"Азық - түліктер" күнделікті сабақ жоспары

Логопедиялық сабақтың тақырыбы: Қ дыбысы және әріпі

Сабақтың тақырыбы: Азық - түлік.

Мақсаты: балаларды Қ әріпімен таныстыру. Қ дыбысын басқа дыбыстардан ажырата білуге, буын, сөз ішінен таба білуге үйрету.

Балаларды азық – түліктің түрлерімен таныстыру. Әр түрлі әдіс – тәсілдер арқылы ойлау қабілеттерін дамыту. Асты қастерлеуге тәрбиелеу.

Сабақтың түрі: жаңа сабақ

Көрнекілігі: артикуляциялық жаттығулардың суреті,азық – түлік суреттері

Сабақ барысы:

I Ұйымдастыру бөлімі

Психологиялық дайындық

Шаттық шеңбері.

Қане, қане тұрайық,

Үлкен шеңбер құрайық.

Көкке қолды созайық,

Бір – бірімізден озайық.

Құшақтасып әркезде,

Тату – тәтті болайық.

II Үй тапсырмасы.

-          Дыбысты не істейміз?

-          Естиміз, айтамыз.

-          Әріпті не істейміз?

-          Көреміз, жазамыз.

III Артикуляциялық жаттығулар: «Тәтті тосап», «Шар», «Доп», «Күрекше».

IV Негізгі бөлім

1.Жаңа сабақ

Қоянға сипаттама беру.

-          Түсі қара.

-          Екі құлағы бар.

-          Екі көзі бар.

-          Тұмсығы бар

-          Жүні үлпілдек, жұмсақ, мамық.

-          Құйрығы бар.

-          Төрт аяғы бар.

-          Қоян, қара, құлақ, құйрық деген сөздерде бірінші қандай дыбыс естіліп тұр?

-          Қ дыбысы

-          Бүгінгі жаңа дыбысымыз Қ дыбысы мен әріпі.

Қ дыбысының дұрыс артикуляциясы: ерін ашылып, тілдің ұшы астыңғы тістің түбіне тиеді. Тілдің үстіңгі жағы таңдайға тиеді. Дем жоғары көтерілген тіл мен таңдайдың арасынан шыққанда қ дыбысы жасалады. Қ дыбысы дауыссыз, қатаң дыбыс балаларға 3 – 4 рет қайталап айтқызу.

 Қ – қ –қ

Буын ұйқастар айтқызу.

Қа –қа –қа – қала

Қо – қо – қо – қоян

Қу – қу – қу – аққу

Қи – қи – қи – қияр

Балалар жұмбақ шеше отырып сабағымыздың тақырыбын ашайық.

1.      Қардай аппақ,

Бірақ өзі тәтті – ақ    (Қант)

2.      Айдалада ақ отау,

Аузы - мұрны жоқ отау     (жұмыртқа)

3.      Қалың киімді ұнатады

Шешіндірсең жылатады (Пияз)

 - Балалар, айтыңдаршы дастарханның сәні не?

 - Нан

 - Адамдардың сүйіп ішетін сусыны?

 - Шай.

 - Шай дәмді болу үшін шайға не қосамыз?

 - Сүт

 - Шайымыз тәтті болуы үшін не қосамыз?

 - Қант

 - Осы тағамдардың барлығын біз қайдан аламыз?

 - Дүкеннен

 - Қандай дүкеннен?

 - Азық – түлік дүкенінен

 - Бәрекелді, балалар дұрыс айтасыңдар.

V Сергіту сәті.

За – за – за

Сынып іші тап –таза.

Да – да – да

Бор дайын тұр тақтада.

Ыз – ыз –ыз

Жалқаулықты тастаймыз.

Ық – ық – ық

Жазуды біз бастайық

VI Дәптермен жұмыс.

Мерейге саусақ қимылына арналған жаттығу жасатып, қ әріпін үзік сызықтардың үстінен жүргізуді қадағалау.

VII Үйге тапсырма.

Жаңылтпаш жаттау.

Тұз — мұздай,
Мұз — тұздай.

****

Бұл, бұл — піл,
Бұл бір ірі піл.

****

Бар, май шайқа,
Байқа, жай шайқа.

VII  Қорытынды.