Жаратылыстану.«Табиғат бұрышындағы су патшалығы» (табиғат бұрышын бақылау)

Ұйымдастырылған оқу қызметінің технологиялық картасы

Күні, айы, жылы: 18.11.16

Тобы: «Балбөбек» ортаңғы тобы

Білім беру саласы: «Таным»

Бөлімі: Жаратылыстану

Тақырыбы:  «Табиғат бұрышындағы су патшалығы» (табиғат бұрышын бақылау)

Мақсаты: Балалардың балықтар туралы түсініктерін кеңейту, бақылау жүргізе білуді дамыту, талдау, қорытынды жасау, оларды сөйлегенде қолдану. Табиғат бұрышын мекендеушілерді бақылауға үйрету (тоты құс, балық, тасбақа). Балаларды табиғат бұрышын мекендеушілерге күтім жасауға қатыстыру.

Алдын-ала жүргізілетін жұмыстар: балықтар туралы әңгіме жүргізу.

Әдіс-тәсілдер: сөздік, көрнекілік, ойын, практикалық.

Қолданылатын көрнекі  құралдар: суреттер, аквариум, шыны ыдысқа салынған шілтерқұйрық балығы, суреттер.

Қостілділік компонент: балық-рыба-fish, су-вода-water.

Оқу қызметінің кезеңдері	Тәрбиешінің іс-әрекеті	Балалардың іс-әрекеті
Мотивациялық-қозғаушы	Шеңбер құру: «Жылы лебіз!»  Шарты: балалар шеңбер болып тұрады. Оң жаққа бұрылу арқылы бір-біріне әдемі сөздермен теңеу айтады. Мысалы: Айназ, сен әдемі қызсың. Батыр,сен ақылды баласың. -Балалар мына суреттерге қараңдаршы, ненің бейнесін көріп тұрсыңдар?  -Балықтардың басқа жануарлардан айырмашылығы неде? -Балалар балықтың денесі 3 бөліктен тұрады. Олар: Бас, кеуде және құйрық. - Енді балалар аквариумға қараңдаршы, қандай балық жүзіп жүр? -Дұрыс айтасыңдар, аквариумда алтын балық жүзіп жүр.Сендер алтын балық туралы білесіңдер. Бүгін бізге Алтын балық қонаққа келді. - балалар қарандаршы, аквариумдағы балықтар мен Алтын балықтың қандай ұқсастықтар бар? - Дұрыс айтасыңдар, балықтар осы жүзбе қанаттары арқылы суда еркін жүзе алады. Жүзуге арналған қанаттары қалай орналасқан? - Балалар енді балықтың бас жағына назар аударыңдаршы, бүлк-бүлк етеді. Бұл –балалар балықтың желбезегі. Олар осы желбезегі арқылы демалады. Аквариумда өсетін балықтар өзен- көлдерде тіршілік ете алмайды, себебі оларды басқа үлкен балықтар жеп қоюы мүмкін. Аквариумдағы балықтар да еркіндікті сезіну үшін, оларға жағдай жасау керек екен.    Ол үшін біздер аквариумға нелер орналастыруымыз керек? Жарық жақсы түсетін аквариумдардың тең жарымына өсімдік отырғызуға болады.	Балалар шеңбер болып тұрады. Бір-біріне әдемі сөздер айтуға тырысады. -Балықтардың. Балалар көлеміне, түсіне байланысты жауап беруі мүмкін. -Балықтар суда жүзеді, олардың аяқтары жоқ. - алтын балық. Балалар шыны ыдыстағы шілтер құйрық және аквариумдағы алтын балықты бақылап олардың қозғалысына мән береді. -Арқасында, іш жағында қанаттары бар. Аузы, қабықтары ұқсайды. -Кішкентай балықтар суда аквариумда болады.Олар- өзен- көлдерде тіршілік ете алмайды. Себебі, қоректерін тауып жей алмайды. -тастар, құм, өсімдіктер. Арнайы өсімдіктер орналастыруымыз керек.
Іздену-ұйымдастырушы	Енді балықты тамақтандырсаңдар болады. Балыққа көп тамақ беруге болмайды. Мөлшермен береміз. Сол себепті кезек-кезекпен беріп отырамыз. Қол-саусақ жаттығуы: Балық жүзеді. Балық қанаттарын желпиді. Балық тамақ жейді. Балықтар демалады.     Миға шабуыл: Қандай балық сусыз өмір сүре алады? Ойыншық балықтың қозғалыста болуы үшін не жасауға болады?	Екі бала шығып балықтарға тамақ береді. Балалар саусақтары арқылы балықтың қалай жүзетінін, қанаттарын желпейтінін, тамақты қармап жейтінін көрсетеді.                                                       -Ойыншық балық сусыз өмір сүреді. Балалар өз ойларын айтады.
Рефлексивті коррекциялауы	Балалардан бүгінгі жиыннан алған әсерлерін, көңіл –күйлерін, немен айналысқандарын, не үйренгендерін сұрайды.	Балалар қойылған сұрақтарға жауап береді, өздерінің пікірлерін айтады.

                                               Күтілетін  нәтиже:

Жаңғырта алады: балық түрлері, олардың тіршілігі туралы, балықтың тек қана суда өмір сүретіндігін және аквариумда тіршілік ететін балықтарға жағдай жасау керектігін.

Түсінеді: балықтарды таныйды және  оның алтын балықпен өзара ұқсастықтарымен айырмашылығын, аквариумдағы балықтарға адам күтімінің қажеттілігін.

Қолданады: балықтарды күтуді, қамқорлықпен қарауды.

Тәрбиеші: Магзомова А.А