Өзін-өзі тану сабақ жоспары "Оқуға құштарлық"

«Өзiн-өзi тану» сабағының жоспары

Мектеп:__Жамбыл бастауыш мектебі__ Мерзiм:__30.09.2016__ №_5_ Мұғалiм:___Буртаева Асель Хамитбекқызы___________________

Сынып:__2__ Оқушылар саны:_____ Тақырып:__ Оқуға құштарлық ____

Құндылық:___ Дұрыс әрекет ___ Қасиеттер:___қызығушылық, құштарлық, жауапкершілік ___

Сабақ мақсаты: Оқушыларға «еңбек» құндылықтары туралы түсініктерін кеңейту. Білімділік: Оқушыларға еңбектің адам өміріндегі маңыздылығын түсіндіру. Дамытушылық: Оқушылардың бойында адамгершілік қасиеттері мен еңбекті қадірлеу, бағалау, еңбектің қуанышын сезіну  іскерліктерін дамыту; Тәрбиелік: Оқушыларды еліне, халқына абыройлы қызмет етуге тәрбиелеу.	Ресурстар:(құралдар, мәлiметтер) Оқулық, дәптер, әуен,слайдтар,қағаздар. бейне үзінді.
Сабақ барысы: 1.     Ұйымдастыру кезеңi. -         Оқушылардың құрал-жабдықтарын түгендеу; -         5 «Т» ұстанымын еске түсіру. (тәртіп, талап, тыныштық, тазалық, татулық) Тыныштық сәтi. Орманға саяхат Көзімізді жұмамыз, терең демаламыз, әр демімізбен өзімізді еркін, тыныштықта сезінеміз. Қазір біз орманға дем алуға барамыз. Елестетіңіз, сыныптан шығып, дәлізден өтіп, далаға бет алдыңыз. Таза ауаны сеземіз, самал ескен жылы жел мен күннің нұры ақырын ғана бетімізден өбеді, шашымызды сипайды. Біз ақырын орманға қарай бет аламыз. Абай болайық, жердегі жәндіктерді аяғымызбен басып кетпеуге тырысайық. Бір минутқа тоқтап, айналамыздағы әсемдікке көз салайық. Құлпырып өскен гүлдердің иісі мұрынды жарады, қандай керемет иіс! Айналамыздағы әрбір әсемдікті көзімізден таса қылмай, ары қарай бет аламыз. Орманның ішіне де келдік. Құстардың әсем әуені, шөптердің сыбдыры жан дүниемізді жаулап алғандай. Айналамызда түрлі ағаштар. Сол ағаштың ішінен бір қайыңды таңдап алыңыз. Бауырында отырып, біраз тыныстап алыңыз. Мен бақыттымын, менің жан дүнием тыныш. Табиғат қандай тамаша! Мен табиғаттың бір бөлшегімін, менің табиғатқа зияным тимеуі керек, кез- келген уақытта мен осы ағаштың түбіне келіп дем аламын. Енді орнымыздан ақырын тұрып, айналамызға тағы көз жібереміз. Келген ізімізбен, мектепке қарай аяңдаймыз. Мектепке келіп өз орнымызға отырайық. Тыныштық пен разылықты жүрегімізде сақтап, көзімізді ашамыз, бір-бірімізге қарап күлімсірейміз. Үй тапсырмасын тексеру. «Бақыт, байлық Ақыл»              (ертегі) Байлық деген не? Байлық адамға не үшін керек? Егер сен бай болсаң, алғаш кімге көмектесер едіңдер? Бақыт туралы не айтар едіңдер? Ақыл деген не? Балалар  адам баласы байлыққа бақытқа жету үшін не істеуі керек? Сендер еңбек деп нені түсінесіңдер? Қандай еңбек түрлерін білесіңдер? Сенің жасыңдағы еңбек деген не? 2.       Мазмұны бойынша сұрақтар: 1. Байлық адамға не үшін керек? 2. 3.	Ескерту:
3.     Дәйексөз. Халық мақалы 3.1 Бірнеше рет оқу, есте сақтау. 3.2 Дәйексөзді оқимыз, мағынасын ашып талдаймыз. 3.3 Дәптерге жазу./балалар өз ойларын айтады/
