Ұлыстың ұлы күні ертеңгілік

Қостанай қаласы әкімдігінің «Қостанай қаласы әкімдігінің білім бөлімінің

№ 3 бөбекжай - бақшасы» МКҚК

«ТӨРЛЕТ, ТӨРЛЕТ НАУРЫЗ» ойын-сауық сценарийі

Екінші кіші «Көбелек» тобы»

Тәрбиешілер: Асылбекова Ж.Ж.

2016- 2017 оқу жылы

Ұлыстың Ұлы күні  22 наурыз  мерекесіне арналған «Төрлет, төрлет Наурыз!»  екінші кіші «Көбелек» тобына арналған  ойын-сауық

Күні: 16.03.20107

Тобы: Екінші кіші «Көбелек»

Мақсаты: Ұлыстың ұлы күні наурыз мерекесімен балаларды таныстыру. Ұлттық салт-дәстүр, әдет-ғұрып жайында қарапайым түсінік беру. Ата-бабаларымыздың кейінгі ұрпаққа мирас еткен асыл мұрасын қадірлеп, қастерлеуге, қасиетін түсінуге баулу. Ұлттық дәстүрдің ерекшеліктерімен таныстыру. Қазақ халқының салт-дәстүрлерін балалардың бойына сіңіру. Балаларды ұлттық салт-дәстүрді, мұраларды танып-білуге, сыйлап, түсінуге үйрету. Балалардың ой-қиялының, шығармашылық белсенділігінің және бейнелі ойларының дамуына ықпал ету.

Көрнекілігі: бесік, бесік әбзелдері, мерекеге дайындалған үстел (ұлттық тағамдар), суреттер

Сөздік жұмыс: ұлыстың ұлы күні, 22 наурыз, салт-дәстүр

“Наурыз Думан” әні орындалады қазақ киімдерін киген балалар айнала жайылған көрпелерге жайғасып отырады.

Тәрбиеші: Балалар сендер білесіңдер ме көктемде қандай мереке болатынын?

Балалар: -Ия

         -Аналар мерекесі

Тәрбиеші: Балалар Аналар мерекесінен басқа тағы да Наурыз ұлыстың ұлы күні атты мереке бар. Сол себепті біз бүгін сәнді киініп, дайындалып келдік.

Олай болса балалар ортаға әжемізді шақырайық.

Мерекеміздің сыйлы қонағы болсын.

(ортаға әже келеді)

Балалалар әжемен амандасайық. (балалар әжемен амандасады).

Тәрбиеші: Балалар біздің әжеміз сендерге мерекеге байланысты бата береді. Жақсылып тыңдайық.

Әже: "Наурыз келсе, құт келгені, халайық!"
Есік ашып, шашу шашып,
Ел боп қарсы алайық (отырған  қонақтарға шашу шашу)

Тәрбиеші: Балалар сендер білесіңдер осы мерекеде біз не істейміз?

(экраннан наурыз мерекесіне байланысты суреттер көрсетіледі).

Балалар суреттерге назар аударады.

Тәрбиеші: Ал балалар енді әжемізге ән айтайық «Әжем менің әйбәт»

Тәрбиеші:Балалар ал енді мына үстелде тұрған ұлттық тағамдарымызбен танысып, дәм татайық.

Бауырсақ

Бесбармақ

Көже

Айран

Сүт

Жент

Чак-чак

Қаймақ

Шелпек

Сүзбе

Тәрбиеші: балалар тағамдарымыз қандай екен?

Балалар: -Өте дәмді

-Маған ұнады

Тәрбиеші: Жақсы. Сүйінші, сүйінші дүниеге сәби келді. Балалар сәби дүниеге келгенде оны бесікке салады екен. Олай болса балалар бізге әжеміз салт-дәстүрді көрсетеді.

Бесікке салу — нәрестені алғаш бесікке бөлеу рәсімі. Бесікке саларға шақырылған ауыл-үйдің әйелдері шашуын, жол-жоралғысын ала келеді. Баланы алғашқы бөлеу үлгілі ұрпақ өсірген қадірменді әйелге тапсырылады. Ол өзінен басқа тағы бір-екі келіншектің көмегімен бесікті жабдықтайды, сәбидің әжесі не шешесі түбектің тесігінен балаларға тәтті үлестіреді. Осыдан кейін бесікті отпен аластап, баланы бөлейді. Бесікке салған әйелдерге көйлек, жаулық сияқты сый тартылады. Үлкендер батасын беріп, баланың ер жетуіне, ананың үбірлі-шүбірлі болуына тілектестік білдіреді. Тыштырма рәсімі өткізіледі. Бесік жыры айтылады.

Балалар: қуанады, қызығады, мұқият қарайды

Тәрбиеші: Ал енді балалар біз ортаға шығып «Қара жорға» ұлттық биін билейміз.         

 (музыка қосылып би биленеді)

Тәрбиеші: Балалар сендер наурыз туралы тақпақ білесіңдер ме?

Қайрат: 

 Сәнді көктем - Наурыз!
Наурыз тойы - жырымыз.
Көңіл гүлдей жайнасын.
Құлпырсын күн мен ай.
Құтты болсын Наурыз!

Камила:

Наурыз тойым, Наурыз тойым.
Құтты болсың халайық!
Қане, достар, қане, достар,
Шырқап әнге салайық

Тәрбиеші: Балалар сендер ойын ойнағады жақсы көресіңдер ме? Бұл мерекеде тағамдар көрсетіледі, би биленеді сонымен қатар ойындар да ойналады екен. Олай дейтін себебім, қазір «Қол күрес» деген өте қызық ойын ойнаймыз. Ортаға екі-екіден ер балалар керек.

Балалар: ойынға белсенді қатысады. Қыздар жанкүйер болып қолдау көресетеді.

Тәрбиеші: Біздің жігіттер жарады. Балалар бүгінгі шағын ойын-сауығымыз өз мәресіне жетті. Балаларымыз жақсы қатысты. Әжемізге рахмет. Әжемен қоштасатын да кез келді. Әжемізге сыйлық беріп сау бол деп айтайық. (балалар сыйлығын береді).