«Ақбота» шағын орталығының аға тәрбиешісі Молдагулова А.А.
Сабақтың тақырыбы: «Төрт төлік мал».
Тіл дамыту сабағы.
Мақсаты:
Төрт төлік мал, олардың ерекшелігі, қасиеті, төлдер туралы тусінік беру.
Күнделікті көріп жүрген сиыр, қой, жылқы, ешкі малдары мен олардың төлдерінің аталуы, оларды шақыру пірлері туралы айтып, балалардың тілдерін, ойлау қабілетін, байкқамаздығын дамыту, сөздік қорын байыту.
Төрт түлік малы сүюге, олардан алынатын өнімдерді біліп, пайдалана алуға, еңбек сүйгіштікке, мейірмділікке тәрбиелеу.
Көрнелігі: Төрт түлік малдардың суреті, ұлттық тағамдар (сүт, айран, құрт, ірімшік, қымыз)
Әдісі: Көрсету, әнгімелесу, түсіндіру, сұрақ-жауап.
Жаңа сөздер: төл, төрт түлік мал.
Барысы:
Балалар бүгінгі сабағымыз өзіміздің күнделікті көріп жүрген төрт түлік мал жайлы.
-Үйлеріңде қандай мал бағасындар?
-Сиырдың қандай ерекшеліктері бар?
Оның мүйізі бар, төрт аяғы бар, сиырдың сүті көп, одан айран жасайды, құрт жасайды.
Ешкінің де мүйізі бар, жүні ұзын, оны көктемде қырқып алып апаларың көрпе жасайды.
Жылқы малы малдардың ішіндегі ең жүйрігі, оның сүтінен қымыз ашытады. Ол денсаулыққа шипалы сусын.
-Қымыз ішіп көрдіңдер ме?
-Ал енді бұл малдардың төлдері, яғни баласы қалай аталады?
Сиыр - бұзау, жылқы - құлын, қой - қозы, ешк - лақ, түйе - бота.
Ала енді сендер бізге осы төлдер қалай шақыратыны айтылатын өлендер арқылы оқып беремін.
Қой баласы - қоңырым,
Ұя бұзбас - момыным.
Шопан ата түлігі
Қошақаным қайдасын?
Пұшайт! Пұшайт!
Жүнін жұлса бақырған,
Ешкі атасын шақырған
Шөкетайым қайдасын
Шөре! Шөре!
Жолға шықсам көлігім,
Жапанда жүрсем серігім
Құла атым, қайдасың
Құрау! Құрау!
Тілі мен мұрнын жалаған,
Тілімен бойын тараған
Әукешім менің қайдасың
Қөс! Қөс!
-Осы малдарды не үшін бағамыз?
Өйткені олардың етін жейміз, сүтін ішеміз.
-Сендер үйде сүт ішесіңдер ме?
Ол сүттен жасалған айран ішіп, құрт, ірімішік жедіңдер ме?
-Балалар сендерді апа - аталарың «қошақаным, қозым, ботам, құлыным деп жақсы көре ме?»
Сендер де төрт төлік малды, олардың төлдерін жақсы көріп, бағуларың керек.
Малды теппей оған уақытында жем, шөп, су беріп тұру керек.
Сабақты бекіту.
Балалар,»Жаңғырық» ойынын ойнаық.
Мен бір сөз айтамын, сендер оны қайталайсыңдар.
Сиыр - бұзау, жылқы - құлын, қой - қозы, ешкі - лақ, түйе - бота.
Апам сиыр сауды, атам атқа мінді, мен лақпен ойнадым.
Түйе - малдың үлкені
Жылқы - малдың үркегі
Сиыр - малдың сүттісі
Қой - түліктің құттысы дей отырып, бұғын төрт түлік мал туралы сабақ өттік.
Көп нәрсені біліп, үйренді деп ойлаймын. Бәріміз ортаға шығып, жүректен - жүрекке жылу берейік. Яғни, бірімізді - біріміз жаңағы сабақта өткен малдардың төлінің аталуымен атайық.
Менім қошақаным қоңыр қозым, сүйікті ақ лағым, ботақаным, құлыншағым.
Оставьте свой комментарий
Авторизуйтесь, чтобы задавать вопросы.