Ашық сабақ "Төлдер" (1-сынып(

                                                           Ашық  сабақ

                                               Ана тілі                   1сынып

Тақырыбы:            Төлдер.

Сабақтың  мақсаты:        білімдік:Оқушыларды өлеңнің мазмұнымен таныстыру. Төрт түлік  малдың  төлдерінің  атауларын таныстыра  отырып, жіңішке дауысты  дыбыстарды  меңгерту;

                Дамытушылық:   балаларға  төрт  түліктің  пайдасы  туралы  түсінік  бере  отырып   тіл байлығын  ,  ой-өрісін  дамыту; Жуан және жіңішке дауыстыларды айыра білу , іздену  қабілеттерін дамыту.

                Тәрбиелік: балаларды  төрт  түлікті  қадірлеуге ,  үйде  күтіп  -бағуға  тәрбиелеу.

 Көрнекілігі:  төрт  түліктің  суреттері,  үлестірме қағаздар, фишкалар,

Әдіс -тәсілдер:             Сұрақ-жауап, түсіндіру, әңгімелеу, жұптық,топтық  жұмыс,салыстыру.

Сабақ барысы

1.Ұйымдастыру  кезеңі.

Үлкенге  де сіз,

Кішіге  де- сіз

Сәлем бердік  сіздерге 

Құрметпенен біз.

Балалар  сабаққа  келген  ата-ана-мұғалімдермен  сәлемдеседі

Сыныпты  2 топқа  бөлу

 2-түсті стикерлерді таңдау арқылы оқушылар 2-топқа бөлінді.

2.    Ой қозғау.

Үй тапсырмасын  сұрау

Өткен материалдарға жалпы шолу.

Балалар  біз ертегілерді  жақсы  көреміз бе?

Олай  болатын  болса,  бүгін сабағымызға  Алдаркөсе  атамыз   келіпті.(Алдар көсе суретін тақтаға іліп кою)Ол сендерге  хаттар   әкеліпті. Хатты  алып оқимыз.Хатта жазылған  қайталауға  берілген   сұрақтарға  жауап береміз.

Өтілген тақырыптар  бойынша   сұрақтар қою, әр дұрыс жауапқа  бір баллдан есептеу.

1.Сөйлем   дегеніміз не?

2. Сөйлем неден құралады?

3. Сөз неден құралады?

4.Дыбыс деген не?  Әріп деген не?

5. Дыбыстар неше  түрге бөлінеді?  Қандай?

6. Дауысты дыбыстарды  атап бер.

7. Дауыссыз дыбыстарды  атап бер.

8.  Қазақ алфавитінде неше әріп бар? Оның қаншасы әріп? Қаншасы  таңба?

9. Қазір қай  мезгіл? Қыстың  неше  айы бар?

10. Қыс айларын атап бер.

11. Аптада неше күн бар? Бүгін қай  күн?

12. Дауысты  дыбыстар нешеге  бөлінеді?  Жуан дауысты дыбыстарды  атап бер.

Сергіту сәті.(«Көңілді күн» бейнебаяны арқылы оқушыларға жаттығу жасату)

3. Жаңа  сабақ. 

Жұптық жұмыс.

Әр партаға  кеспелер тарату

    А)  кеспеден сөздер оқу:   дәрі, бесік , гүл  күріш,  өрік, жер

Б)  сөздердегі  дауыссыз дыбыстардың  астын сызып, атап беру.

 Дауысты  дыбыстарды  атау:  ә,і ө, е, ү .   Бұл дыбыстар  жіңішке  дауыстылар.   Олар жіңішке айтылады.

Екі  топқа плакат  беріліп    топтастыру  стратегиясы  бойынша  І  топ, ІІ топ постер толтыру.

 

                Жіңішке дауыстылар                                        Жуан дауыстылар

 

Қызығушылықты  ояту

Б)  1. Төрт түлік деп нені  айтамыз?

Олардың  атасын айтайық. 2. Қой атасы  кім?  3. Ешкі  иесі қалай аталады?  4.Жылқы  атасы ше?  5.Сиыр иесі  ше?  6. Түйе  атасы қалай  аталады?  7. Ал төрт  түліктің   баласы  не деп аталады? 8.Қойдың, ешкінің   төлін  не дейміз?  9  Сиыр дың, жылқының төлін қалай  атаймыз? 10. Түйенің  төлін  не деп  атаймыз? 

11.  Төлдерді  қалай шақырамыз?

«Төрт түліктің төлдері» бүктемесімен жұмыс жүргізу

Мағынаны  таныту

Төлдер деп нелерді атаймыз?

Қандай төлдерді білесіңдер?

Бүгінгі тақырыбымыз « Төлдер»

Суреттер бойынша  жұмыс а)   төлдерді атау,  төрт  түлікті атау  бірі-бірімен  сәйкестендіру.

Құлын                                   сиыр

Қозы                                      түйе

Лақ                                        жылқы

Бұзау                                     ешкі

Бота                                       қой

Б)  оқулықтан  Ә.Асылбековтың  « Төлдер»  өлеңін  мәнерлеп оқу.

Ә)  өлең не туралы?

      Неге  ботаны  ботақан  дейді?\Өлеңнен   жіңішке дауысты  дыбысы бар  сөздерді  оқу

Г)  төлдерді  салыстыру сурет бойынша

Құлын қандай?                         Бота  қандай?

Құйрығы, жалы  бар.                 Ірі, өркеші  бар.

Маңдайында  қасқасы бар           табаны  жалпақ.

Д)  сөздерге  дыбыстық талдау  жасау

Топбасшыға тапсырма.

Құлын  2 буын, 5 дыбыс, 5 әріп,  2 дауысты, 3 дауыссыз дыбыс  бар.

Ботақан- 3 буын, 7 дыбыс, 7 әріп  бар, 3 дауысты , 3 дауыссыз дыбыс  бар.

Дәптермен жұмыс.36-жаттығуды   көшіріп жазу.

Үй жануарларының  дыбысын есту арқылы олардың қай жануардың дауысы екенін анықтау.(дискеттен жануарлардың дыбыстарын тыңдату)

Әр топ дыбысына қарай тапқан жануарларды   суреттеп айтып береді.

Қорытынды . Топтардың  ұпайларын  санау, жеңімпазды  анықтау.

Үйге тапсырма:   «Төлдер»   өлеңін жаттау. Үй тапсырмасын оқушылар белгілеп алады.

Жіңішке  дауысты дыбыстарды жаттау.

Малтаева   Ләззат Арапбайқызы

Бастауыш сынып   мұғалімі

Амангелді  атындағы  жалпы  орта мектебі

Қазығұрт  ауданы

Оңтүстік Қазақстан облысы