Математика "7-ге көбейту және бөлу"

Сабақтың тақырыбы: 7-ге көбейту және бөлу.

Сабақтың мақсаты:

а) білімділік: Оқушыларға 7-ге көбейту және бөлуге байланысты есептеулерді меңгерту, білімдерін толықтыру, кеңейту. Білім , білік  дағдыларын кеңейту, ой-өрісін, қиялын  қабілетін  дамыту. Көбейту  кестесін  құруды, көбейтудің  ауыстырымдылық  қасиетін  пайдалануға  үйрету. Ауызша көбейту және бөлу дағдыларын дамыту.

ә) дамытушылық: Оқушылардың танымдық , шығармашылық қабілеттерін, белсенділіктерін дамыту, ақыл-ойын, пәнге деген қызығушылықтарын арттыру, өзін-өзі  тексеру  дағдысын  қалыптастыру.

б) тәрбиелік: Оқушыларды еліміздің тәуелсіздік алғалы, жеткен жетістіктерімізбен таныстыру. Отанды сүюге, әдет-ғұрып, салт-дәстүрді сақтауға тәрбиелеу. Сүйіспеншілікке, ұқыптылыққа, ізденімпаздыққа, адамгершілікке  тәрбиелеу

Сабақтың көрнекіліктері: киіз үйлер, көбейту кестесі, жеті Ата ауылы, үлестірмелі карточкалар, интерактивті тақта.

Сабақтың түрі: Бекіту сабағы, саяхат сабақ

Сабақтың әдісі: ойландыру, сұрақ-жауап, өрнек құру, ой шақыру.

Пәнаралық байланыс: математика, дүниетану.

Сабақтың барысы:

I . Ұйымдастыру. Оқушыларды  сабаққа  даярлау, сыныптың  сабаққа  даярлығын  тексеру, оқу  құралдарын  түгендеу. Оқушылардың назарын сабаққа аудару, сабақтың мақсатын түсіндіру.

Психологиялық дайындық .

Жеті бірдей өренбіз ,

Жеті шумақ өлеңбіз ,

Жеті түрлі бояумыз,

Жеті түрлі әуенбіз ,

Жеті атаны қастерлеп,

Саяхатқа шығамыз.

Мұғалім: Бүгін біз сабақ тақырыбына байланысты 7 санына тоқталамыз. 7 саны қазақта киелі сан болып, есептеледі. 7 санына байланысты не білесіңдер?

Оқушылар: 7 күн, 7 ата, 7 жұт, 7 қазына, 7 шелпек, 7 түс, 7 жетім.

«Жеті атасын білген ұл, жеті жұрттың қамын жер» дегендей, сабағымызды өздерің айтпақшы жеті атаға саяхат түрінде өткіземіз. Жеті атаны дұрыс атап шығайықшы.

1. Ата. 2. Әке. 3. Бала. 4. Немере. 5. Шөбере. 6. Шөпшек. 7. Немене.

• Бірінші ауыл қандай ауыл екен?

• «Ата ауылы» екен.

• Ата ауылына жету үшін біз мына тапсырманы орындауымыз керек екен.

«Ата ауылы».

II . Үй тапсырмасын тексеру.

( 7-ге көбейту мен бөлу кестесіне берілген математикалық жұмбақтарды шешеді. Мәндері жазылып тұрады. Дұрыс жауаптың астына сол өрнектің бойындағы әріпті жазады) 1-слайд

28

7

3

42

56

49

8

14

10

8

6

-

1

42

56

42

49

28

42

5

8

Т

ә

у

е

л

с

і

з

д

і

к

б

е

л

е

с

т

е

р

і

Т 7*4 л 7*8 з 7*2 б 7:7

ә 49:7 с 7*7 д 70*7 е 7*6

у 21:7 і 56:7 к 42:7 р 35:7

III. «Мағынаны тану»

• Биыл біздің Еліміздің Тәуелсіз Мемлекет болғанына неше жыл толды?

• 22 жыл

• Ата-бабамыздың көптен аңсаған арманы Тәуелсіз мемлекет болу еді. Осы арманға жеткелі 22 жылдың жүзі болған екен. Енді әрі қарай әке ауылына жол тартайық.

- Тәуелсіздік алғалы еліміздегі болған жетістіктерді саяхат барысында әр ауылға жеткенде біліп отырамыз.

• Бірақ оған жету үшін мына тапсырманы орындау керек.

(2-слайд) Бос орынға тиісті санды қой.

- Дәптерімізді ашып күнді, сыныпта №1 жазайық

Көбейтудің белгісіз компоненттерін табу.

1. Белгісіз бөлінгішті табу.

2. Белгісіз бөлгішті табу. (ережелерін түсіндіре отырып шығарады)

Осы өрнектердегі екі таңбалы сандардың бірліктерін анықтайықшы.

- 1,9,9,9

- Бұл сан қалай оқылады?

