Конспект урока на тему "Тұңғыш Президент"

Патриоттық тәрбие – тәрбиенің бастауы

Өз халқыңның тарихының өнегелі жақтарын білу, өз еліңнің кешегі және бүгінгі қаһармандарын мақтаныш ету, олардың ерлігіне тағзым ету, оларға сай болу патриотизмнің басты құрамдас бөлігі болып табылады.Ендеше, патриотизм идеясы жастарға білім мен тәрбие берудің барлық бағдарламаларынан көрініс табуы керек. Осы тұрғыда Т.Бокин атындағы № 41 орта мектебінде патриоттық іс-шаралар жүргізілуде.Тұңғыш Президент күні аясындағы мерекелік шаралар осынау тақырыпта ұйымдастырылған кітап көрмесімен басталды. Көрмеге Елбасы Нұрсұлтан Назарбаевтың өмірі мен шығармашылығы, авторлық кітаптар көптомдығы, әлемдік ауқымда жасаған жарқын бастамалары мен баяндамалары, өзекжарды ойлары, қанатты сөздері мен өзекті пікір-пайымдары ұсынылған. Жоспарға сай  танымдық сағаттар, 2017 жыл Астана қаласының 20 жылдығы тойланатындықтан «Астана және Президент» тақырыбында мектеп оқушылары арасында шығармалар байқауы, «Елін сүйген Елбасы» атты концерттік бағдарлама, спорттық ойын түрлерінен сайыстар ұйымдастырылды. Тұңғыш Президент күнін атап өту арқылы біз жас ұрпақты патриоттыққа, отансүйгіштікке тәрбиелеп, елін сүйіп, адал азамат болуға үйретеміз. Елбасы әр сөзінде берекелі бірлігімізді, дархан достығымызды берік сақтауға үндеп келеді. Бүгінгі қол жеткізген әр жетістігімізде Елбасының айшықты қолтаңбасы бар, бұл - ел тарихына алтын әріптермен жазылған еншіміз деп білеміз.