Сауат ашу
Сабақтың тақырыбы: Ұ дыбысы мен әрпі
Сабақтың мақсаты: білімдік) балаларды Ұ дыбысымен және әрпімен таныстыру, ұ
дыбысының дауысты дыбыс екендігін ұғындыру; балаларға сөздерді буынға
бөлуді үйрету
Дамытушылық)
балалардың ойлау қабілетін, ой-өрісін дамыту; ұ дыбысынан басталатын
сөздермен таныстырып, мағынасын түсіндіру; сол сөздермен сөйлем құрап
тілін дамыту;
Тәрбиелік)
балаларды тәртіптілікке, ұқыптылыққа , топта жұмыс істеуге тәрбиелеу.
Сабақтың түрі: аралас сабақ
Сабақтың көрнекілігі: кеспе әріптер, Ұ әрпіне
байланысты суреттер. Электронды оқулық, «Сиқырлы әріптер» кітабы,
плакат.кеспе әріптер кассасы.
Сабақтың әдісі: сұрақ- жауап, ойын
Сабақтың барысы
І. Ұйымдастыру кезеңі.
Арайлап таң атты, алтын сәуле таратты
Жарқырайды күніміз, жарқырайды даламыз.
Қайырлы күн балалар, қайырлы күн қонақтар!
Бүгін міне ашық сабағымыздыбастаймыз.
Ой шақыру әдісін қолданайық. Бұрынғы өткен тақырыптарымызды еске
түсірейік.
-Балалар, дыбыс дегеніміз не? -Әріп дегеніміз не?
-Дыбыстар нешеге бөлінеді?-Қандай, қандай болып
бөлінеді?
ІІ. Жаңа сабақ
Ой қозғау әдісі
1).Балалар бізге бүгін қонаққа ертегі кейіпкері
келіп отыр. ( Алдар көсе суретін көрсету)
Оны таныдық па? Алдар көсе бізге білім елінен хат
алып келіпті. Ол хатта бүгін танысатын әрпіміз бар екен . Оны білу үшін
Алдар көсенің тапсырмаларын орындайық
1 тапсырма. Өтілген әріптерді пысықтау.Әр оқушы
кеспе әріптерді кезекпен атайды. А, т, п ,р ш, ғ ,н, у, д, ы, м, л, б, с,
ж.
2 тапсырма . Осы әріптерден басталатын екі буынды
сөздерді кезекпен оқып шығу. Сөздер жазылған кеспелер тақтаға ілінген.
Балалар кезекпен шығып оқып береді Мысалы: алма, дала, нан, тарақ, шана,
мақта, ғарыш, т.б
Сергіту сәті
Орнымыздан тұрамыз, Қолды белге қоямыз
Бұрыламыз оңға бір, Бұрыламыз солға бір.
Біздер тату баламыз, гүл-гүл жайнап жанамыз
Жаттығулар жасасақ, жақсы сергіп қаламыз.
Алдар көсенің хатын алып ,ашу
Мағынаны таныту
2)суреттер бойынша жұмыс «Бұл не? Мынау кім?» ойыны
Суретерден ұя, ұшақ, ұлу, ұшқыш, құс,, ұршықты
көрсету, баларға сұрақ қоя отырып оларды атау.Әр сөздің қандай дыбыстан
басталып отырғанын анықтау. Ұ дыбысы дауысты ма ,әлде дауыссыз ба?
3) Ұ әрпінің баспа түрін, жазба түрін , бас әрпі мен
кіші әріптерін таныстыру.
Ұ-дыбысы дауысты, өз алдына буын құрай алады.
4) балаларға ұшақ, ұлу, ұшқыш, ұршық, ұн сөздері
жазылған кеспелерді тақтада оқыту.
5) сөздерді буынға бөлу. Ұ-шақ, ұр-шық, ұш-қыш,
ұ-лу
Техникалық құрал қолдану
6) Электронды оқулықтан Ұ дыбысы мен әрпі
туралы анимациялық үзіндіні көрсету.
7) оқулықпен жұмыс. Хормен бағанмен берілген
сөздерді оқу
8) дәптермен жұмыс.
Көрсетілген үлгі бойынша жазу дәптеріне
жазады. Парта аралап жекелеген оқушыларға көмек көрсету, таза , дұрыс ,
әдемі жазған оқушыларды мадақтау.
ІІІ. Пысықтау.
Балалар, Алдаркөсеге біз бүгінгі сабақта қандай
әріппен танысқанымызды айтып берейікші. Ол үшін сұрақтарға жауап береміз.
Ұ дыбысы сөздің басында, ортасында келеді .Ұя, ұн,
құс, құдық т,б
Тірек сызба қолдану
Ұлан Ұлжан
Кісі аттары
Ұлдана
Ұлықбек
Сабақты қорыту. Тақтадағы плакаттан ұ дыбысынан
басталатын сөздерді қайталату.
-Балалар, біз бүгін қандай әріппен таныстық?
-Ұ қандай дыбыс?
Кім қандай жаңа сөздерді атап береді?
Оқушыларды сабаққа қатысуына қарай белгілерімен
бағалау.
Оңтүстік
Қазақстан облысы.
Қазығұрт
ауданы.
Амангелді
атындағы жалпы орта мектебінің
Бастауыш
сынып мұғалімі Малтаева Ләззат Арапбайқызы
Оставьте свой комментарий
Авторизуйтесь, чтобы задавать вопросы.