"Мамандықтармен танысайық" (ІІ - кіші топ Балауса)

«Балауса» ІІ кіші тобының технологиялық картасы

Күні: 23.11.2016 жыл

Кіріктірілген білім беру салалары: Қатынас, таным

Бөлімі:жаратылыстану, сурет

Тақырыбы:Мамандықтармен танысайық.(аспазшы)                              Мақсаты:Мамандықтар туралы түсініктерін кеңейту.Мамандықтың түрлерімен таныстыру арқылы жаңа сөздермен сөздік қорларын толықтыру.          Міндеті:Адам еңбегінің қарапайым заңдылықтары мен тәуелділіктері туралы түсінуге,еңбектің қоршаған өмірдегі мағынасын түсінуге үйрету.                                                                                              Қолданылатын көрнекі құралдар: мамандықтар бейнеленген суреттер, Сөздік жұмыс: мамандық                                                                               Билингвальды компонет:мамандық – профессия, аспаз – повар, жүргізуші – водитель, құрылысшы – строитель.

Әрекет кезеңдері	Тәрбиешінің іс - әрекеті	Баланың іс – әрекеті
Мотивациялық қозғаушылық	1.Тәрбиешінің топқа үлкен хатқалта алып кіреді. - Балалар, бізге «Мамандықтар қаласынан» хат келіпті.Тыңдаңдар. «Құрметті балалар, біздің шеңберлер қаласында мамандық түрлері өте көп, сендер өскенде әрқайсысың бір мамандық иесі боласыңдар.Әзірше, сендер кішкентайсыңдар, сондықтан мен сендерді Мамандықтар қаласына қонаққа шақырамын». Балалар, бұл қалаға бару үшін бізге сиқырлы кілем керек.Өйткені біз өзен – көл, тау мен ормандардың үстінен ұшып өтеміз.	Сиқырлы кілемше отырып, музыкамен мамандықтар қаласына жол тартады.
Ұйымдастырушылық – ізденістік	2. Білімді өзектендіру. (Тақтаға түрлі мамандықтар суреті ілінеді). Аспаз –ең басты мамандықтардың бірі. Безендіріп үстелді, Тәтті тамақ пісірер. Аспаз дәмді тамақтың қаншама түрін пісіреді. Сендерге қандай тамақ түрлері ұнайды? -Құрылысшылар зәулім үйлерді тұрғызады. -Жүргізуші дегеніміз – көлік түрлерін жүргізетін адам. 3. Билингвальды компонет: мамандық – профессия, аспаз – повар, жүргізуші – водитель, құрылысшы – строитель. 4.Сергіту сәті 5.«Кім жоқ?» ойыны.                            Балаларға мамандықтар суреті көрсетіледі. Көздерін жұмуды ұсынып, бір суретті жасырады. - Қалай ойлайсыңдар, мамандықтардың бәрі қажет пе?	Балалар әңгімеге қатысып,сұрақтарға жауап береді.Суреттер бойынша өздері білетін мамандық иелері туралы әңгімелейді. Қайталайды. Тәрбиешімен бірге қимылдар жасайды. Қандай мамандық жоқ екенін табады. Әр баланың жауабы тыңдалады
Рефлексиялық  -түзетушілік	-Ал енді балалар балабақшаға оралатын кез келді. Кілемге отырыңдар, топқа ұшамыз. -балалар, біз қайда саяхаттадық? -Қандай мамандық түрлерімен таныстық? -Қай мамандық сендерге ұнады? Өскенде кім болғыларың келеді?	Балалар кілемге отырады. Сұрақтарға жауап береді.
Күтілетін нәтиже: Орындайды: мамандық туралы берілген тапсырманы; Түсінеді: мамандықтар туралы мәліметті және тұрмыста мамандықтардың пайдасы бар екені; Қолданады: мамандықтар туралы сұрақтарға толық жауап бере алу және өз ойларын жеткізе алу;