"Ертегілер елінде қонақта" 2-3 сыныптар арасында

«Қарасу орта мектебі» КММ-сі

Мектеп кітапханасы

«Кітап ойдың талмас қанаты»

мектеп кітапханасының апталығы

Ертегілер елінде

қонақта

2-3 сыныптар арасында сайыс

Өткізген: кітапханашы

Ұ.Калиева

2016

Ертегілер елінде қонақта

Сайыс мақсаты: Жас оқырмандардың кітапқа деген қызығушылығын арттыру, оқушының тілін, қиялын, сөздік қорын халық мұрасы арқылы дамыту; балалардың логикалық қабілетін, танымын дамыту; зейінін, ақыл - ой белсенділігін арттыру, тез ойлауға машықтандыру,ертегі елінің кейіпкерлері арқылы балаларды адамгершілікке, эстетеикалық тәрбиеге үйрету.

Сайыста қолданылатын көрнекіліктер: ертегі кейіпкерлерінің суреттері, тақырыптық слайд, ертегі кітаптары.

Қатысушы сыныптар: 2-3 сынып топтары.

Сайыс барысы:

Сайысқа келген қонақтармен амандасу. Қазылар алқасын тағайындау.

Құрметті оқушылар бүгінгі сайысымыздың негізгі тақырыбын білу үшін сіздерге ұсынылатын ребусты шешіп көрейік. Сайысқа қатысушыларға аталған ребусты шешу үшін 5 минут уақыт беріледі.

Өткен күн таңтамаша ертегі ғой, 

Айтады ертегі сыр, ертегі ой. 

Ертегі айтса еліктіріп балалар, 

Қиялға қызықтырып ертеді ғой.

Бүгінгі  бүгінгі сайысымыздың тақырыбы «Ертегілер елінде қонақта», демек, құрметті сайыскерлер, сіздерге қойылатын сауалдар барлығы ертегілерге байланысты, ертегі кейіпкерлеріне байланысты болады. Сол себепті, балалар бүгін сіздермен ертегілер еліне саяхат жасаймыз.

Ертегілер еліне саяхатымыз алдымызда топ боп отырған сайыскерлерімізге жұмбақ жасырудан басталады. Яғни, бірінші кезеңіміз, «тапқырлар» кезеңі деп аталады. Алдарыңызда ұяшықтар берілген. Осы ұяшықтарды таңдау арқылы артында жасырынған жұмбақтарға жауап береміз.

Сайысқа қатысушылар тәртіппен, қолымызды көтеріп, жауап береміз. Әрбір дұрыс табылған жауапқа 5 ұпайдан қосылады.

1.Мен ақ қалам,ақ қалам,

Жазған сайын жоқ болам.        (Бор)

2.Құрғақ жерде сақтайсың,

Менсіз тамақ татпайсың             (Тұз)

3.Қардай аппақ,

Балдай тәтті-ақ.                           (Қант)

4.Күндіз шайқасады,

Түнде айқасады.                          (Кірпік)

5.Жұпар  иісі еседі,

Жайнап бақта өседі.                    (Гүл)

6.Қалың киімді ұнатады,

Шешіндірсең жылатады.             (Пияз)

7. Аптап ыстық кең даланы қуратқан

Егін күйіп,бұлақтарды сулатқан.

Сол кезде Тау көтеріп ел үшін,

Жаңбыр әкеп, отанын қуантқан.

Ол кім?                                          (Толағай)

8. Кіп-кішкентай ғана бойы бар,

Қысылғанда сөз тапқан

Қырық өтірік пе керегі?

Жаңылмай айтып береді.                  (Тазша бала)

9. Кедергі еткен масаға,

Адамдармен дос болып,

Тек жақсылық жасаған

Айыр еткен құйрығын,

Зұлым жылан тасада

Білесің бе қандай құс?                     (Қарлығаш)

10.Жақсылыққа дұшпан,

Су астынан шыға кеп

Адам алақанын қысқан.

Тісін жұлып лақтырып

Сыпырғышпен ұшқан.                     (мыстан кемпір)

Ал, бәрекелді сайыскерлеріміз бірінші кезеңнен сүрінбей өтті.

Ертегіде халықтың мұң-зары бар, 

Орман, тау, өрмелейтін кұздары бар. 

