Математика фәненнән үткәрелгән ачык дәрес эшкәртмәсе. Тема: "3саны һәм цифры"(1класс)

                   Татарстан Республикасы    Балтач муниципаль районы

                    МБГБУ «Ор башлангыч мәктәп – балалар бакчасы »

                             Тема:  3саны һәм цифры

(1 енче сыйныфта  математика фәненнән үткәрелгән

 ачык дәрес эшкәртмәсе.)

Максат:

- укучыларны 3 саны һәм цифры белән таныштыру;

- микъдар һәм тәртип саннарының мәгънәләрен үзләштерү;

- “сан” һәм “цифр” терминнарын дөрес куллануга ирешү; санау күнекмәсе,        график күнекмәләр формалаштыру;

-тырышлык, пөхтәлек тәрбияләү.

Җиһазлау: компьютерда слайдлар, магнитофон, магнит такта, буяу карандашлары.

Материал: математика 1класс -дәреслек 40- 41бит, мөстәкыйль эш дәфтәре 37-38бит,

                                    Дәрес барышы.

I.Оештыру өлеше.

         1.Дәрескә әзерлекне тикшерү.

              2.Уңай психологик халәт тудыру.”Елмаю” җыры яңгырый.

– Барыгыз да дәрескә әзерме, балалар? Әйдәгез ,  елмаеп, күтәренке күңел белән дәресебезне башлыйбыз! Иң элек  шигырь юлларын тыңлап үтик әле.

                                “Уйла җитез, уйла тиз!

                                  күп кат үлчә, бер кат кис!

                                  Дәфтәрең чиста булсын!

                                  Китабың көлеп торсын!”( Ш.Маннур)

      -   Автор бу шигыре белән  безгә нәрсә әйтергә теләгән? (көтелгән  җаваплар)

- Балалар, математика  тормышта иң кирәк,  иң катлаулы һәм иң төгәл фәннәрнең  берсе. Юкка гына “Математика – барлык фәннәрнең патшасы”, -димәгәннәр.Бу дәрестә барыгызның да тырыш һәм игътибарлы булуыгыз сорала.

II.Актуальләштерү .

1.-Балалар,карагыз әле безнең дәресебезгә кунак килгән .Сез аны таныйсызмы? (көтелгән җаваплар)

-Бик дөрес, балалар, тиен кызы .Ул аптырап калган әле- балалар бакчасына барыйммы,әллә мәктәпкәме? - ди.Сез аңа нинди киңәш бирер идегез?(җаваплар)

       - Сезнең мәктәптә укыйсыгыз киләме?(җаваплар җөмлә төзеп әйтелә.)

       - Белем нәрсәгә кирәк?

 - Әйдәгез,тиенгә дә үзебезнең белемнәребезне күрсәтик әле.

2. -Тактада рәсемнәр.Шул рәсемнәргә туры килгән саннарны әйтегез әле(1,2,0;  ),  ә хәзер язып та куегыз.

Чагыштыра да беләсезме?

 -уң якта нәрсә?

 -сул якта нәрсә?...

-иң кечкенә сан кайсы?(0,1,2)

-2дән соң нинди сан килә?(3)

-ә без 3ле саны  турында өйрәндекме әле?

III. Уку мәсьәләсен кую.

         1.-Әйдәгез, бергәләп 1нче слайдны карыйк. (үз-үзләренә, аннары парларда бер-берләренә сөйлиләр)

           -барлык рәсемнәрнең уртак билгеләре бармы?(җаваплар)

           -бүгенге дәрестә без нәрсәләр эшләрбез?

           -без нәрсәне белмибез әле?(3ле цифрын яза)

IV. Уку  мәсьәләсен өлешләп чишү.

        Физкультминутка.(Слайт№2)

          1.Дәреслек белән эш.

а) ярдәмче билгеләр белән таныштыру.

б) №1.Әмиргә 3саны белән предметлар уйлап табарга булышу.

в) №2.Тамгалар арасыннан 3 цифрын тап.(фишкалар куй)

г) №3. 3цифрына охшаган предметларга яки аларның кисәкләренә фишкалар куегыз.(парларда эш)

          2. Мөстәкыйль эш дәфтәрләрендә эшләү.

а) №1. 3цифрын язу.

-  3ле цифрын матур итеп дәфтәрләребезгә язып куябыз .(Парларда бер-берсенең дәфтәрләрен тикшерәләр.Үзбәя.)

б) №2. Рәсем астына тиешле цифрларны яз.

в) №3. Һәр тәлинкәдә өчәр булырлык итеп,алмаларны яса.

г) №4. Гөмбәләр санын яз,саннар арасына  >,<,= тамгаларын куй.

Физкультминутка.

V.Өйрәнгән материалны ныгыту.

1Тәрбияви әңгәмә.Кәҗә бәтие турындагы әкиятне дәвам итү.

    -Кәҗә бәтие сыерны ничәнче итеп санаган?

2. Эш дәфтәрләрендә эшләү.

-өйрәнгән саннарны иң кечкенәсеннән иң зурысына таба тәртип буенча яз.

3.Дәреслек.№6.

-уңнан өченче курчак рәсеме астына фишка куй.

- теләсә кайсы өч тупка фишкалар куй.

4.”Буталган цифрлар” уены.

VI.Рефлексия. Үзбәя.

VII. Дәресне йомгаклау.

-бүгенге дәрестә нинди сан белән таныштык?

-бу дәрес сезгә охшадымы?Светофор белән бәяләү.