" Жас Ұлан" және " Жас Қыран"ұйымына қабылдау жиын салтанатты.

 Оқушыларды  «Жас Ұлан» және «Жас Қыран»

ұйымына қабылдау

/«Жас Ұлан» балалар ұйымына қабылдау салтанатты жиын/

1 жүргізуші: Қайырлы күн оқушылар және ұстаздар, қонақтар! «Жас Ұлан» және «Жас Қыран  »балалар ұйымы қатарына оқушыларды қабылдау салтанатты жиынға қош келдіңіздер!

  2 жүргізуші: Армысыздар құрметті қонақтар,  ұстаздар және оқушылар! Бүгінгі балалар ұйымының мерекесіне  арналған жас азаматтарды еліміздің нағыз патриоттары, өзгерістерден қаймықпайтын, еңбекқұмар, білімге құштар, өзін-өзі жетілдіруге үнемі ұмтылатын, өршіл, қайсар етіп тәрбиелеуді, дәстүрімізді, ұлттық және жалпы адамзаттық құндылықтарымызды қастерлейтін рухани дүниесі кең тұлғаны қалыптастыруды көздейтін
 «Жас Ұлан» балалар ұйымының қатарына мектеп оқушыларын қабылдау рәсіміне арналған салтанатты жиынымызды ашық деп жариялаймыз!

1 жүргізуші: Қазақстан күннен-күнге өркендеп, гүлденуде. Біз, осындай елде туғанымызға бақыттымыз. Бүгін қонақтар, ұстаздар және оқушылар «Жас Ұлан» балалар ұйымына қабылдау рәсімінде куә болып отыр.

 2 жүргізуші: Сап! Тік тұр! Қазақстан Республикасының туы  енгізілсін!

 Ту енгізіледі! / ән  ойнайды “Көк ту желбірісің”/

1 жүргізуші: Түсініп терең, өмірдің мәнін
Жалынды жастар, сендерсің сәнім.
Беретін бойға күш-қуат, жігер
Шырқалсын шаттық гимн әнім! /ҚР гимні орындалады/

    2 жүргізуші: Жасұлан ұйымының мүшесі - Отанының тәуелсіздігі мен бостандығы үшін күресуші
Жасұлан ұйымының мүшесі - батырларымыздың атын құрметтеп, оның мәңгі қорғаушысы болуға дайындалады. Жасұлан ұйымының мүшесі - оқуда, еңбекте және спортта өжет те қайсар.

1 жүргізуші: Жасұлан ұйымының мүшесі - шыншыл, адал жолдас, әрқашан да шыншылдық үшін күресуге дайын болуы керек. Білімді –көкіректе нұр деп түсін
Жігерлі, жалынды отты жыр деп түсін.
Аталған мақсат, талап, ережені,
Орындауға бәріңде міндеттісің!

2 жүргізуші: Бүгінгі таңғы атты «Жас Ұлан» балалар ұйымы қатарына қабылданады.
Жас Ұлан» ұйымының негізгі мақсаты – оқушылардың қоғамдық, әлеуметтік, танымдық және шығармашылық қабілеттерін дамыту. Ал міндеттері - әлеуметтік тәжірибені байыту және дамыту, мектептегі тәрбиелік әлеуетін жүзеге асыру болып табылады.

1 жүргізуші: Республикалық бірыңғай «Жас Ұлан» балалар ұйымына кіре отырып: ҚР патриоты болуға;
Мемлекеттік рәміздерді құрметтеуге, дәріптеуге;
Отанымызды мақтаныш етуге;
Ата-ананы қадірлеуге;
Білімге ұмтылуға;
Салауатты өмір салтын ұстануға;
Табиғатты аялауға;
 «Жас Ұлан» ережесін бұлжытпай сақтауға және оны өз достарымнан талап етуге; Жерлестеріміздің даңқты ерлігі, өнегесі негізінде ерлікке үйренуге және Отанға шексіз қызмет етуге салтанатты түрде ант етесіңдер ме?

2 жүргізуші: Топ басшылары бүгінгі бірыңғай «Жас Ұлан» балалар ұйымына қабылдау салтанатты жиынына дайындықтары туралы мәлімдеме  тапсыруға дайындалсын. «Жас Қыран» тобы мәлімдеме берсін! «Жас Ұлан» тобы мәлімдеме берсін!

