Конспект урока по крымскотатарскому языку 1 класс Е, е арифлерини язув.

ДЕРС ____

Мевзу: Е, е арифлерини язув. «ЕЛЬКЕН», «СЕПЕТ» сёзлерини талиль этюв. Джумлелернинъ график моделини тизюв. Эджалар, сёзлер, джумлелер язув. Ресимге бакъып джумле тизюв.

Макъсат: Е,е арифлерни язмагьа огретмек. Эджалар, сёзлер, джумлелер язув. Сес-эджа талиль къабилиетлери- ни мукеммелештирмек. Дикъкъат, гъайрет, язувда джый- накълыкъ тербиелемек.

Дерснинъ донатмасы: язув дефтери, ресимлер, джедвеллер, арифлернииъ нумюнеси, тахта.

Дерсиинъ кетишаты.

I.  Тешкилий дакъкъа.

II.  Таянч бильгилерини актуаллештирюв.

1.  Субет.

-    Окъув дерсинде насыл арифнен таныштыкъ?

-    Онынъ характеристикасыны беринъиз.

2.  Сёзнинъ сес-эджа талили.

-    Бу арифлернен сёз тизинъиз.

КЕНЬЛЕ              ЕТЕПС

456321           45231

-     Окъуныз. «ЕЛЬКЕН», «СЕПЕТ» сёзлерни талиль этинъиз ве схемаларыны тизинъиз.

III.  Дерснинъ мевзусыны ве мякъсадыны еткизюв.

IV. Янъы мальземени анълатув.

I. Уфакъ е арифнинъ язылувыны талиль этюв ве анъ­латув.

Уфакъ е ариф ильмекке бенъзей. Оны иш сатырнынъ ортасындан азчыкъ ашаджа язмагьа башлаймыз, сагъ тарафкъа алып барып, иш сатырнынъ усттеки сызыкъ янында сол тарафкъа тёгереклеймиз ве иш сатырнынъ ашагьы сызыгъынадже яры- овалнен ашагъа юрьсетемиз, анда оны кене де сагъ тараф­къа тёгереклеймиз.

«Ве-бир-ве» саювнен языла.

2.    Пармакъ гимнастикасы.

Ербучик

Ербучик, ербучик, ербучик Елакълы чапчакъчыкъ.

Бизим незакетли чечегимиз Япрагъыны даркъкъатты.

Текаран ельчик эсе Япракъларыны ельпирете.

3.   Мустакъиль язув.

4.              Эки уфакъ ее арифни берабер ве оны башкъа ариф- лернен язув.

5.   Физдакъкъа.

Баш Е арифнинъ язылувыны талиль этюв ве анълатув. Баш Е ариф эки сагь тарафлы яры-о валлардан ибарет. Тёпедеки ара сатыр сызыгьындан азчыкъ ашаджа уфакъ юкъарыдаки ярыовалны япамыз. Оны иш сатырнынъ усттеки сызыгьындан бираз тёпедже тёгереклеместен язып битиремиз. Сол тарафкъа эм ашагъа узвий арекетнен буюк ашадаки ярыовалны япамыз. О иш сатырнынъ ашагьы сызыгъына токъуна ве иш сатырнынъ орталарында язып битириле. «Ве-бир-ве-эки-ве» саювнен языла.

6.   Мустакъиль язув.

7.            Баш Е арифни уфакъ е арифнен ве башкъа арифлер- нен берабер язув.

8.   Дефтердеки вазифелернен чалышув.

9.              Ресимге бакъып джумле тизюв. Джумлелернинъ гра­фик моделини тизюв.

1. Кёр сычан бостанымызны къазып чыкъты.

2. Алиме сепетке еды алма къойды.

3. Бабам дегирменге барып ун тартты.

10.      Тахтадан джумле кочюрип язув.

Сепетте еди алма.

Дерснинъ нетиджеси.

– насыл арифнен таныш олдыкъ?

–о насыл сес бильдире?

–дерсте даа не яптыкъ?