4.     Оқиғаларды әңгімелеу.Мұғалім сыйлығы. Адамның үш түрі (аңыз) -Мына мүсіндердің әрқайсысының өзінің құндылығы және мағынасы бар,- деп, бір патшаға көрші мемлекеттен алтыннан жасалған бірдей үш мүсін беріп жібереді. Патша мүсіндерді өзінің қол астындағы адамдарына беріп, олардың айырмашылығын табуын талап етеді. Уәзірлері ол мүсіндерді таразыға салып өлшейді, ұзындығын өлшейді, алтынның сапасын тексереді. Бірақ еш айырмашылығын таппайды. Басқа көрген сырт адамдар да ешнәрсе байқамайды. Тек бір ақылды уәзір ғана берілмейді.Ол кішкене мүсіндердің оң құлақтарында тесіктер барын аңғарып,тесіктерге жіңішке алтын сымды кіргізеді де мынаны байқайды. Бірінші мүсіннің құлағына кірген сым екінші құлағынан шығады, ал екіншісінің аузынан шығады, үшіншісінің ішінде қалады. Сосын біраз ойланған уәзір патшаға келіп: -Уа, патшам, жұмбақтың шешімі табылған сияқты. Бірінші мүсін - бір құлағына айтылған сөз екінші құлағынан шығатын адамға,екінші мүсін естігенін,білгенін аяғына дейін тыңдамай,ой елегінен өткізбей, басқаға жеткізетін адамға ұқсайды.Ал үшіншісі- оқығанын, естігенін, білетінін есіне сақтап, өз бойынан өткізіп, өмірде қажетіне пайдаланатын адам-, деп айтады. Сұрақтар: 1. Мәтін кім туралы? 2. Қай уәзірдің әрекеті дұрыс болды? 3. Білім бізге не үшін қажет?
5.     Шығармашылық іс - әрекет, топтық жұмыс. (баяу музыка қосып қою) Ойын. Балалардың денесін сергіту мен жұмыс істеуге дағдыландыру мақсатында «Аралар» атты ойын жүргізіледі. Бір топ бала қол ұстасып, шеңбер жасап тұрады да, үш – төрт бала ортаға шығады. - Баудағы кім? - Олар – аралар. - Ара болсаң, ызыңда - З - з - з, ж - ж - ж, з - з - з, ж - ж - ж! - Жұмыс істе, тығылма! Аралар бір – бірімен сөйлесе бастайды, қандай жұмыс түрлерін көрсеткілерін келеді. «Жұмыс істе, тығылма!» - деген сөзді естіген кезде де тоқыма тоқығандай, ағаш жарғандай, оны аралағандай, еден сыпырғандай қимыл – қозғалыстар жасайды: Топ – топ ара ұшады, Үстімен де бұтаның, Астымен де бұтаның. Үстімен де бұтаның Аралардың қимылын қайталайды да: «Тап болсаң бір жалқауға, алып кел оны ортаға!» - деп хормен әндетеді. Аралар осы сөздерді айта жүріп, өздерінің қимылын қайталай алмаған «жалқауларды» ортаға шығарады да, өздері солардың орнына барып тұрады. Шеңбер жасап тұрғандардың бәрі хормен дауыстап айтады. Әй - әй, жалқау бұл қулар, Жалқауды тез қуыңдар! Сөйтіп, олар жалқауларды қуып шығады. Оқушыларды 3 топқа бөлу (түрлі-түсті дөңгелекшелер- мен бөлу, шартын түсіндіру) 1-топ: Өлең жолын толықтырыңдар (қызыл түс) ....... ....... оқимын, ....... ....... тоқимын. ....... ....... атанам, ....... бата алам. 2-топ: Мақал-мәтелді жалғастыр (көк түс) Оқу түбі - ....... Оқу инемен құдық ....... Оқу – білім ....... Білім- өмір ....... 3-топ: Жағдаят шешу (сары) 1.Әжесі мен атасы Аянға кітап сатып ал деп ақша берді.Ол ақшаға машина сатып алды. Аянның орнында болсаңдар не істер едіңдер?Соны сахналаңдар. Қорытынды: Жалқаулыққа берілмей, табандылықпен оқыған кезде білімді болатындығымызды көз жеткіздік. Алған білімді күнделікті өмірде пайдалана білу керек.Қазіргі ,яғни жас кезіңде көп оқып, оқығаныңды ойға түйе білсең көп білесің.Көп нәрсені білсең алдағы өмірің ашық болады.Білім әрқашан азаймайды,тозбайды, бүлінбейді.
6.     Топпен ән айту. Ұстазым Тұлғаңды арманыма ұксатқанмын Үлгіңді көңіліме қыстатқанмын Есімде, әліппені жаттатқызып Ең алғаш қолға қалам ұстатқаның Ұстазым, менің ұстазым Өзіңмен өткен қыс-жазым Қалдырған ізің мәңгілік Жадымда тұрар жаңғырып Ұстазым, менің ұстазым
7.     Үй тапсырмасы: № 6, «Оқуға құштарлық» 20-22 бет, Аңыз әңгіме «Табанды бала» мәтінін оқып келу.
8.     Соңғы тыныштық сәтi. (Баяу музыка орындалады) Көздеріңді жұмып, бүгінгі сабақта үйренген жақсы қасиеттерді еске түсіріп, жүрегімізге түйіп аламыз да, ойша бір-бірімізге жақсылық тілейміз. Ал енді көздеріңді ашыңдар.Сабақ аяқталды. Сау болыңыздар!