Күні: 09.02.2016 пәні: математика
Сабақтың тақырыбы: Фигуралар 29-сабақ
Сабақтың мақсаты:
Балалардың нүкте, сызық, түзу, кесінді туралы түсініктерін қалып-тастыру. Нүкте қою, сол нүктемен бірнеше түзу жүргізіп, нүктелерді қатар-қатар жиілетіп қойып, түрлі сызықтар салғызып, кесіндінің пайда болуын түсіндіру. Геометриялық фигуралардың әрқайсысының қабырғалары кесінділерден (әр түрлі) тұратынын ұғындыру.
Сабақтың барысы:
I. Ұйымдастыру кезең.
II. Сабақтың мазмұны. Нүкте. Сызық. Түзу.
Сабақ жазықтық ұғымын түсіндіруден басталады. Партаның беті, еден, алдарындағы қағаздың беті, т.б. жазықтық екені түсіндіріледі.
Практикалық жұмыста қолдарына қалам алып, алдарындағы қағаздың бетіне ұшын тірейді. Қаламды көтереді. Не пайда болды? (Нүкте). Енді сол нүктеге жанастырып бірнеше нүктелер салыңдар. Не пайда болды? (Kөп нүкте. Сызық).
Сызықтың түрлері: түзу, қисық, сынық.
1-тапсырманы орындау. Фигуралар қандай белгісі бойынша топтастырылған?
Жіпті алып партаның бетіне тастайды. Қандай сызық пайда болды? (Қисық сызық). Жіпті екі ұшынан ұстап көреді. Не пайда болды? (Түзу сызық). Сызғышпен таныстырып, қағаз бетіне бір нүкте белгілеп, сол нүкте арқылы түзу сызық жүргізіледі. Тапсырма бірнеше рет қайталанады. Бір нүктеден сансыз көп түзу жүргізуге болады деген тұжырым жасалады. Суреттегі түзулер, сымдар жайлы әңгімеленеді.
Қарындаш тапсырмасында берілген нүктелермен түзулер жүргізу тапсырылады. Сабақта нүкте, сызық, сызық түрлері, түзу, бір нүктеден түзу жүргізу туралы мағлұмат беріледі.
Бір үйден екінші үйге жету үшін ең қысқа жолға түсу. Жолдардың қандай екенін айту.
2-тапсырманы орындау.
Балалардың шығармашылық қабілетін дамыту үшін тақырыпқа сәйкес ерікті жұмыс түрлері тапсырылады.
Екі нүкте арқылы түзу жүргізу
Балалардың алдына бір-бір парақ беріліп, оның бетіне екі нүкте белгілетіп, сол екі нүктені бастыра түзу жүргізеді. Осы екі түзуді бастыра тағы басқа түзу жүргізіледі. Екі түзу бір-бірімен беттескенде екі нүктеден бір ғана түзу пайда болады, — деп тұжырымдайды.
Сергіту сәті: Қарғалар
Тапсырмада екі нүктені бастыра жүргізілген түзулерді үстінен ба-стырып тағы түзу жүргізуге болатынын екі нүкте арқылы бір түзу жүргіздік деген тұжырым нақтыланады. Бір нүкте арқылы жүргізілген түзулердің үстінен тағы түзулер жүргізіп, бір нүкте арқылы сансыз көп түзу жүргізуге болады деген тұжырымды тағы бір рет қайталайды. Оқулықта берілген суреттерге сәйкес есеп құрастырылады. Мысалы: 5+2=7, 5-2=3, т.е.с.
3-тапсырманы орындау. Есеп құрастырамыз және шығарамыз.
4-тапсырманы орындау.
Қарындаш тапсырмасы берілген нүктелерді (түсіне қарай, екі қара, қара, кек) бастыра түзу жүргізу тапсырылады.
Кесінді
Кесіндінің пайда болуын практикалық жолмен меңгертеміз. Ұзын жіпті (арқан) алып, екі балаға керіп ұстатып, сол түзу жіптен кесінді кесіп алады. Алынған жіптің кесіндісі арқылы оның ұзындығының белгілі бір өлшемі бар екендігін түсіндіреміз.
