Конспект урока по крымскотатарскому языку" Специфические звуки крымскотатарского языка"

Ана тили дерси Мевзу:

Дерс планы

Мевзу: Къырымтатар тилине хас олгъан сеслерини пекитюв ве текрарлав.

       Макъсат:

1.   Къырымтатар арифлерини догъру язмагъа ве сеслерини теляффуз этмеге огретюв.

2.   Сезлерни ве джумлелерни дикъкъатнен кочюрюв.

3.   Нутукъ инкишафларыны зенгинлештирюв.

4.   Табиаткъа севги ашлав.

        Дерс донатмасы: джедвеллер, ресимлер.

Дерс кетишаты:

I. Тешкилий къысым. Селямлашув.

II. Арифлерини текрарлав.

1)   Арифлер диктанты: оджа сезлер окъуй, талебелер биринджи арифни язалар.

Къырым, орман, джилек, ергъан, гъыда, ягъмур, емиш. (Къ, О, Дж, Е, Гъ, Я, Е). – тахтанен тешкериле.

        Суаллер:

        - Тутукъ сеслерини  насыл арифлер бильдире? (Къ, дж, Гъ)

        - Булар насыл арифлер? Насыл ариф етишмей? (Нъ)

        - Не ичюн биз оны язмадыкъ?

        - Элифбе боюнджа олар насыл тизиле? (Гъ, Къ, Нъ, Дж)

     2)  Каллиграфия дакъкъасы. Балабан ве уфакъ арифлер бир сатыргъа языла.

     3) Гъ, Къ, Дж арифлерине тезайымлар айтыла.

     III. Тахтада язылгъан сезлерини окъунъыз.

     1)

Къара денъиз дегенде акъылынъызгъа не келе? (Сув, далгъа, балыкъ, кунеш, къум, чагъала, джылавукъ, геми)

     2) Къара денъизде чокъ къырымтатар арифлери сакълангъан. Шимди биз онынъ ресимини сызаджамыз. Ресим сызыла.

        Биринджиден, далгъалар сызыла ве далгъа сезю хорнен айтыла. Сонъра балыкъ, джылавукъ, къум, чагъала ве кунеш.

     3) Ресим биткен сонъ, сезлер тахтада языла ве къырымтатар арифлернинъ тюбю сызыла, сезлер эджаларгъа болюне.

Къа-ра де-нъиз, дал-гъа, ба-лыкъ, джы-ла-вукъ, къум, ча-гъа-ла, ку-неш.

        Раатлыкъ дакъкъасы. Къолум-къолум.

4)      Ресимге эсасланып джумлелер тизиле.

- Къара денъизде балыкълар яшай.

- Денъиз устюнде чагъалалар уча.

- Ялы боюнда балалар ойнай.

     5) Джумлелер язылгъан сонъ, мустакъиль иш.

Талебелер эки группагъа айырыла ве карточкалар боюнджа чалышалар. Къ ве Дж арифлерине башлангъан сезлер язмакъ.

IV. Дерснинъ нетиджеси чыкъарыла. Яхшы чалышкъан талебелерге йылдызчыкълар бериле.