Конспект на тему "Жаздық киімдер"

2015-2016 оқу жылындағы ортаңғы «Ақ көгершін» тобының ұйымдастырылған оқу іс -әрекетінің технологиялық картасы.

Күні: 06.05.2016ж.

Білім беру саласы: Таным

Ұйымдастырылған оқу іс-ірекетінің түрі: Қоршаған ортамен таныстыру

Тақырыбы: Жаздық киімдер

Мақсаты:

а) Жаздық киімнің айырмашылығын байқап айтып беруге,маусымдық өзгерістерді байқауға үйрету.

ә) Жыл мезгілдердің айырмашылығын ажырату арқылы баланың ойлау қабілеттерін дамыту,

б)Киімдерін ұқыпты,ретімен киюге тәрбиелеу.

Қолданылатын көрнекі-құралдар: жұмыс дәптері, түрлі түсті қарындаштар, дүкен ойынына арналған касса, ақша, фломастерлер, қалың, жұқа матаның қиындылары. мазмұнды суреттер.

Билингвальді компонент: мезгілдер времена.

Оқу іс-әрекетінің кезеңдері	Тәрбиешінің іс-әрекеті	Балалардың іс-әрекеті
Мотивациялық-қозғаушылық	Шаттық шеңберіне тұрғызамын. -Балалар мен сендермен кездескеніме қуаныштымын.  Кәне, барлығымыз шаттық шеңберіне тұрып, өлеңімізді айтайық.	Балалар шаттық шеңберіне тұрып, өлең жолдарын айтады.
Ұйымдас-тырушылық-ізденістік	-Балалар, көктем мезгілінен кейін жылдың қай мезгілі келеді деп ойлайсыңдар? -Жазда ауа райы қалай болушы еді? Қонаққа қалың киім киген екі қуыршақ келеді. -Сәлеметсіңдерме, балалар? -Менің атым – Сандуғаш, ал мынау –менің досым Думан. Балалар, неге екенін білмейміз, біз әбден ыстықтадық. -Сонда қалай, киімдер қыстық, жаздық болып бөліне ме? -Оларды  кім бөледі және олар не үшін бөлінеді. Мен түкке түсінбедім. Тәрбиеші: Сандуғаш, Думан, балалар дұрыс айтады. Киімдер қыстық киім, жаздық киім, тіпті көктем, күз  маусымына арналған киімдер болып бөлінеді. Жаздық киімді ыстық кездерде, жаз айларында киеді. Кәне балалар, сендер өздеріңнің үстілеріңдегі киімдеріңді ұстап көріңдерші. Сандуғаш пен Думанның киімінен айырмашылығы бар ма? -Міне, байқадың ба, Сандуғаш? Сендер қалың қыстық киім киініп алғандықтан ыстықтап тұрсыңдар. Ал балалардың киімі жұқа матадан тігілген. Сол себепті олар ыстықтамайды. Сандуғаш: Сендер жұқа жаздық киімдерді қайдан алдыңдар? -Олай болса сендер дүкенге ьарып бізге киім түрлерін көрсетеді. Қуыршақтар киімдерді көріп қуанады. Сандуғаш атты қуыршақ балаларға киімдерді жеке-жеке көрсетіп сұрайды. -Мынау қандай киім? -Жазда баскиімнің қажеті жоқ қой. Біз бұл киімді алмай-ақ қояйық. -Жарайды мен ондай телпекті алмамын. -Ал мына киімдерді қалай киеді? -Қандай әдемі киімдер! Түсі қандай өзінің? Қандай матадан тігілген? Осылайша балаларға дүкеннен алып келген жаздық киімнің барлығын көрсетіп, сұрап шығады. -Рақмет, балалар, енді мен сендер әкелген киімдерді киіп алайын. Сандуғаш ұл балаға арналған киімдерді кие бастайды. Тәрбиеші: -Балалар, Сандуғаш киімдерін дұрыс киді ме? Сандуғаш: -Ой киімнің не айырмашылығы бар. Барлығы да бір киім ғой. «Кім бірінші»ойыны. Тәрбиеші ойынның шартын түсіндіреді. Қуыршақтар риза болып, балаларға рақметін айтып қоштасады. Тәрбиеші балаларды екі орталыққа бөліп, бірінші орталықтағы балаларға жаздық киім тігуне арналған жұқа маталарды іріктеп алу, екінші орталықтағы балаларға ұл бала мен қыз балаға арналған киімдерді іріктеп алу тапсырады. Сергіту сәтін өткізу. Дәптермен жұмыс. Дәптерде берілген тапсырманы түсіндіремін.	-Жаз мезгілі. -Ыстық болады. -Сәлеметсіңдер ме? -Әрине ыстықтайсыңдар. Себебі сендер қалың қыстық киім киіп алыпсыңдар. Ал сендерге жаздық киім керек. -Дәл солай. -Киімдерді арнайы қыстық, жаздық деп бөледі. -Айырмашылығы бар. Менің көйлегім жұқа, ал Сандуғаштың киімі қалың. Және Сандуғаш пальто киіп алған. -Дүкеннен алдық. Балалар қуыршақтарға көмектесетіндіктерін білдіріп, барлығы киімдер дүкеніне келеді. Сатушымен сәлемдесіп, өздерінің не үшін келгендерін айтады. Қыз бала мен ұл балаға арналған бірнеше жұқа киімдер, баскиімдерді таңдап алып, ақшасын төлеп, сатушвмен қоштасады. -Ол –баскиім. Оны-телпек дейді. -Егер де сендер далаға шыққанда бастарыңа телпек кимей шықсаңдар, бастарыңнан күн өтіп, ауырып қалуларың мүмкін. Қараңдаршы, бұл баскиімді кисең тіптен де ыстықтамайсың. Себебі: ол жұқа матадан тігілген . әрі шетіндегі желбіршектері көлеңке беріп тұрады. -Мынау-көйлек, ал мынау-жейде. -Көйлектің түсі қызыл, жейденің тісі көк. -Жоқ. Сандуғаш Думанға арнап әкелген киімдерді киіп алды. -Жоқ, барлық киім бірдей емес. Ұлдарға арналған және қыздарға арналған киімдер болады.  Екі бала шығып, қуыршақты киіндіреді. Сергіту сөзінің мағынасына қарай қимылдар жасайды. Балалар дәптерде берілген тапсырманы орындайды.
Рефлексиялық-түзетушілік	Балалардан бүгінгі жиыннан алған әсерлерін, көңіл-күйлерін сұраймын. Сонымен  қатар немен айналысқандарын, не үйренгендерін сұрайды.	Жиыннан алған әсерлерін айта отырып, көңіл күйлерін дәптердегі таңбаларға белгілейді. Немен айналысқандарын, не үйренгендерін айтады.

