"Қарлығаш пен Шөже торғай"

Сабақтың тақырыбы: Қарлығаш пен Шөже торғай (мысал)

Сабақтың мақсаты: а) мысалды оқыту арқылы негізгі идеяны ашу,мысалға

талдау жасап,өз ойынан қорытынды жасай білуге дағдыландыру,негізгі кейіпкерлерге мінездеме жасай білуге үйрету;

ә) адам бойында болу керек жақсы қасиеттерге баулу тазалыққа үндеу;

б) мысалды оқып,талдау арқылы сын тұрғысынан ойлау қабілетін дамыту;

Сабақ типі: жаңа білімді меңгерту

Көрнекілігі: суреттер,қима қағаздар,түрлі-түсті маркерлер,семантикалық карта,диаграмма,ойыншықтар

Сабақтың барысы:

І.Ұйымдастыру кезеңі

Сыныпты қима қағаздар арқылы топқа бөлу.Сабақтың мақсатын түсіндіру

ІІ. Жаңа сабақ. « Қарлығаш пен Шөже торғай» (мысал)

а) Ой шақыру

-Балалар,қазір мен 3 санағанда барлықтырың бастарыңды партаға қойып,естеріңе түсіріңдер. -Мысал дегеніміз не? Қандай мысал білесіңдер?

ә) Топтық тапсырма

Алдарыңдағы қағазға 1-топ жыртқыш құстарды тізіп жазып шығу,

2-топ үй құстарын,3-топ біздің жерімізде кездесетін құстарды;

Осы құстар ішінен қарлығаш пен торғайды бөліп алу.

б) І-топ: «Қарлығаш» сөзіне ассоциялау

ІІ-топ: Торғай қасиетін жазу

ІІІ-топ: Екі құс туралы сөйлемдерді жазу

в) «Галлереяны аралау» стратегиясы бойынша әр қатарға тақырыпқа байланысты бөлікке бөлінген суреттер таратылады. Осы беәнеленген суреттерге қарап не көргенімізді қысқаша шетіне жазамыз.

Суреттер ретімен тақтаға ілінеді.

г) Ал енді оқулуқтағы «Қарлығаш пен Шөже торғай» мысалын оқып көрелік.

Мәтінді 3 бөлікке бөліп беріп,жұптасып оқу.Түсінгендерін тексеру үшін әр топтан оқыған бөліктері бойынша 1 оқушыдан шығып, түсінгенін әңгімелейді.(Мәтінді оқу барысында «Түртіп алу» әдісі арқылы түсініксіз сөздерді белгілеп отыру)

ІІІ.Жаңа сабақты бекіту

а) Венн диаграммасы арқылы қорытындылау.

І-топ: Қарлығаш туралы

ІІ-топ: Шөже торғай туралы

ІІІ-топ: Екі құстың ортақ қасиетін кестеге түсіреді

Қарлығаш: Ортақ қасиеті: Шөже торғай:

Ұясын үйге салады Құс Ұясын әр жерге салады

Тазалықты сүйеді Ұшады Лас,ұшқалақ

Балапандарын қылмен Азықтары бірдей Балапандары көбіне құлап,өледі

байлайды

ә) Ойтолғау «Мен қандаймын?»

Мысалды оқығаннан кейін арамызда құстарға ұқсас адамдар бар ма?Мен өзім қандаймын? деп сын көзбен қарау.Параққа жазып беру.

Бағалау.

ІҮ. Үйге тапсырма беру

1. Мысалды оқып,мазмұнын әңгімелеу

2. Еркін жазу