  1 жүргізуші: Қабылдауға жас ұландар және жас қырандар дайын.
Егеменді еліміздің тірегі
Мектептің болашағы жігері
Достықпен татулық тілегі
«Жас Ұлан» ұйымының біз түлегі.

2 жүргізуші: Құрметті мұғалімдер, оқушылар, сіздерді «Жас Ұлан» ұйымына қабылданған оқушыларға туымыз түстес көгілдір галстук және төс белгілерін табыстау рәсіміне шақырамыз.

1 жүргізуші: Бүгінгі жиынның ең жауапты сәті, ант тапсыру рәсімін «Жас Ұлан» ұйымы қатарына қабылданушы оқушыларға береміз.

Анттың мәтіні:
Мен  ____________________, «Жас Ұлан» балалар ұйымының қатарына кіре отырып:
Өз Отаным – Қазақстан Республикасының патриоты болуға;
Мемлекеттік рәміздерді құрметтеуге, дәріптеуге;
Туған елім, жерім, Отанымды мақтаныш етуге;
Ата-анамды қадірлеуге;
Үлкенге құрмет, кішіге ізет көрсетуге;
Білімге табандылықпен ұмтылуға;
Салауатты өмір салтын ұстануға;
Табиғатты аялауға;
«Жас Ұлан» Ережесін бұлжытпай сақтауға және оны өз достарымнан талап етуге ант етемін.
Біздің жерлестеріміздің даңқты ерлігі өнегесі негізінде ерлікке үйренуге және Отанға шексіз қызмет етуге салтанатты түрде
АНТ ЕТЕМІН, АНТ ЕТЕМІН, АНТ ЕТЕМІН!

“ Жас Ұлан”гимн айтады /5-6 сынып/

Жас ұландар әні                        Әні мен сөзін                       Ұ. Ж. Жаналиева

    1.      Біз ұланы қазақ елінің

   Туған жерін, сүйген Отанын.

   Әке жолын,  ана мейірімін,

   Бойға жиған қасиетін.

                              Қайырмасы:

                             Жас ұлан, қалыспа!

                          Қырандай қарышта.

                          Еліміздің абройын

                          Асқақтатып әлемге

                          Нық ұстайық байрағын!

  2.       Көп білуге ұмтыламыз

Өнер, білім, ғылымға.

Кеудемізде ар мен намыс

          Жетелейді бізді алға.

                           Қайырмасы:

Жаттаулар айтады / 5 сынып/
Мынау менің сезгенім

«Жас Ұлан» қоғам айнасы

Өзіңнің де, өзгенің

Ойлар болашақ өмірін

Көк аспандай көгілдір

Ұйымның әр рәмізі

Логотип, галстук, төсбелгі

Ұйымның ерекше белгісі

Алғыр, адал боп келер

Әр ісіне сенімді

Өзін-өзі жетілдірер

Жас Ұлан үшін «Ұлан басшысы»

Көңілін шаттық кернеген

Өмірің өлең тербеген

Ертеңге қанат сермеген

Бақыты тасқан ұланбыз

Ұлы елдің әлем сүйген ұланымыз

Сол елге лайық болу-ұранымыз

Қуанышқа бөленген әр күніміз

Бақытты балалармыз, барлығымыз

Бірге:

Бүгінгі еліміздің қырмызымыз

Арайлы болашақтың ұл-қызымыз

Арасын жер мен көктің жалғайтұғын

 Қанаты жарқыраған жұлдызымыз.

2 жүргізуші:

Құттықтау сөз мектеп директоры Мусина А.Ж  және тәрбие ісі  орынбасары Ералина Б.Ж . береміз.

1 жүргізуші:

 Құрметті, оқушылар «Жас Ұлан» ұйымына қабылдануларыңызбен құттықтаймыз! Егеменді еліміздің еңселі азаматтары болуларыңызға тілектеспіз.  Сап! Тік Түр! ҚР туы шығарылсын./ ән ойныйды/
2 жүргізуші:
Ризамын деп осындай жастық шаққа,
Не жетер «Жас Ұлан» деген лайық атқа.
Келеміз егеменді ел төріне өрлеп,
Ашылып алдымыздан алтын қақпа.
1 жүргізуші:

 «Жас Ұлан» балалар ұйымы қатарына салтанатты қабылдау рәсімі өз мәресіне жетті, салтанатты жиынымызды жабық деп жариялаймыз.