Бүгінгі бүлдіршін - болашақ иесі

                       « Бүгінгі бүлдіршін – болашақ иесі » .

        Болашағымыздың жарқын болуы осы балалардың сапалы білім, саналы тәрбие алып, жаңа заман ағымына бейімделуіне байланысты. Сондықтан мектепке дейінгі білім беру мекемелерінің қызметкерлеріне үлкен жауапгершілік анық. Мектепке дейінгі тәрбие мен оқытудың жалпы білім беретін оқу бағдарламалары балалардың өмір бойына әлеуметтік, табыстылық пен бәсекеге қабілеттілігін қамтамасыз етуге қажетті физикалық, тұлғалық зияткерлік қасиеттерін дамытуға бағытталған. Балабақшадағы осы бағдарламалар балалардың іс-әрекеті және ересек адам мен баланың бірлескен іс-әрекеті арқылы жүзеге асырлады. Қазіргі таңда ауданымызда да балабақшалар саны көбейіп 1 жастан 3 жасқа дейінгі бүлдіршіндер жүз пайыз қамтылып отыр. Солардың бірі аудан орталығындағы «Жауқазын» бөбекжайы. Бөбекжай меңгерушісі Искакова Бақыт апай басшылық етіп келеді.

        Қазір балабақшада 75 бала тәрбиеленіп отыр. Атап  айтқанда 1 – 2 жас аралығындағы балалар «Балдәурен» тобында. 3 – 4 жас аралығындағы балалар «Балбөбек» тобында , 5 жас ересектер тобы «Балдырған» . Бақыт  апайдың арқасында балабақшаның материалдық – техникалық базасы жақсарып бүлдіршіндердің тәлімді тәрбие алуына жағдай жасалып отыр. Бала тәрбиесінің нәтижелі болуы ұйымдастырылған оқу іс әрекетінің өтілуіне байланысты. Осы орайда бөбекжай тәрбиешілері Атажанова Гүлжахан, Ембергенова Еркежан, Шегебаева Гүлнәш, Сейтенова Аида, Жусипбекова Майра, Смайлова Нұргүл бүлдіршіндермен тіл табысып, тәрбиелеудегі ізденісі мен еңбектерін ерекше айтуға болады. Жоғары білімді мамандар алдын ала жасалған жоспар бойынша түрлі шараларды өткізіп, балаларға бағыт – бағдар беріп келеді. «Жауқазын» бөбекжайының ұжымына шығармашылық ,  творчествалық табыс тіліймін.

Қызылорда облысы Жалағаш ауданы КМҚК «Жауқазын» бөбекжайының тәрбиешісі Прманова Гүлнәз Магимарқызы.