- 1991 саны шықты

- 1991 жылы Қазақстанда қандай жаңалық болғанын әке ауылынан білейік

Оқушы: 1991 жылы 1- желтоқсанда Н.Ә. Назарбаев ҚР – ның тұңғыш Президенті болып сайланды.

• Келесі ауыл қандай ауыл?

• «Бала ауылына» саяхатымызды жалғастырамыз.

(топтық жұмыс)

4 - 4- тен тақтаға оқушыларды шығарып екі топ құраймын. Олар жарыса отырып, белгісіз санның орнына қатарындағы тұрған сандарды қойып, өрнек құрып, мәреге бірінші болып жетуге тырысады. Орындарында отырған қалған оқушыларға үлестірмелі карточкалар таратылып беріледі. (мәндері карточкаларда болады)

№2 Кестені толтыр

с

5

7

9

3

с·6

с·7

k

6

18

12

24

k:3

k:6

Орындарында орындап отырған оқушылардың жұмыстарының бірнешеуін оқыту. Тақтадағы орындалған жұмысты талдаймыз. Мәреге бірінші болып жеткен оқушылар мәреге ту қадайды.

Балалар, ҚР-ның туынан басқа қандай рәміздер бар екенін кім айтады? Толығырақ «Бала ауылынан» білейік.

Оқушы: ҚР Мемлекеттік рәміздері ТУ, Елтаңба, Әнұран. Рәміздер туралы заңға 1992 жылы 4 маусымда ҚР Президенті қол қойды.

- Ал Қазақстанда елімізді дүр сілкіндірген қандай спорттық жарыс болып өтті. Оны келесі «Немере ауылынан» білейік.

Оқушы: Астана мен Алматыда 7- қысқы Азия ойындары өтті.

- Сендер де балалар әрдайым спортпен шұғылданып жүрсеңдер мықты, күшті болып өсесіңдер. Қазір бір сәт орнымыздан тұрып, сергіп алайық.

Сергіту сәті

Ал балалар тұрайық,

Алақанды соғайық.

Алға қарай бір адым,

Артқа қарай бір адым.

Жоғары, төмен қарайық,

Орнымызды табайық.

• Жақсы балалар, ендеше барлығымыз тақтаға назар аударамыз.

Есеп шығару: (4-слайд)

Қысқы спорттық жарысқа әрқайсысы 4 адамнан 7 шаңғы командасы және әрқайсысы 8 адамнан 4 биатлон командасы қатысты. Жарысқа барлығы неше адам қатысты? Шаңғышыларға қарағанда биатлоншылардың нешеуі артық?

Есепті талдау. (есеп не туралы? Шаңғы командасы, биатлон командасы қатысқаны туралы. Түсінік бере кету. Есепте не белгілі? Не белгісіз? Нені табу керек? Ол үшін не істейміз?)

Тақтаға үш оқушы кезектесіп шығып шартын, сұрағын, шешуін, жауабын жазады.

Дәптерге №5 орындау

Ж. Әрқайсысы – 4 а.- 7 ш.к.

Әрқайсысы - 8 а. – 4 б.к. ? артық

Барлығы - ? а.қ.

Ш: 1. (4*7) + (8*4)=28+32= 60 (а.)

2. 32-28=4 (б.артық)

Ж:1) Барлығы 60 адам қатысты.

2) Биатоншылардың 4-еуі артық.

Келесі сапарымыз «Шөбере ауылы». Ол ауылға жету үшін «Ұшақ» құрастырып, қалдықпен бөлуді орындап, шыққан нәтижені тексеру керек. (ұшақ бөліктерінің артында өрнектер жазылып тұрады.

№8

22:7=3(қалд.1)

Тексеру: 7*3+1=22 осылайша оқушылар үш бағанын түсіндіре отырып шығарады.

• Ұшақ не үшін қажет?

• Оны «Шөбере ауылынан білейік»

( 5- слайд) Оқушы: Көптеген жастарымыз шет елдерде білім алуда. Ондай алыс жерлерге – ұшақпен жетеді.1991 жылы қазан айында тұңғыш қазақ ғарышкері Т. Әубәкіров ғарышқа ұшты.

Келесі ауыл «Шөпшек ауылына» кідіріп сабағымызды қорытындылап алайық. Бүгінгі сабақ сендерге ұнады ма? Несімен ұнады?

• Бүгінгі сабақ ерекше өтті.

• Жеті киелі сан екенін, жеті атаға саяхатқа шығу барысында ҚР –ның жетістіктерін білдік.

• 7-ге көбейту және бөлуге байланысты есептер шығардық, өрнектер құрдық.

Ең соңғы «Немене ауылына» да келіп жеттік. Осы ауылдан үй тапсырмасын алайық.

Түсіндіре ұсыну №8 (3, 4 баған.), №4 есеп амалдардың орындалу ретіне байланысты тапсырма 130, 131 бет.

- Осымен саяхат сабағымыз да аяқталды. Сабаққа қатысқан оқушыларды атап бағалау.