Бала тәрбиелеуде ата-анамен мектептің ынтымақтасытығы.

              Бала тәрбиелеуде  ата-анамен  мектептің ынтымақтасытығы.

«Шамалған  станциясындағы  қазақ

 орта  мектебі  мектепке  дейінгі шағын

                                                                                 орталықпен» кмм-нің  тарих пәні мұғалімі                              

                                                      Оңғарова  Жанар  

Мақсаты: : Бала тәрбиесінің тұтас педагогикалық процес ретінде   мәнін ашу, және толық мағлұмат беру.

            Тәуелсіздік алып, егемен ел болуымыздың арқасында қоғам мүддесіне лайықты, жан-жақты жетілген ертеңгі қоғам иегері боларлық азамат тәрбиелеп өсіру, отбасының, бала-бақшаның, мектептің, барша жұртшылықтың ауқымды міндеті болып отыр.

   Қазіргі бала тәрбиесі тек  мектеп пен мұғалімнің ісі болып бара жатқандай. Қоғам  мен мектеп балаларды  тәрбиелеуде ата-ананың көзқарасы мен міндетін дұрыс қалыптастыруға  үлкен ықпалын жасау керек сияқты.Өйткені ата-ананың көмегінсіз бала тәрбиесін  ойдағыдай шешу қиын.Осыған орай төменде шешілмей жүрген бірнеше мәселелерге  және сынып жетекші мен ата-ана арасында болатын қарым-қатынастың кейбір қырларына тоқталғым келеді.

Әрбір отбасы, бала- көңілдің гүлі, көздің нұры деп сүйсінеді. Ұрпағының тәттілігін  қат-қабаттай қастерлеп айтады: « Лашын құсқа ауа қадірлі, жүйрік атқа дала қадірлі» , «Баланың өскен бесігі –кең дүниенің есігі». Халық қандай қомақты толғайды, қалай терең түйіндейді.Аға ұрпақтың жас ұрпаққа салғырт қарауынан қазақи тәлім-тәрбиені осалдатып алған жоқпыз ба?

Ата-ана «баламның қарны аш, иіні жалаңаш болмаса болды,  артығының қажеті не» деген ұшқары ойдың жетегінде кеткен жоқпызба деген ой мазалайды.

   Ата-ана жауапкешілігін арттыру:

          Қазіргі нарықтық заманда ,көптеген балаларымыз аға-апасында, нағашысында немесе басқа туыстың қолында оқып тәрбие алуда. Кейде осындай жағдайда бала туыстарының  айтқанына көнбей, мұғалімнің сөзін елемей  беймезгіл  ойындарға, пайдасыз іс-әрекеттермен айналысып кететіні бәрімізге мәлім.

        Әрине, қазіргі ата-ананың көбі тек күн көріс үшін жұмыс істеулеріне тура келуде. Бірақ, кейде, ата-ананың көпшілігі өз балаларына өте ыңғайлы жақсы тұрмыстық жағдай жасағылары келеді. Әке-шешесі жұмыс істейтін балалар, көбінесе өздерімен өздері жеке қалады. Сұрақ қойылған мектеп оқушыларының 60%-ы «Біз ешқашан ата-анамызбен бірге отырып сабақ дайындамаймыз, өйткені ата-анамыз кешке шаршап келдім » -деп жауап берген. Ал, бұл екі ұшты таяқ десек те болады. Қаншама бала мектептен кейін бос пәтерге қайтып оралады. Ал, жұмыстан өте шаршап келген әке-шешенің ойы баласында емес әлі де жұмыста болады. Соның салдарынан бала қолайсыз жағдайларға тап болады.Оны ата-ана, баласы мектепте болғандықтан көбіне  баланың тәртібінің бұзылуын, үлгерімінің төмендеуін сынып жетекшісінен көріп жатады да ,ата-ананың өзі   жауапкершіліктен шеттеп қалады. “Баланың бас ұстазы-ата-ана ”екендігін естен шығармау керек.

     Сондықтан отбасынан алған тәрбие бала үшін өте маңызды. Отбасында не көрсе бала соны ортада жасайды.  Ата-аналардың өзара қарым-қатынасы, өзара сыйластығы бала іс- әрекетінен, қандай отбасынан шыққандығы байқалып отырады. «Ұяда не көрсең, ұшқанда соны ілерсің» деген халық мақалы тегінен тегін айтылмаған.

        Өз кезегінде ұстаздар бала тәрбиесінен қашқан емес, қашпайды да. Дегенмен,  жалпы жас ұрпақты тәрбиелеу  жүйесі заман талабына, қоғамдық өмірде болып жатқан өзгерістерге байланысты.Сондықтан  “туа жаман жоқ, жүре жаман бар”,    “заман түзелсе, жаман түзеледі”,-деп халық педагогикасы  тәрбиенің заманға,қоғамға,оның материялдық және рухани байлығына тәуелді екенін  дөп  басып жеткізген.

  «Адамға ең бірінші  білім емес тәрбие беру»  жолдарын қарастыру: 

         Қазіргі таңда  оқушылардың  тәрбиесі мен ата-аналар арасындағы  байланыс  жұмыстарымен  негізінен сынып жетекші айналысады. Ал сынып жетекшінің  жұмысының қаншалықты екенін кейбір ата-ана біле бермейтін де шығар. Қазіргі  мына еркін ақпарат алу кезінде, атшабысқа толы  шетел фильмдері мен бағдарламалары   секілді “індет”жайлаған кезде балаларымыз көп уақытын теледидар алдында өткізеді.Соның салдарынан бала психологиясы бұзылып, өркөкректік, қаны суық жанға айналары сөзсіз.  Бұл біздің  ұлттық дәстүрімізден бұрын, шетел сериялдарының дәстүрін бойларына сіңіріп жатыр десекте  қателеспейміз. Тәрбие жұмысын  ата-ана мен сынып жетекші бір-бірімен байланыста бола отырып шешсе ,онда білім беруде де жеңілдік туары сөзсіз.

     Баланың бос уақытын тиімді де мақсатты істерге бағыттау:

            Қазіргі кезде көп мәселеледің бірі ата-ана баланың бос уақытын  тиімді де, мақсатты іске жұмсай білуінде болып отыр.Сол үшінде ата-ана баласының сынып жетекшісімен тығыз байланыса отырып баласының мектептегі қоғамдық жұмыстарға ,сайыстарға, т.б жұмыстарға жиі қатысып тұруын қадағалап отыру қажет .Осындай жағдайда ғана ата-анамен мұғалім арасында дұрыс психологиялық байланыс боларына көзіміз жетеді.

     «Жұмыла көтерген жүк жеңіл» дегендей Болашақ ұрпағымыздың тәрбиесі мен білімін қалыптастыратын  мына біз бен сіз –мектеп, отбасы, қоғам.  Сондықтан мектеп пен отбасы тығыз байланыс болса, болашағымыздың  жарқын болатынына кәміл сенемін.

«Шамалған  станциясындағы  қазақ  орта  мектебі  мектепке  дейінгі шағын орталықпен»коммуналдық  мемлекеттік  мекемесі

          Тақырыбы:    Бала тәрбиелеуде  ата-анамен  мектептің ынтымақтасытығы.

Тарих  пәні мұғалімі: Оңғарова  Жанар