттығу орындатады. 
Т:Балалар,біздің бауырсағымыз ыссы екен, үрлеп суытайық! 
Тыныс алу жаттығуын орындатады. 
Т: Балалар,ендеше біздің бауырсақтар қалай домалайтынын көрейік 
Қ/о: «Допты қуып жет!» 
Ойын щарты: Домалаған допты қуып жету. 

Т:Кәне бәріміз бауырсақтарымызды ыдысқа жинайық,Ой балалар Жасұланның бауырсағы домалап кетіпті,Ол қайда домалап кетуі мүмкін? 
Т:Балалар,олай болса біздер бауырсақты іздеуге орманға барайық.Балаларды бойымен бір қатарға тұрғызады. 
Зал бойында жұптасып жүру. 
Бір қатармен жүріп кедергілерден өту. 
1.Бұталарының астымен өту 
2. Бір аяқ жолмен жүру 
3.Көпірдің үстімен өту 
4. Шалшық сулардан секіріп өту. 
5.Үнгірден төрттағандап еңбектеп өту 
Т: Ой балалар ағаш түбінде түлкі ұйықтап жатыр жанында себетте біздің бауырсағымыз бар екен.Қане жайменен барып бауырсақты құтқарайық! 
Қ/о: «Түлкіге ұстатпаймыз!» 
Ойын шарты: Ұйықтап жатқан түлкінің бауырсағын алып аяқтың ұшымен қашу. 
Балабақшаға оралады. 
Балалар шеңберде отырып қолмен ,саусақтарымен тәрбиешінің орындаған қимылдарын қайталайды. 

Ойынға қызығушылыкпен қатысады. 
Бауырсақтарға таңқалып қарайды. 

Шеңберде тұрып доппен жасалатын жаттығуларды тәрбиешінің үлгісімен орындайды. 

Тыныс алу жаттығуын орындайды. 

Балалар допты қуып жетеді. 

Орманға атасы мен әжесіне кетіп қалған болар. 

Балалар бойымен бір қатарға тұрады. 
Зал бойында жұптасып жүреді.Бір қатармен жүреді. 
Бұталардың астымен еңкейіп өтеді. 
Бір аяқ жолмен жүреді 
Көпірдің үстімен тепетеңдікті сақтап өтеді 
Үнгірден төрттағандап еңбектеп өтеді 

Ағаш түбіндегі түлкіге аяқтың ұшымен келіп бауырсақты алып қашады. 
Қорытынды. Балаларды шеңберге тұрғызып 
Тыныс алу жаттығуын орындатады 
Т: Балалар бір тәтті иіс сезіп тұрсыңдарма? 
Бұл хош иіс пешімізден шығады екен 
Пештің ішінен тәтті бауырсақтарды балаларға таратып береді Шеңберде тұрып тыныс алу жаттығуын орындайды. 

Ия 

Күтілетін нәтиже: 
Болуы керек: қызығушылығы,журу,жүгіру,секіру,еңбектеу дағдылары 
Меңгерді: Гимнастикалық орындық үстімен тепетеңдікті сақтап жүреді,кедергілерден секіріп өтеді,жүру түрлерін орындай алады.

                                                            Математика

Пәні бойынша бастауыш сынып оқушылары үшін логикалық ойлауға арналған тапсырмалар (2, 3, 4 сыныптар)

2-сынып

№ 1 тапсырма
1. Мұзайдында 6 бала сырғанап жүрді. Олардың екеуі түскі тамақ ішуге кетті, ал түстен кейін олар мұзайдынға қайтып оралды. Мұзайдында қанша бала сырғанап жүр?
2. Отбасында төрт бала бар: қыздар қанша болса, ұлдар да сонша.Отбасында қыздар қанша, ұлдар қанша?
3. Әсет Сәбитпен шахмат ойнап 2 рет жеңді, ал Сәбит Әсетті 3 рет жеңді. Тағы бір ойында олар тепе-тең түсті. Балалар неше рет шахмат ойнаған?4. Арман тақта шоколадты екіге бөлді, содан соң оның бөлінген бір бөлігін тағы да екіге бөлді. Сонда Әсет шоколадты неше бөлікке бөлген?
5. Әрбір екі қорапшада 10 конфеттен салынған. Мәдина бірінші қораптан бірнеше конфет алып жеді. Мұны көрген Дариға екінші қораптан бірінші қорапта қанша қалса,сонша конфетті жеп қойды. Енді екі қораптағы барлық қалған конфеттердің саны қанша болмақ?
6. Мына сандар қандай тәртіппен орналасқан?
1 2 3 4 5 6 7 8 9 9 8 7 6 5 4 3 2 1
7. 4 литрлік және 6 литрлік ыдыстармен 2 литр суды краннан қалай ағызып алуға болады?
8. Екінші сынып оқушылары екі-екіден жұптасып тұрды. Сәкен мен Дәурен жетінші жұп болды. Олар алдынан санағанда жетінші болды, ал артынан санағанда төртінші болды. Сыныпта қанша оқушы бар?
9. Велосипед дөңгелегінде 8 шабақ бар. Барлық шабақтардың арасында неше аралық болады?
10. Отбасында 2 бала бар. Мәрлен Ардақтың ағасы, ал Ардақ Мәрленге аға емес. Сонда Сұңғат кім?

