ФИЗИКА ПӘНІНДЕ ЖАҢАРТЫЛҒАН БІЛІМ МАЗМҰНЫ БОЙЫНША ЖИЫНТЫҚ БАҒАЛАУДЫ ҰЙЫМДАСТЫРУ

ФИЗИКА ПӘНІНДЕ ЖАҢАРТЫЛҒАН БІЛІМ МАЗМҰНЫ БОЙЫНША ЖИЫНТЫҚ БАҒАЛАУДЫ ҰЙЫМДАСТЫРУ

Қазақстан Республикасының білім берудегі басты мақсаты: жан - жақты дамыған, білімді, өмір сүруге бейім, өзіндік ой - толғамы бар, адамгершілігі жоғары, бәсекеге қабілетті жеке тұлға тәрбиелеу. Осы мақсатты жүзеге асыру үшін оқушыға білім мазмұнын терең игерудің тиімді жолдарын іздестіріп, шығармашылыққа жетелейтін қазіргі заман талабына сай ғылыми-әдістемелік біліммен қаруланған, білікті маман, шебер мұғалім дайындау қажет. Білім алуда сенімді, өзіне есеп бере алатын тұлға қалыптастыру үшін оқушылармен кері байланыс орнатудың маңыздылығы мен қажеттілігі туындап отыр.

Жаңартылған білім мазмұны бойынша физика пәнін оқытуда оңтайлы өзгерістер де болып жатыр. Жaлпы физикa – күрделі пән. Оны жaттaп aлу мүмкін емес, түсініп оқуды қaжет етеді. Оқушылардың алған білімдерін бағалау жаңартылған білім мазмұнына сәйкес жүргізіледі.

Бағалау-одан арғы оқу туралы шешімді қабылдау мақсатымен оқытудың нәтижелерін жүйелі түрде жиынтықтауға бағытталған қызметті белгілеу үшін қолданылатын термин.

 Критериалды бағалау жүйесінде ең маңызды нәрсе-оқу процесінің өзі, сол арқылы оқушы өзін-өзі бағалауды үйреніп, өз білімінің артықшылықтары мен кемшіліктерін көріп, әрі қарай қалай даму керектігін түсінеді, яғни бұл жүйеде оқушының қалай жұмыс жасағаны, қалай ойланғаны бағаланады. Критериалды бағалаудың екі түрі бар- қалыптастырушы және жиынтық.  

Жиынтық бағалау белгілі бір оқу кезеңінде оқу бағдарламасының мазмұнын меңгеру деңгейін тіркеу, анықтау үшін жүргізіледі. Тіркеу үдерісі кезінде оқу бағдарламасының мазмұнына сәйкес білім алушылардың білімін, дағдысын көрсететін дәлелдерді жинау жүзеге асырылады. Жиынтық бағалау тоқсан барысында (бөлім/ортақ тақырыптар бойынша жиынтық бағалау), тоқсан соңында (тоқсандық жиынтық бағалау) және білім беру деңгейін аяқтағанда (негізгі орта, жалпы орта) жүргізіледі. Жиынтық бағалау-оқытудың нәтижелерін жіктеу, сертификаттау және тіркеу мақсатында оқытудың қорытындыларын шығару. Тоқсандық жиынтық бағалау тапсырмалары балл қою кестесімен сәйкестендіріле жасалады. Жиынтық бағалау өткізілген соң мұғалім балл қою кестесін қолданып балл қояды. Мұғалім барлық жауап үшін балл қойылып, нәтижелердің дұрыс жазылғанына көз жеткізеді. Мұғаліммен бірге оқушы да бағалау нәтижелерін оқу барысындағы оқу жетістіктеріне жетуде қаншалықты алға ілгерілегендігін анықтау үшін қолдана алады. Оқу нәтижелері мен кері байланыс әрекетінің оқушыны үнемі оқуға ынталандырып, алға жетелеп отыруы маңызды, сондықтан ол оқушыға түсінікті тілде, оның дұрыс қорытынды шығаруына мүмкіндік беретіндей болуы қажет. Жиынтық бағалау үдерісін ұйымдастыру

·        Жоспарлау

·        Ұйымдастыру

·         Өткізу

·        Оқу бағдарламасы

·        Оқу жоспары

·         Оқу жылы бойынша бағалау жоспары

 Негізгі, жалпы орта негізгі мектептердің мұғалімдеріне арналған критериалды бағалау бойынша нұсқаулық;

·         Жиынтық бағалауға арналған әдістемелік ұсыныстар

·        Критериалды бағалау ережесі

·        Сынып бойынша оқу бағдарламасына сәйкес бағалау үдерісін өткізу саны анықталады.  

