Қазақ тілі пәнінен сабақ жоспары: "Диалог және монолог" Әдіскер: Жахметова Балжан Көшкінбаевна

Пән: Қазақ тілі

Сынып:3«Ә»

Әдіскер: Жахметова Б.К.

Тәлімгер: Тұяқова Ж.

Сабақтың тақырыбы: «Диалог және монолог»

Сабақтың мақсаты:

1.   Білімділік:  Оқушыларға диолог және монолог ұ.ымдарымен таныстыра отырып, алған білімдерін тиянақтап оларды ажырата білуге үйрету.

2.   Дамытушылық: Оқушылардың ой-өрісін,қисынды ойлау қабілетін, сөздік қорын дамыту, сөйлеу ойлау, дағдыларын дамыту.

3.   Тәрбиелік:Оқушыларды зеректікке, ұқыптылыққа баулу. Көркем жазу арқылы әсемдікке тәрбиелеу.

Сабақтың түрі: Аралас сабақ

Сабақтың көрнекілігі: Тақырып бойынша суреттер, таратпа материалдар.

Сабақтың барысы

I. Ұйымдастыру кезеңі:

-   Сәлеметсіңдер ме, оқушылар? Отырыңыздар. Мен сендерге бүгін «қазақ тілі» пәнінен сабақ беремін. Менің аты- жөнім -  Дәуренова Шаһида.

Психологиялық дайындық

«Ақ тілек. Әсем күлкі».
— Көңіл – күйлеріңіз қалай?
— Керемет! (Қолдарын көтереді)
— Сабаққа дайындықтарыңыз қалай?
— Тамаша! ( Алақандарын шапалақтайды)
— Ынтаңыз ше?
— Ғажап! (Қолдарын көтереді).

— Бүгінгі көңіл-күйлеріңізді бет әлпеттеріңіз арқылы көрсетіңіздерші.

— Ендеше сабағымызды осындай тамаша көңіл-күймен бастайық!

II. Үй тапсырмасын тексеру

-Үйге не берілді?Жаттығуды тексеру

III. Жаңа сабақ

1.   Қызығушылықты ояту.

-       Балалар, бүгінгі бізідің қазақ тілі сабағына бәріміздің сүйікті мултьфильміміздің сүйікті кейіпкері – буратино қонаққа келді! Қане, баріміз буратинаға алтын кілтті іздеп көмектесейікші!

-       Ол үшін алдымен мына ережелерді еске түсірейік. Буратинының сауалдарына жауап беріп, көмектесеміз бе?

Буратиноның сұрақтары:

Ø Қосымша дегеніміз не?

Сөздің түбірге жалғанған бөлігін қосымша дейміз.

Ø Түбір сөз дегеніміз не?

Сөздің одан әрі бөлінбейтін бөлігін бөлігін түбір сөз дейміз.

Ø Жұрнақ  дегеніміз не?

Сөздің мағынасын өзгертетін қосымшаны жұрнақ дейміз

Ø Жалғау деген не?

Сөзбен сөзді байланыстыратын қосымшаны жалғау дейміз.

-         Жарайсыңдар, балалар!

-         Бүгінгі біздің сабағымыздың тақырыбы - диалог және монолог деп аталады.

-         Мәтін – диалог және монолог түрінде де болады.

-         Диалог – екі немесе бірнеше адамның сөйлесуі. Жазбаша сөййлеу тілінде әр сөйлеушінің сөзі сызықша (тире) арқылы бөлінеді.

-         Монолог – бір адамның өзіне – өзі немесе тыңдаушыларға арнап сөйлеуі.

IV. Дәптермен жұмыс

Көркем жазу

Ø  «Кітап» сөзінін жазу

Ø Кітап – білім бұлағы.

Оқулықпен жұмыс. (54 бет)

1-жаттығу. Өлеңді оқып, көшіріп жаз.

-         Әлемде неше құрлық бар?

-         Алтау

-         Бір аптада қанша күн бар?

-         Жетеу

-         Малда қанша жілік бар?

-         Тоғыз

-         Цифрлар қанша?

-         Он

-         Міне, өстіп жаңалап

-         Айтып шықтық санамақ.

Сұрақтар:

-         Әр сөйлемнің алдында қандай таңба тұр?

-         Әңгімеге неше адам қатысып отыр?

-         Оқығаныңның диалог екенін дәлелде.

2 – жаттығу. Өлеңді түсініп оқы

Кім болам?

Дән егіп терлейтін

Егінші болсам ба?

Шаршауды білмейтін

Тігінші болсам ба?

Ұл-қызға үйретер

Мұғалім болсам ба?

Кірпішті үй етер

Құрылысшы болсам ба

Білмейтін әлі мен

Өскенде кім болам?

Әутеуір еліме

Қалаулы ұл болам!

Сұрақтар:

-         Өлең диалог па, әлде монолог па? Дәлелде.

-         Сөйлеуші кім? Оның сөзі кімге арналып тұр?

-         Соңғы шумақта көшіріп жаз

-         Өзің өскенде кім болғың келетінін жаз

Сергіту сәті

Көп отырып, шаршадық,

Қозғалуды аңсадық.

Топ-топ басайық,

Жаттығулар жасайық.

Оңға, солға бұрылдық,

Алға, артқа иілдік.

Тіземізді бүктіріп,

Қолды создық тік тұрып.

Секіреміз топ-топ,

Шапалақтап көп-көп.

Топ-топ-топ,

Хлоп—хлоп-хлоп.

3 – жаттығу. Ертегіден үзңндіні оқып, ертегінің қалай аталатынын тап

-         ..., құйрығымды берші.

-         Менің қатығымды төлеп бер.

-         ..., маған қатық берші.

-         Менің қарным ашып тұр, маған жапырақ әкеліп бер.

1.     Ертегідегі қай кейіпкер сұрап, ал қайсысы жауап беріп тұр?

2.     Диалогті рөлдерге бөліп оқыңдар

3.     Сызықша нені білдіреді?

4.     Диалогті көшіріп жазып, жазғандарыңды тексер.

Жұмбақ шешу

ü Бойлаған сайын тереңге,

Шығасың биік белеске. (Білім)

ü Есіктен кіреді,

Төрге қарай жүреді. (Суық)

ü Сақалы жоқ шашы бар,

 Бет-аузы жоқ басы бар

 Белін бекем байлаған,

Қоқысты қоймай айдаған. (Сыпырғыш)

ü Темір тілді,
Күмі үнді (Қоңырау)

ü Қате жазып жаңылсаң,
Тазалайды ол барын сап (Өшіргіш

V.  Білімді бекіту

- Бүгін қандай тақырып өттік?

- Монолог дегеніміз не?

- Диолог дегеніміз ше?

- Сабақ сендерге ұнады ма?

- Несімен ұнады.

VI.  Бағалау

Буратинаның сиқырлы сандықғын ашып көрелік.
Сандықтың ішінен алтын кілт, күміс кілттер шығады. Алтын кілттер-5;

Күміс кілттер – 4 деген бағамен бағалау.

-Буратино сендерге алғысын білдіруде, жарайсыңдар!

(Кілттерді тарату)

VII.  Үйге тапсырма:

56 бет 5 – жаттығу жазу.