Тақырыбы:
Бала тәрбиесі баршаға ортақ
Мақсаты: Ата – аналар арасында жағымды қарым –
қатынас орнату, сыйластықты арттыру, отбасында балаға жақсы тәрбие беруіне
ықпал ету, өзін өмірдің бір бөлшегі ретінде сезіндіру, өзін және өзгені бағалай
білуге көмектесу.
Тренинг
ережесі: Сенімділік, Сыйластық, Жақын араласу
Барысы: Ата – аналар шеңбер жасап тұрады.
1. Сәлемдесу Бір күнгі танысыңа қырық күн сәлем
дегендей біз бүгін бір – бірімізбен дәстүрден тыс амандасу түрлерін
жасаймыз.
1нұсқа. Алақанымыздың ішін
және сыртын тигізіп бір – бірімізге күлімсірей қарайық
2 нұсқа. Бір – бірімізге
маңдайларымызды тигізіп сәлемдесеміз.
3 нұсқа. Оң және сол жақ
иықтарыңызды тигізіп сәлемдесу. Сәлемдесу кезінде қандай әсерде болдыңыздар?
Өмірдегі ең маңызды тіреулеріңіз кім? (Бала , жанұя, отағасы, т.б.)
2/ Топқа бөліну: Берілген
фигуралар бойынша ата-аналар топқа бөлінеді.
-еңбекқор,шыдамды,бастаған
істі аяғына жеткізетін адамдар тобы.
-нақты мақсат қоя
білетін,көшбасшы адамдар тобы
-өте
ақкөңіл,қандайда болсын істің жолын таба білетін ,біреудің қуанышымен
қайғысын өзнікіндей бөлісе білетін адамдар тобы
-тіктөрбұрыш
батыл,жаңащыл,идеяға бай,сенімді,жаңалықты тез қабылдайтын адамдар тобы
3/ Доппен жаттығу. Бала сіз үшін кім? Допты бір-біріне ұсынып сұраққа жауап беру. Бала – болашағым, серігім, бақытым, өмірімнің жалғасы т.б.
4/ «Сиқырлы қоржын» «Әрбір баланың мінез құлқы ата-анасының
жағымды іс-әрекетінің үлгі алуы барысында қалыптасады.» деп Павлов айтпақшы
баланың мінез-құлқы өскен ортасына,көрген тәрбиесіне байланысты
қалыптасады.Ата-ана бала үшін ең бірінші үлгі тұтар адамы,өзін көретін
айнасы.Сондықтан,ата-аналар,мен сіздерге мынадай сұрақтар қойғым келіп отыр.
Ойлауға арналған сұрақтар.
Әр адам қоржыннан аяқталмаған сөйлемі бар үлестірмелер алады да өз сөздерімен
сөйлемді аяқтайды.
1. Ең үлкен қорқыныш бұл – ....
2. Мен мынадай адамдарға сенбеймін.....
3. Мен ренжимін, егер....
4. Мен қуаныштымын, себебі.....
5. Баланы үнемі қолдап отырса.....
6. Мен үшін бақыт деген.....
7. Отбасының қорғаны кім?
8. Балаңыз сізге қасқыр мен түлкі туралы
ертегі айтып беруін өтінді, сіздің әрекетіңіз
9. Мақалды жалғастыр. Бала жас шыбық...
(қалай исең, солай иіледі)
10. Ана бауырындағы бұлақ.... (бала
жағасындағы құрақ)
11. Балаңыздың қандай да бір іске өнері, қызығушылығы
байқалсы не істер едіңіз?
12. Сіздің балаңыз сізге түн неге қараңғы?
Күн қайда кетті ? деген сұрақтар қойса, қалай жауап берер едіңіз
13. Балаңызды еркелеткенде қандай сөздер
айтасыз?
14. Балаңыз сізді ренжітті, сіздің іс -
әрекетіңіз.
15. «Бақытты жанұя» қандай болуы керек?
16..Бала тәрбиесіне қатысты қазаққа тән қандай қасиеттерді дұрыс
деп санайсыз?
17..Бала үшін ата-ананың қайсысының беделі күшті деп ұғасыз?
18..Бала тәрбиесі үшін отбасы жауапкершілігі басым ба,әлде
мектептің жауапкершілігі басым ба?
19.Баланың атасы мен әжесінің тәрбиесінде,атасы мен әжесінің
баласы болуына қалай қарайсыздар?
20.Баланы еркін тәрбиелеген дұрыс па,қатаң тәрбиелеген дұрыс па?
21. «Баланың өскенде жақсы,өнегелі адам болып шығуына отбасынан
алған тәрбиенің ықпалы зор» дегенге өз пікіріңіз,көзқарасыңыз қандай?
5.Ситуациялық жағдаяттар
1/ Анашым,мен бүгін сабаққа бармай-ақ
қояйыншы,үйге берілген тапсырманы жаттамап едім,апай сұраса «ауырып жатыр» деп
айта салыңызшы
2/ Әке мен бүгін мектепте жарысқа қатысып
,мақтау қағазын алдым
3/ Анашым,мен бүгін сіздің жақсы көретін
құмыраңызды сындырып алдым
4/. Балаңыз көрші үйдің затын ұрлап
алыпты,оны көршіңіз сізге келіп айтты
6/ Топпен жұмыс. Ой қозғау
«Бала деген кім?»
Гүлдің
бейнесін келтіріп гүлдің жапырақшаларының ішіне ата – аналар жауаптарын
жазады. Мысалы: бауыр етіміз, болашағымыз, үмітіміз, мұрагерім, жанымның саясы,
асыраушым т.
7/ Баяндама
/Мектеп психологі/
8/ Қорытынды. «Менің
алақаным» /берілген парақшаларға ата-аналар
жағымды,жағымсыз жақтары мен тілектерін жазады/
-Қатты
тәртіп көрсе бала күнінде,
Өнерімен
қуантады түбінде.
Бала
нені білсе жастан, ұядан-
Өле-өлгенше
соны таныр қиядан
Өнер-білім
берем десең басынан,
Бер
оқуға балаларды жасынан.
Ата-анадан
өсіп ұрпақ тараған
Жақсы-жаман
болса бала солардан,-деп Жүсіп Баласағұн айтпақшы,ата-ананың бақыты баланың
дұрыс адам болып өсуіне байланысты.Ал балалардың өздеріңізге бақыт сыйлайтын
тұлға болып қалыптасуы,ата-аналар сіздерге байланысты.
Құрметті ата ана!
Еліміздің болашағы сіздің балаңыздың яғни балаларымыздың қолында,ол бақыт
отбасындағы тәрбиеге байланысты. Сондықтан да сіздерді балаларыңыз бақытқа
кенелтсін десеңіздер бала тәрбиелеудегі қателіктерге жол бермеңіздер. Әр
бір отбасына бүгінгі көктемнің күнінің шуағындай шаттық,жылылғындай
мейірімділік,қуаныш,береке бірлік,бақыт тілеймін.
Алматы облысы Ақсу ауданы
«Есболған Жайсаңбаев атындағы орта мектебі» коммуналдық мемлекеттік мекемесі
Бастауыш сынып мұғалімі: Егинбаева Айгул Темирхановна
Қапал ауылы-2015 жыл
Оставьте свой комментарий
Авторизуйтесь, чтобы задавать вопросы.