"Халық даналығы -рухани байлық көзі" өзін-өзі тану сабағы

Карагулова Камшат Алкамовна,

Маңғыстау облысы Маңғыстау ауданы

«Шетпе лицейі» ММ-нің өзін-өзі тану пәні мұғалімі

Апта     Бірінші  апта	Күні   12.04.2017 ж.	Сабақ   1 сабақ
Сабақтың тақырыбы:	Халық даналығы - рухани байлық көзі
Сілтеме	Өзін-өзі тану:8-сыныбына арналған оқулық.Б.А.Әрінова,Ж.Б.Қажығалиева. Ж.Ж.Әкімбаева,Р.О.Ізғұттынова Алматы: «Бөбек»
Жалпы мақсаты	Оқушыларға ертеден келе жатқан халық даналығы, ата - баба, салт - дәстүрінің, көсем сөздер мен шешен сөздердің рухани тағылымы, адамгершілік құндылық, даналық ретінде түсінік беріп, оның ұрпақтар сабақтастығындағы маңызын ұғындыру.
Күтілетін нәтижелер	Халық даналығы ұрпақтан ұрпаққа мирас болып қалатын қазына екендігін ұғынады. Ұлттық мәдениетке, ата - баба дәстүріне деген сүйіспеншіліктерін қалыптастырады.
Сабақ түрі	Аралас сабақ
Қолданылатын әдіс-тәсілдер	Сын тұрғысынан ойлау стратегиялары: −Жеке, жұппен, топпен жұмыс; −Ой қозғау. −Ішкі интеграция,әңгімелесу −Алынған ақпарат негізінде постер жасау, «Екі жұлдыз, бір тілек» әдіс-тәсілдері
Керекті жабдықтар	Интербелсенді тақта,суреттер,үлестірмелік карточкалар,үнтаспа