№ 2 тапсырма
Өрнектің мәнін тап.
1. Бір таңбалы сандар нешеу? Екі таңбалылар ше?
2. 10, 11, 238, 5051, 7002 сандарының қосындысын тап.
3. Қосындысы 9-ға тең болатын барлық есептерді жаз.
4. Алғашқы он натурал санды жаз және олардың ішінен барлық жұп сандарды ата.
5. Ең кіші бір таңбалы сан мен ең үлкен бір таңбалы санды ата.
6. Ең кіші төрт таңбалы саннан бірлікті алғанда үш таңбалы сан шығуы керек. Ол қандай сан?
7. Қандай екі таңбалы санға бірлікті қосқанда үш таңбалы сан шығады?
8. Алдында сан болмайтын натурал санды жаз.
9. Мына өрнектерді жаз және айырмашылықтарын салыстыр: 88–36, 88–31, 88–35.
10. Орындарын ауыстырса да өзгермейтін бірнеше сандар жаз.
№ 3 тапсырма
Өрнекті жаз және есептеп шығар.
1. 30 бен 13-тің айырмасынан 8-ді азайт.
2. 7 мен 6-ның қосындысына 9-ды қос.
3. 8 бен 4-тің қосындысы 11 мен 6-ның айырмасынан қаншаға көп?
4. 33-ке 16 мен 9-дың айырмасын қос.
5. 16 мен 8-дің айырмасын 7-ге арттыр.
6. 21 мен 29-дың қосындысын 22 мен 12-нің айырмасынан кеміт.

3-сынып

№ 1 тапсырма
1. Әнуар Сабырдан 5 жас үлкен және Даниярдан 2 жас үлкен. Сабыр үлкен бе, Данияр үлкен бе? Және неше жасқа үлкен?
2. Әкесі, шешесі, ұлы үшеуінің жастарын қосқанда 70 жас. Ал төрт жылдан кейін үшеуінің жастары нешеге жетеді?
3. Сыныптағы 25 оқушының 17-сі ағылшын тілін, кейбіреуі француз тілін де үйреніп жүр, ал 15 оқушы француз тілін үйреніп жүр. Екі тілді де үйренушілер саны қанша?
4. Ағашта 3 ұзақ пен 2 қарға отырды. Екі құс ұшып кетті. Неше және қандай құстар ағашта қалуы мүмкін?
5. Жол бойына үйеңкі мен жөке ағаштары отырғызылды. Әрбір екі үйеңкінің ортасына екі жөке ағаштары отырғызылған. Егер үйеңкі 20 болса, жөке ағашы нешеу?
6. Екі залда 50 орындық бар. Бір залдан 10 орындықты алып кеткенде, екі залдағы орындықтар саны бірдей болды. Әуелде әр залда неше орындықтан болғанын тап.
7. 18 вафлиді тарелкелерге былай салған: біріншісіне – 4, екіншісіне – 5, үшіншісіне – 2, ал төртіншісіне – 7. Осы тарелкелерді екі үстелге қойғанда, бір үстелде екінші үстелден екі есе көп вафли болу керек. Сонда тарелкелерді қалай қоямыз?
8. Әжем, анам және мен – үшеуміз фотосуретке түстік. Әжем анамның сол жағында, анам менің сол жағымда тұр. Біздің фотосуретте қалай тұрғанымызды тап.
9. Назым, Майра және Нұргүл – үшеуі роза, жауқазын, түймедақ гүлдерін сатып алды. Назым мен Майра роза гүлін алған жоқ, ал Майра мен Нұргүл түймедақ гүлін алған жоқ. Кім қандай гүл сатып алғанын тап.
10. Жібек матаның 1 метрі сәтеннен 2 есе қымбат. Енді 8 метр сәтенге көп ақша кете ме, әлде 4 метр жібекке көп ақша кете ме?
11. Қорапшада барлығы 15 шар жатыр: қара, қызыл, және ақ. Ақ шарлар қарасынан 7 есе артық. Неше қызыл шар барын табыңдар.