Күтілетін нәтиже:

біледі: жаздық киімнің басқа маусымдық киімдерге қарағанда айырмашылығын.

игереді: жаздық киім түрлері: телпек, көйлек, жеңі жоқ жейдені қалың-жұқалығына қарап топтастырып айта алады.

меңгереді: маусымдық өзгерістерге қарай киінуді, өзіне қызмет етудің қарапайым дағдыларын.

Ересектер тобына арналған

                            Ұйымдастырылған іс-әрекеттің технологиялық картасы.

Білім беру саласы: «Денсаулық».

Бөлімдері: «Валеология».

Тақырыбы: Мен – үйдемін. Қауіпсіздік мектебі.

Мақсаты:  Балаларға үйдегі қауіпсіздік ережелері жөнінде түсінік беру.

Тәсілдер кезеңдері	Тәрбиешінің іс-әрекеті	Балалардың іс-әрекеті
Ұйымдастырушы-қозғаушы қызмет	Психожаттығу ертеңгілік жиын.	Балалар шеңбер құрып отырады, бір-біріне тілек айтады.
Ұйымдастыру-ізденушілік	Балалармен салауатты өмір жайлы әңгімелесу. -Балалар, үйде жалғыз қалған кездерің болды ма? Балалар, үйде жалғыз болған жағдайда, таныс адам келсе де үлкендер келгенше есікті ашпаңдар.  Бейтаныс адамды үйге шақырмаңдар.Электр құралдарын тоққа қосуға болмайды. Бала Салауатты өмірінің  бір күні атты әңгіме оқу.  Балаларғабала Салауат туралы әңгіменің мазмұны бойынша, үйде өздерін қалай ұстау керектігі жөніндегі ережелеріні жаттатқызу. Суреттегі жинақы бөлме мен ретсіз бөлмені салыстыруды ұсыну.	Балалар өз ойларымен бөліседі. Балалар қауіпсіз мектебінің ережелерін еске түсіріп, айтады. Балалар әңгімені тыңдап, есте сақтайды. Балалар суреттердегі бөлмелерді салыстырып, өз бөлмелері жайлы әңгімелейді.
Жетекші - жөндеуші	Сабақты  қорытындылау. Адам- табиғаттың бір бөлігі. Күн, ауа, және су; бұлар табиғаттың сыйы, адамның тіршілігіне қажет, сондықтан оларға қамқорлықпен қарауымыз керек.

Күтілетін нәтиже:

Білуге тиіс:Қауіпсіздік мектебін жатқа білу.

Талапты болу: Бір-біріне жақсы тілек айтып, көмек көрсете білу.

Қолынан келуі тиіс: Сұрақтарға жауап бере білу.