Математика пәні "Қосу .+таңбасы"

09.12.2016ж                          

                                                       Математика                                    

Сабақтың тақырыбы:   Қосу.  0-5 сандары. "+" таңбасы.

Сабақтың түрі:  Жаңа сабақ

Сабақтың әдісі:  сұрақ-жауап, түсіндіру, жапсыру,  есептеу.

Мақсаты:

 Білімділік:   Қосу амалының  мәнін түсіндіру; "+"  таңбасын қолданысқа енгізу; қосу амалдарын құрастырып, жазуды үйрету; алғашқы бестіктегі сандардың  нумерациясын  пысықтау;

Дамытушылық: балалардың зейінін, кеңістікте ойлау қабілеті мен  есте  сақтау қабілетін дамыту;

Тәрбиелік: бір-біріне көмек қолын созуға  тәрбиелеу.

Көрнекілігі:   №1 жұмыс дәптері, дем.материалдар, кеспе сандар, құрастыратын аққала.

Сабақтың барысы:

І.   Ұйымдастыру кезеңі.

Жылулық шеңбері.

- Балалар, бізде қазір қандай жыл мезгілі?

- Дұрыс. Қыстай күн қандай болады?

- Бізге қандай мереке келе жатыр?

- Жаңа жылда біз нені безендіреміз?

- Сендер тонған шығарсыңдар. Жылынып алайық па?

- Ендеше, барлығымыз шыршаның  жасап жатқан жаттығуына қарап, қайталайық.

ІІ.    Жаңа сабақ мазмұны.

- Балалар, біз осы сабаққа дейін қандай сандармен және қандай таңбамен таныстық?

- Қане, кім сандарды ретпен қойып шыққысы келеді?

- Ал енді, осы сандарды кері санау арқылы  қойып шығайық.

- Балалар, қыс кезінде біз қардан не жасаймыз?

- Ал енді аққаланы біз де жасап көрейік.  Аққаланы өткен сандарды қайталай отырып, бөліктерден құрастырамыз.  

          

 

 

 

 

- Балалар, бүгін біз сендермен "+" таңбасымен танысамыз және 0-5 сандарды қосып үйренеміз.

1+1=2                3+1=4

2+1=3                4+1=5           

0+1=1                0+3=3  

Дәптермен  жұмыс.

Дәптерді ашып,   №1 тапсырманы орындайды.

Цифр мен таңбалардың көмегімен жаз.

 Сергіту сәті:  

 Кез-келген санды көрсетіп, қимыл-қозғалысты айтамын.

№2 тапсырма.

Суреттерді сәйкес жазбалармен біріктір.

"Санды суреттер" ойыны.

Суретті кеспелерді таратамын. Өзім кез-келген санды көрсеткенде, балалар санға сәйкес кеспені көтереді. Мысалы: 3 санын көрсеткенде 3 зат салынған суретті көрсетеді.

ІІІ  Қорытынды.

- Бүгінгі сабақта не істедіңдер, балалар?

- Қандай таңбамен таныстыңдар?

-  Ол нені білдіреді екен?

- Сендерге сабақ ұнады ма? Ендеше әркім өздеріңнің көңіл-күйлеріңді осы смайликтер арқылы білдіріңдер.

Балаларды мадақтаймын.

Тексерілді:                       09.12.2016ж