Дидактик материал. "Һауыт-һаба тураһында йомаҡтар"

Сәйнүк

Миндә бешкән сәй бик тәмле,

Тик үҙең бешеп ҡуйма.

Сәйҙе ҡойсо сынаяҡҡа,

Тәрилкәгә һин ҡойма!

Сынаяҡ

Тотҡамдан ғына тот мине,

Сәйеңде эс-һыуытма.

Сәй эсеп туйғас, һин мине

Йыйырға ла онотма!

           Ҡалаҡ

Уң ҡулыңа тот та мине,

Аша аш, аша бутҡа.

Ашты аша ҡабаланмай,

Аш ҡайнар – бешә утта

Бысаҡ

Алдан уҡ киҫәтәм һине:

Ҡырҡылып ҡуйма тағы.

Яңылыш тотһаң, ҡырҡып ала

Йөҙөмдөң үткер яғы.

Сәнеске

Минең менән сәнсеп ҡап һин

Картуфты йәки итте.

Күҙеңә тейҙереп алма-

Тот һаҡ ҡына ҡына, бик ипле.

Табаҡ

Миндәге ашҡа ынтылма.

Мин бик тә ҙур, мин-табаҡ.

Тамағың әгәр туймаһа,

Һорап ал ашты ҡабат.

Тәрилкә

Табаҡтағы бар аш-һыуҙы

Миңә бүлеп һалалар.

Үҙ өлөшөн ашап бөтә

Бик тәртипле балалар.