Оқулықта көрсетілген шаршының қабырғалары өзара бірдей 4 кесіндіден; үшбұрыштың қабырғалары 3 кесіндіден; балтаның қабырғалары 6 кесіндіден; қарға түяқтың қабырғалары да 6 кесіндіден тұратындығын балаларға үйрету. Кесіндінің ұзындығын циркульдің көмегімен өлшеп салыстыру жұмыстары жүргізіледі. Сол сияқты үшбұрыш, шаршы, тұмарша, ботакөздердің әрқайсысының қабырғалары неше кесіндіден тұратындығы анықталады. Берілген геометриялық фигуралардың орнын ауыстыру әрекетінің алгоритмін балалардың өздеріне тапсыру. (Үшбұрыш бірінші токөзге ауыстырылды, оның орнына шаршы ауысты). Бұл сабақта кесінді туралы ұғыммен, дәлдікке үйрету көзделеді.
Тексерілді:
Күні: 09.02.2016 пәні: дене тәрбиесі
Тақырыбы: Серіппелі адыммен орындалатын жалпы дамыту жаттғулары
Бағдарлама мазмұны: музыкаға сәйкес жүгіруге, қол шапалақтап, аяқты тарсылдатып жүруге; музыкаға сәйкес жануарлардың қимылын бейнелей жүруге, жүгіруге жаттықтыру.
Допты қабырғаға соғып, қол шапалақтап, ыршығын допты қағып алуды; жүгіріп келіп биіктікке секіруді; гимнастикалық орындық, бөрене үстімен аяқты-аяқтың алдына қойып жүруді; түзу сызық бойынша оң аяқпен секіруді; айналып тұрған секіртпе астынан жүгіріп өтуді үйрету.
Қолданылатын құрал-жабдықтар: доп, биіктігі жайлы орындық, гимнастикалық орындық, секіртпе, кішкене орындықтар.
І бөлім. Бір қатар сап түзеп тұру, дене түзілісін бақылау және түзілу. Бір-бірден тізбекке тұру. Бір тізбекті сапта жүріп, құм толтырылған дорбашаны біресе алдына ұстап, біресе артына ұстап жүру; орындықта отырып, өкшені еденге қойып, башпайларды бүгу, жазу. Бір қатарға тұру.
ІІ бөлім. Серіппелі адыммен орындалатын жалпы дамыту жаттғулары
Б.қ. – негізгі қалып, қолды төмен түсіріп түзу тұру. 1 – екі қолды екі жаққа жайлап соза жоғары көтеріп, қолға қарау, дорбашаны сол қолға ауыстыру; 4 – б.қ.-қа келу. Осылайша сол қолмен орындау. (6-8 рет).
Б.қ. – аяқты сәл алшақ қойып, қол белде ұстап тұру. 1 – басты имей, алға қарай еңкею; 2 – б.қ.-қа келу. (6-8 рет).
Б.қ. – малдас құрып отыру, қолды белде (дорбашаны басқа қойып қояды. 1 – оңға бұрылу, 2 – артқа бұрылу; 3 – б.қ-қа келу. Осыны сол жақпен орындау. (Әр жаққа 4 реттен).
Б.қ. – еденде малдас құрып отыру, қолды белге қою; дорбаша алдыда алыстау жерде тұрады. 1 – алға иіліп, дорбашаны оң қолмен алу; 2 – оң қолды арт жаққа жайлап соза, дорбашаны арқаға тығып ұстау; 3 – б.қ.-қа келу. Осылайша сол қолмен орындау (6-8 рет).
Б.қ. – н.т. қол белде, дорбашаны басқа қою. Тепе-теңдік сақтап, сәл отыру; 2 – б.қ. қолды алға созу. (4 рет).
Б.қ. – н.т. қол төмен, дорбашаны басқа қою. 1 – оң аяқты артқа, қолды шетке созу. 2 – б.қ. 3 – сол аяқты артқа, қолды шетке созу. 4 – б.қ. (6 рет).
Дорбаны басқа қойып, бір тізбекті сапта жүру.
Негізгі қимыл-қозғалыс жаттығулары.
«Ізбен жүгіру», «Мені қуып жет», «Түйілген шыт», «Аңшылар мен қояндар» қимыл-қозғалыс ойындары.
ІІІ бөлім. Қорытынды бөлім.
Қимыл-қозғалысы аз «Ұшты-ұшты» ойыны ойнатылады, тыныс алу жаттығулары орындалады.
Тексерілді:
Оставьте свой комментарий
Авторизуйтесь, чтобы задавать вопросы.