Сабақ барысы:
Сабақ кезеңдері	Уақыт	Мұғалім әрекеті	Оқушы әрекеті	Модульдер көрінісі
Топқа бөліну Нұрға бөлену	3 минут	Н.Орманбетұлының өлең шумақтары арқылы  екі топқа  топқа бөлу. Нұрға бөлену сәтін өткізу Балалар, ыңғайланып отырып алыңдар да, терең тыныс алыңдар. Көздеріңізді жұмыңыздар. Өзіңізге енді атып келе жатқан таңды елестетіңіз. Сіз тау жолымен келе жатырсыз. Таза ауа, сылдырлаған бұлақ суы, құстардың сайраған дауысы, сіз жеңіл демаласыз, сіз күшке толысыз. Күн шуағы сіздің теріңізге сәуле шашуда, самал жел сіздің шашыңызды тербетіп сізге көрік беруде. Бүкіл табиғат күші сізге өз махаббатын сыйлап, сізді таң нұрымен қарсы алады. Ал енді бұл күш сіздің бүкіл денеңізге сіңіріп, қуат беріп тұрғанын сезуге тырысыңыз. Бұл күшпен өзіңізге жақын адамдар мен достарыңызбен бөлісіп жатқаныңызды елестетіңіз, Бұл қуат сіздің өміріңізбен тығыз байланысты. Сіз әлемдегі ең бақытты жансыз	Оқушылар түстерді таңдау арқылы үш топқа бөлініп отырады Мұғалімнің айтқан сөзін тыңдап нұрға бөленеді.	АКТ
Үй тапсырмасын тексеру	5 минут	«Атадан бала туса игі,ата жолын қуса игі» тақырыбында ой толғау жазу тапсырылды.	Топта талданады, сұраққа жауап береді.	ОЖТ (ДО)
«Әңгімелесу»	2минут	Ойланайық, пікірлесейік 1. Халық даналығы дегенді қалай түсінесіздер? 2. Неліктен оны адамзаттың рухани байлығы дейміз? 3. Қандай адамды данышпан, дана дейді? 4. Болашақта қандай кәсіпті таңдар едіңіз? 5.Өздеріңнің отбастарыңызда ата кәсібі жалғасын тапқан ба?	Оқушылар сұрақтарға жауап береді.
Білу	3минут	Жаңа ақпарат (сабақтың мақсатын аша түсу үшін ақпаратты оқушыларға оқимын) Адамзат баласының ғасырлар бойы жинақтаған өмірлік тәжірибесі ұрпақтан - ұрпаққа жетіп отырған. Ата - бабаларымыздың көрегендікпен айтып кеткен ұлағатты ой пікірлерін, өсиет - өнегесін халық даналығының қайнар көзі деп білеміз. Халық даналығы нақыл сөз, мақал - мәтел, шешендік сөз үлгілері және салт - дәстүрлерден көрінеді. Оларда айтылған зерделі ақыл, тапқыр ой, ұтқыр шешім мен тобықтай түйін рухани тағылым ретіндегі ұлттық игілік болып табылады. Халық даналығы атадан балаға мұра болып қалатын ізгілікті іс - әрекеттің де тәлімдік үлгісі. Болашақ ұрпағына өшпес мұра қалдырған білімдар, зиялы, ақылгөй адамды данышпан дейді.	Оқушылар жаңа ақпаратпен танысады.	АКТ СТО
Түсіну	2минут	Дәйексөз Ойлану-ең ізгі жол; еліктеу-ең жеңіл жол; тәжірбие жолы-ең ауыр жол. Бенедикт Спиноза	Дәйексөзді оқып талқыға салады. Дәптерге жазып алады.	ДО
Қолдану	10 минут	Шығармашылық жұмыс, топтық жұмыс. Бұл әдіс оқушылардың тақырыпты терең түсінуіне ықпал етеді. Қ.Жәркеновтың «Жаман болады» атты мәтінін рөлдерге бөліп орындау арқылы балалар кейіпкерлердің сезімін, күйініш-сүйінішін өз қабылдауынан өткізеді.	Оқушылар сұраққа жауап береді. Өздерінің де үлкендерден естіген тыйым және ырым сөздері жөнінде пікір алмасады.	ЖЕ ДО
Талдау	5 минут	Халық даналығында ырым және тыйым сөздерге көп мән беріледі.Ырым сөздер жақсылыққа бастаса,тыйым сөздер жамандықтан сақтандырады.	Тапсырманы орындап топтық жұмыс жүргізеді.	СТО
Жинақтау	10  минут	Оқушыларға тапсырма беру; (әңгіме арқылы мақалдар құрату) 1 - әңгіме; Серік аға кішкентайынан еңбекпен күнін көрген адам. Мектеп жасынан әкесінің жанынан қалмай, егін даласында өскен ағайды дүйім жұрт мақтан тұтады. Күтілетін жауаптар: «Еңбек ер атандырады», «Еңбектің наны тәтті», «Еңбек етсең ерінбей, тояды қарның тіленбей» 2 - әңгіме; Ботаның алдына қойған мақсаты – тек жақсы оқу болған сияқты. Бар уақытын мектеп пен кітапхана ішінде өткізетін Ботаны достары «Кішкентай оқымысты» деп атайды. Күтілетін жауаптар; «оқу – инемен құдық қазғандай», «Оқу - білім бұлағы, Білім – өмір шырағы»	Топпен жұмыс Әр топ мақал құрап шығады.	СТО  (ДО)
Бағалау Кері байланыс Үй тапсырмасы Жүректен жүрекке	3 минут 2минут	Р.Нұрпейісовтың «Менің әкем» өлең шумағын түсініп мәнерлеп оқып келу Оқушылар шеңберге тұрып бір-біріне жақсы тілектерін арнайды.	Оқушылар бүгінгі сабақтан алған әсерлерін және де өз ойларын жазады. Оқушылар күнделіктеріне үй тапсырмасын жазып алады.	ОүБ ОБ