·        Бағалау критерийлеріне сәйкес тапсырмалар дайындалады.

Жиынтық бағалау бойынша балл/деңгей/баға туралы шешімді мұғалім бағалау критерийлеріне сәйкес қолданады. Сонымен бірге мұғалімге әр білім алушының жұмысы бойынша дұрыс шешім қабылдауы үшін дескрипторлар немесе балл қою кестелері көмектеседі. Бөлім немесе ортақ тақырыптар бойынша жиынтық бағалау, тоқсандық жиынтық бағалаудың нәтижелері электронды тіркеу журналына жазылуы керек. Балл мен баға есебі электронды журналда автоматты түрде есептеледі. Бөлім немесе ортақ тақырыптар бойынша жиынтық бағалау, тоқсандық жиынтық бағалаудың электронды тіркеу журналында қойылған нәтижелері талдау жүргізу үшін ақпарат беріп, сабақ беру практикасын жетілдіруге мүмкіндік береді. Жиынтық бағалау үдерісі Бөлім/ортақ тақырып бойынша Тоқсан бойынша -Бөлім бойынша оқу мақсатттарын қамтиды;

·        Пәндер бойынша ортақ тақырыптар бойынша ұйымдастырылады;

·         15-20 минут уақыт беріледі;

·        ойлау деңгейі мен бағалау критерийлеріне сәйкес жүргізіледі;

·        балл дескрипторларға сәйкес қойылады;

·        оқу жетістіктерінің деңгейлері бойынша кері байланыс беріледі;

·        тоқсандық бағаға әсер етеді.

·        Тоқсандағы барлық бөлімдердегі оқу мақсаттарын қамтиды;

·        ортақ тақырып бойынша ұйымдастырылады;

·        сабаққа берілетін уақыта орындалады;

·        жиынтық бағалау спецификациясына сәйкес жүргізіледі;

·         нәтижесі балл қою ережесіне сәйкес қойылады;

·        тоқсандық бағаға әсер етеді.

Жиынтық бағалау жұмыстарын әрбір білім алушы тапсыру міндетті. Бірақ қайта тапсыру рұқсат етілмейді. Мұғалім жиынтық бағалау тапсырмаларын өзі құрастырады немесе әдістемелік ұсыныста берілген жиынтық бағалау тапсырмаларын қолдануға болады. Жиынтық бағалау тапсырмаларын дәптерге, параққа жазғызуға, сондай-ақ қолдан жасалған бұйым, жаттығу түрінде орындатуына болады.

Жаңартылған білім беру теориясын алып, физика пәнінде тәжірибеме қолдануды жалғастырамын деген ойым бар. Себебі бұл білім келешек ұрпақтың болашағына жол ашпақшы. Себебі өз алған білімдерін өмірмен ұштастыра біледі және оны өмірде қолдана алуына мүмкіндік береді. Бұл бағдарламаны біз бір жыл ұрын естіп білдік. Бүгінгі күні өзіміз оқып, түйткілді мәселелерге жауап тапқандаймыз. Ғылымдардың ғылымы физика  пәнінде жаңартылған әдіс-тәсілдерді күнделікті сабақта қолданып, оқушыларымның пәнге деген қызығушылығы, сабақ оқуға деген ынталарының артқаның көрдім. Ұстаз ретінде жаңартылған білім мазмұның қолдаймын және казіргі таңда өз білімімді жетілдіру үстіндемін!  

ПАЙДАЛАНЫЛҒАН ӘДЕБИЕТ

1.     Е.Н. Қалыптастырушы бағалау: әдістемелік құрал\ Астана: «Назарбаев Зияткерлік мектебі» ДББҰ, Педагогикалық шеберлік орталығы

2.   Оценивание учебных достижений учащихся. Методическое руководство/ Сост. Р. Х. Шакиров, А.А. Буркитова, О.И. Дудкина. – Б.: «Билим», 2012. – 80 с.

Краткое описание документа:

Жаңартылған білім беру теориясын алып, физика пәнінде тәжірибеме қолдануды жалғастырамын деген ойым бар. Себебі бұл білім келешек ұрпақтың болашағына жол ашпақшы. Себебі өз алған білімдерін өмірмен ұштастыра біледі және оны өмірде қолдана алуына мүмкіндік береді. Бұл бағдарламаны біз бір жыл ұрын естіп білдік. Бүгінгі күні өзіміз оқып, түйткілді мәселелерге жауап тапқандаймыз. Ғылымдардың ғылымы физика пәнінде жаңартылған әдіс-тәсілдерді күнделікті сабақта қолданып, оқушыларымның пәнге деген қызығушылығы, сабақ оқуға деген ынталарының артқаның көрдім.