Математика пәнінен ашық сабақ: «Артық», «кем», «тең» ұғымдары

                     Ивановка   негізгі   мектебі

                       Ашық  сабақ

               2015-2016  оқу  жылы

Пәні:   математика

Тақырыбы:  «Артық»,  «кем»,  «тең» ұғымдары

Класы:  1

Мұғалім:  Буркутбаева  Г.Б.

Тақырыбы:   «Артық»,  «кем»,  «тең» ұғымдары

Мақсаты: 

Білімділік:  «Артық»,  «кем»,  «тең» ұғымдарын  түсіндіру. Салыстыра, талдай  білуге, өз  ойларын  толық  жеткізе  білуге  үйрету.

Дамытушылық:  Математикалық  тілдерін,  ойлау, есте сақтау  қабілеттерін  дамыту.

Тәрбиелік: Ұқыптылыққа,  бір-біріне деген  достық  қарым  қатынасқа  тәрбиелеу.

Көрнекілігі:  цифрлар,  геометриялық  фигуралар, стикерлер,  заттық  суреттер,  үлестірмелі  құралдар, оқулық, дәптер.

Сабақтың  түрі:  жаңа  білім беру сабағы

Сабақтың  әдісі:  түсіндіру,  көрсету, сұрақ-жауап, салыстыру, ойын, қызығушылығын  ояту.

                                   Сабақтың  барысы:

1.Ұйымдастыру:  Амандасу.  Оқу  құралдарын  түгелдеу.  Зейіндерін сабаққа  аудару.

2.Психологиялық  дайындық:  

-         Қазір  қандай сабақ?

-         Сабаққа  дайынбыз ба?

-         Көңіл – күйлеріңіз  қандай?  Көрсетіңіздерші.  (Смайликтер алу,  қолдарымен көрсету)

-         Ендеше,  мен де сіздерге  жағымды көңіл-күй,  сәттілік  тілеймін.

3.Мақсат қою:  Сабақтың  мақсатын,  тақырыбын  хабарлау.

4.Қызығушылығын  ояту:

- Бүгін  күн  сәулесі  жарқырап тұр. Айнала тыныш.  Аулада бір тауық  балапандарын  ертіп,  жайылып  жүр.

- Қараңдаршы,  тауық нешеу,  балапандары  нешеу.

- Қайсысы көп?

- Қалай  білдіңдер?

(Тауықтың, балапандардың  даусы,  түлкінің даусы)

-         Ой, балалар,  қу  түлкі  аңдып жүріп  балапандарды  алып  кетті.  Тауыққа  көмектесу керек.  Балапандарды  құтқарайық.  Ол  үшін  түлкінің  тапсырмаларын  орындап,  балапандарды  сұрап аламыз. 

-         «Балапандарды  құтқарайық»  ойыны. 

Дидактикалық  мақсаты:  Өткен  тақырыптарды пысықтау, жаттығулар орындай отырып,  жарыса есептеу.

Керекті  құралдар:  тауықтың және  балапандардың  суреттері,  карточкалар,  түлкінің  суреті.

-         Балалар,  түлкі бізге  тапсырмалары бар  сандықша  беріп жіберіпті. Кілтін ашсақ,  ішіндегі  тапсырмаларды орындаймыз.

5.     Өткен  тақырыпты  қайталау:

(Бір оқушы тақтада,  қалғандары  орындарында орындайды)

1.     Ауызша  санау:  10-ға дейін, керісінше  санау.

2.     «Көршісін тап»  ойыны: 

Мақсаты:  Сандар  қатарын  пысықтау.

1, ---,  3,  ----, 4;          ----, 2, ----;           ------4 ------   ------ 2--------

( Бір балапанды  құтқардық)

3.     Қосу, азайту  амалдарының  компоненттері: 

А) Екі  қызыл алма,  бір сары  алма  алыңыз.  Барлығы нешеу  болды. Осыны  цифрмен  жазайық:  2+1=3  Қалай оқылады?

-         Бірінші  қосылғышты  ата.

-         Екінші  қосылғышты  ата.

-         Қосындының  мәні қайсы?

ә)  Төрт  көк алма  алыңыз,  одан  үш  алма алып  тастаңыз.  Нешеуі  қалды?  Осыны  цифрмен жазайық:  4-3=1       Қалай оқылады?   

- 4  дегеніміз  не?

-3  дегеніміз  не?

-  Айырманың  мәні қайсы?

( Екі  балапанды  құтқардық)

2.  Өздік  жұмыс:   (Сандықшадан  тапсырманы  алу)

3,  4  сандарының  құрамы:  (карточка)

2+2 =             4-1=         2+1 =         3-1=        

( Үш   балапанды  құтқардық)

4.     Жаңа  сабақ:   (Сандықшадан  тапсырманы  алу)

А)  Екі  тіктөртбұрышты салыстыру:

-  Фигуралар  қалай аталады?

- Қандай ұқсастықтары  бар?

-  Қандай  айырмашылықтары  бар?

ә) Үлестірмелі  құралдармен  жұмыс:      

-Өрікті  алыңдар,  алмұртты  алыңдар?  Не  байқадыңдар?

-  Қайсысы  артық, қайсысы  кем?  Қалай  білдіңдер?

- Әр  жеміске  сәйкес  келетін  цифрды  алыңдар. 

- Сандардың  «Артық»,  «кем»  белгілейтін  таңбалар  бар.  (Таңбаларды  көрсету).

-Таңбаларды қояйық.

  -  Үш  сары қонжық алайық,  осыған тең  көк  қонжық  алыңдар.  Неше  қонжық  алдыңдар?

Осыған  сәйкес  цифрларды  алыңдар.  Арасына  қандай  таңба  қоямыз?

( Төрт   балапанды  құтқардық)

СЕРГІТУ  СӘТІ

     Қоян шықты далаға

     Жан -жағына қарады

     Жүгірді, секірді

     Орнына отырды

5.     Оқулықпен  жұмыс:

№1.

Не артық  кружка  ма, тарелка ма?

НЕ  кем  қасықтар ма,  тәрелкалар ма?

Шанышқылар ма  пышақтар ма?

№2

Салыстыр.

3*4      3*2     3*3      2*3          2*2         1*2     2*1        1*3   

№3 Фигураларды  ата. Кесінділерді  өлше.

№4

Артық  фигураны   тап.  Өз  таңдауыңды  түсіндір.

( Бес   балапанды  құтқардық)

6.     Дәптермен  жұмыс:

А)  Көркем  жазу  минуты:

        >   <    =

     1 2 3 4

№2

3*4      3*2     3*3      2*3          2*2         1*2     2*1        1*3   

№3 

Суретін  сал  және  салыстыр

№4  

Саны  бойынша  тең фигураларды боя.

( Алты  балапанды  құтқардық)

 СЕРГІТУ  СӘТІ:

7.    Сабақты  қорытындылау:

Рефлексия:

-         Саған  сабақ  ұнады ма?

-         Сабақ   қызықты  болды  ма?

-         Қай  тапсырма оңай  болды?

-         Қай  тапсырма  қиын болды?