№ 2 тапсырма
Өрнектің мәнін тап.
1. Қандай сан 5-тен 8 есе көп болады?
2. 45 санын 9 есе кеміт.
3. 36 мен 4-тің бөліндісін тап.
4. 8 бен 3-тің көбейтіндісін тап.
5. Бөлінгіші – 32, бөліндісі – 4. Бөлгішті тап.
6. Бірінші көбейткіш – 6, көбейтінді – 30. Екінші көбейткішті тап.
7. Қандай санды 7-ге бөлгенде 8 шығады?
8. 50 саны ойланған сан мен 5-тің айырмасына тең. Ойланған сан неше?
9. 32 шығуы үшін қандай санды 4-ке арттыру қажет?
10. Азайғышы – 61, айырмасы – 18 болғанда өрнектің азайтқышы нешеге тең болады?

№ 3 тапсырма
Өрнекті жаз және есептеп шығар.
1. 46 мен 31 сандарының айырмасын 5 есе кеміт.
2. 60 пен 40-тың қосындысын 5 есе арттыр.
3. 28 санын 12 мен 9 сандарының айырмасына көбейт.
4. 9 бен 5-тің көбейтіндісін 36-ға кеміт.
5. 24 санын 16 мен 8-дің айырмасына бөл.
6. 54 пен 6-ның бөліндісін 37-ге арттыр.

4-сынып

№ 1 тапсырма
1. Бөртегүл ағашының бұтағында 4 және 5 күлтеден тұратын 35 гүл бар. Барлық күлтелердің саны 153. Сонда 5 күлтелі гүлдер нешеу екенін тап.
2. Менің ақшама осы ақшамның жартысын қосса, 150 теңге болар еді. Менде қанша ақша болған?
3. Шешесі балаларына 10 шоколадты бөліп, қыздарына үш-үштен, ұлдарына екі-екіден берді. Қыздар нешеу, ұлдар нешеу екенін тап.
4. Отбасында 3 ер бала бар. Олардың әрқайсысы алдындағысынан 4 жас кіші. Бәрінің жасын қосқанда 24 болса, үш баланың әрқайсысы неше жаста?
5. Бал салынған қалбырдың салмағы 500 грамм. Жермай құйылған дәл сондай қалбырдың салмағы 350 грамм. Жермай балдан екі есе жеңіл, сонда қалбырдың салмағы қанша?
6. Үш сөмкеде екі ондық дәптер бар. Бірақ біреуіндегі дәптерлер басқа сөмкелердегіден екі есе аз. Әр сөмкеде қанша дәптер бар екенін тап.
7. Егер әмияндағы бар ақшаға сол ақшаның үшінші бөлігіндей тағы ақша қосса, 680 теңге болар еді. Әмиянда қанша ақша болған?
8. Бір санды 6-ға көбейтудің орнына 6-ға бөліп қойды. Сонда 15 шықты. Дұрыс жауап қалай болу керек еді?
9. Қағазға 12 санын бір таңбалармен жауабы 7 шығатындай етіп бөл.
10. Туристер жолдың төрттен бір бөлігін және 8 км жолды жүріп өткенде, әлі жолдың екі бөлігі мен 2 км жол жүру керек еді. Барлық жолдың ұзындығы қанша?

№ 2 тапсырма
Өрнектің мәнін тап.
1. 8 бірл.ІІІ кл, 204 бірл. ІІ кл, 7 бірл. І кл тұратын санды жаз.
2. 7 бірл. 6-шы разрядта, 3 бірл. 5-ші разрядта, 2 бірл. 3-ші разрядта және 9 бірл. 1-ші разрядта тұратын санды жаз.
3. Қосындысы 1000-ға тең үшінші қосылғышты тап. Мұнда бірінші қосылғыш – 450, екіншісі – 380.
4. 480 саны ойлаған саннан 30 есе артық. Ойдағы санды тап.
5. 5-тің кубын тап.6. Сегізден бір бөлігі 15-ке тең болатын толық санды тап.
7. Бөлінді 11-ге тең. Егер бөлгіш те 11-ге тең болса, бөлінгіш нешеге тең болмақ?
8. Қандай санды бөліндіде 12 шығу үшін 40-қа бөлу керек?
9. 87323 санында неше жүздік бар?
10. Мыңдықтар класында 346 бірлігі бар санды жаз.
№ 3 тапсырма
Өрнекті жаз және есептеп шығар.
1) 16 мен 14 сандарының қосындысын 13-ке кеміт.
2) 42 мен 20 сандарының айырмасын 4 есе арттыр.
3) 6 мен 6 сандарының көбейтіндісін 7 мен 8 сандарының көбейтіндісіне арттыр.
4) 350 мен 7 сандарының бөліндісін 21 мен 29 сандарының қосындысына кеміт.
5) 6 санын 40 пен 30 сандарының қосындысына көбейт.
6) 920 мен 870 сандарының айырмасын және 360 пен 190 сандарының қосындысын қос.