Жамандықпен алысып, жауын жеңген 

Халқымның ұлдары мен қыздары бар! – дей отырып, сіздердің алдарыңызға екі бағанға жазылған сөздер берілген. Сіздердің мақсаттарыңыз аталған екі ұғымды бір-бірімен сәйкестендіру. Бұл кезең «Кімнің заты?» деп аталады.

Слайдта төмендегі сөздер беріледі.

Өзі тамақ пісіретін  қазан – «Ұр, тоқпақ»

Алдайтын таяқ – «Алдар көсе»

Бағалы сақа – «Алтын сақа»

Айыр құйрық – «Қарлығаштың құйрығы неге айыр?»

Қазылар алқасы екі кезең бойынша қорытынды ұпайларын түгендейді.

Жауларымен алысып жекелеген, 

Батыр ма ел намысын өтемеген. 

Ертегімен халқымыз ертеңіне 

Ұрпағын қызықтырып жетелеген – деген өлең жолдарымен бүгінгі сайысымыздың  қорытынды «Пазл» кезеңін бастайық. Бұл кезеңнің ережесі қарапайым балалар. Яғни, балалар барлығымыз пазл құрай аламыз ғой, иа? Бұл ойында да сіздерге қағаз беріледі. Бірақ сіздер кәдімгі пазлдағы сияқты сурет емес, бұл кезеңде барлығымызға белгілі бір ертегінің атын құрастырасыздар. Және де, қорытынды сөз ретінде осы ертегідегі негізгі кейіпкерлер туралы ақпарат бересіздер.

«Пазлдар»-да жасырынған ертегі аттары:

Құйыршық

Қызыл телпек

Бауырсақ

Шалқан.

Қорытынды:

Кел онда, ертегіні шертейік біз,

Қауымды мына келген ертейік біз.

"Ертегі еліне" бір саяхаттап,

Келгендерді соңымыздан ертейік біз -дей отырып ойынымызды аяқтаймыз. Сайыскерлер, қазылар алқасы бүгінгі сайысымызға қатысқандарыңызға көп-көп алғыс, келесі күндерде кітапханада кездескенше?!

• 1 слайд

  Ертегілер елінде
  қонақта..
  

• 2 слайд

• 3 слайд

  Тапқырлар
  

• 4 слайд

• 5 слайд

  Мен ақ қалам,ақ қалам,
  Жазған сайын жоқ болам.
  Бор
  

• 6 слайд

  Құрғақ жерде сақтайсың
  Менсіз тамақ татпайсың.
  Тұз
  

• 7 слайд

  Қардай аппақ
  Балдай тәтті-ақ.
  Қант
  

• 8 слайд

  Күндіз шайқасады,
  Түнде айқасады.
  Кірпік
  

• 9 слайд

  Жұпар исі еседі,
  Бақта жайнап өседі.
  Гүл
  

• 10 слайд

  Қалың киімді ұнатады,
  Шешіндірсең жылатады.
  Пияз
  

• 11 слайд

  Аптап ыстық кең даланы қуратқан
  Егін күйіп,бұлақтарды сулатқан.
  Сол кезде Тау көтеріп ел үшін,
  Жаңбыр әкеп, отанын қуантқан.
  Толағай
  

• 12 слайд

  Кіп-кішкентай ғана бойы бар,
  Қысылғанда сөз тапқан
  Қырық өтірік пе керегі?
  Жаңылмай айтып береді.
  Тазша бала
  

• 13 слайд

  Кедергі еткен масаға,
  Адамдармен дос болып,
  Тек жақсылық жасаған
  Айыр еткен құйрығын,
  Зұлым жылан тасада
  Білесің бе қандай құс?
  Қарлығаш
  

• 14 слайд

  Жақсылыққа дұшпан,
  Су астынан шыға кеп
  Адам алақанын қысқан.
  Тісін жұлып лақтырып
  Сыпырғышпен ұшқан.
  Мыстан кемпір
  

• 15 слайд

  Өзі тамақ пісіретін қазан – «Алтын сақа»
  Алдайтын таяқ – «Қарлығаштың құйрығы неге айыр?»
  Бағалы сақа – «Ұр, тоқпақ»
  Айыр құйрық – «Алдар көсе»
  Кімнің
  заты?
  

• 16 слайд

  «Пазлдар»
  

• 17 слайд

  Назарларыңызға
  рахмет!!!