«Білімді
ұрпақ – ел тірегі» атты математикалық сайыс
Божбанова
Алмагуль Балапановна
№68
МИББ кешені, Қарағанды қаласы
Математика
пәні мұғалімі
Мақсаты: Оқушылардың
математикадан алған білімдерін тереңдету, ой – өрісін кеңейту, шығармашылықпен,
өз бетімен жұмыс істеу қабілетін арттыру.
Дамытушылығы:
Оқушылардың
пәнге қызығушылығын арттыра отырып, есте сақтау қабілетін дамыту арқылы өз ойын
жеткізе білу дағдысын қалыптастыру.
Тәрбиелігі:
Оқушыларды ұйымшылдыққа, тапқырлыққа, жауапкершілікке тәрбиелеу.
Өту түрі: Топтық
сайыс.
Көрнекілігі: слайд,
теледидар
Өткізілетін
орны:
Конференция залы
(музыка
ойнап тұрады, ойыншылар өз орындарына отырғызылады)
Жүргізуші:
Қош
келдіңіздер, қадірлі ұстаздар, әділқазылар және оқушылар!
Асыл
тастан, өнер жастан
Шығады
деп дарынды.
Халық
айтса қалт айтпайды,
Әрқашанда нанымды, - деп Абай атамыз айтқандай 6 –7 сынып оқушылары арасында
өткелі отырған «Білімді ұрпақ – ел тірегі» атты математикалық сайысымызды
бастаймыз.
«Халықтың
кемеліне келіп өркендеп өсуі үшін ең алдымен азаттық пен білім қажет» - деп
Ш.Уәлиханов, «Ғылым майданының қатардағы жауынгері тек үнемі оқу, іздену,
талпыну, тану, өмір мектебінен өту арқылы ғана оны ірі қайраткер дәрежесіне
дейін көтереді» - деп Қ.Сәтбаев айтып кеткендей болашақтың тірегі тек білімді
жастар екені даусыз.
(Ақпараттық
тақтада слайдпен ұлағатты сөздер жазылып, көрсетіледі)
Жүргізуші:Бүгінгі
сайысымызға 6- кластан 8 оқушыдан құралған «Замандас», 7- кластан 8 оқушыдан
құрылған «Құрыш» тобының балалары қатысады.
(Ақпараттық
тақтада слайдпен топтарға анықтама беріледі)
Жүргізуші:Математикалық
сайыс - бұл еңбек. Сондықтан сайыс кезінде өте ұқыпты, ойларың жинақталған
болу керек және тәртіп сақтағандарың жөн.
Шеберлікті,
білімді
Сараптап
сіздер көріңіздер
Әділқазы
алқасы
Әділ баға
беріңіздер! - дей отырып сайыскерлеріміздің біліміне баға беретін әділ қазылар алқасымен
таныстырайық:
-
Кешен
математика пәні мұғалімі
-
Инфарматика
пәні мұғалімі
-
8
класс оқушысы
-
8
класс оқушысы
Ойынға қатысушы
команда мүшелеріне сәттілік тілейміз.
(музыка
ойнайды)
Енді
бүгінгі сайысымыздың жоспарымен танысыңыздар.
Сонымен: (Кезеңдер
теледидардан слайдпен көрсетіледі)
І кезең – Бой
сергіту (Командаға
1 минут уақыт беріледі, сұрақтар бойынша әр оқушы ұпай жинайды. 10 сұраққа -10
ұпай)
ІІ кезең –
Пингвиндер сайысы (Әр тақтаға үш-үштен есептер жазылады. Әр сайыскер
аяғына допты қыстырып алып, түсірмей есептерді шығарады да допты келесі
ойыншыға береді. Әр топтан 3 адам, қай топ жылдам аяқтайды, сол жеңеді. 10 ұпай)
ІІІ кезең
– Анықталмаған математикалық объект «Сыр сандық
құпиясы».
(Құпиялы
жәшікте математикамен байланысты кез келген зат жатады. Анықталмаған
математикалық объектілердің сипаттамасы бойынша оны тауып, атын айту керек. Әр
командаға 2 тапсырмадан, әр сұрақ 2 ұпайдан.)
ІҮ кезең
- Ойымды жалғастыр. (Әр топ мақал-мәтелдерді жалғастыру
керек. 1 сұрақ -1 ұпай. Қай команда бірінші бағалау жетонын көрсетсе, сол
бірінші жауап береді. )
Ү кезең
- Тапқырлар сайысы (Бұл турда логикалық сұрақтар
қойылады. Жауап нақты, дұрыс болу керек. Дайын болған команда жауабын айтады.
Әр дұрыс жауап - 5 ұпай)
Жүргізуші:Әділқазы
алқасынан әр кезең бойынша жеке-жеке бағалау сұралады.
Дайын
болсаңыздар сайысымызды бастаймыз:
І кезең – Бой
сергіту
І топ:
«Замандас» командасына сұрақтар
1. Алымы
бөлімінен үлкен бөлшек (бұрыс бөлшек)
2. Ең үлкен
үш таңбалы сан (999)
3. Кесіндіні
өлшейтін құрал (сызғыш)
4. Сәуленің
ұшы бола ма (иә)
5. Шеңбердің
нүктесін центрімен қосатын кесінді (радиус)
6. Барлық
қабырғалары тең төртбұрыш (шаршы)
7. Тік
бұрыштан кіші бұрыш (сүйір)
8. Ең кіші үш
таңбалы сан (100)
9. Санның
жүзден бір бөлігі (процент)
10. Бұрышты өлшейтін
құрал (транспортир)
ІІ топ:
«Құрыш» командасына сұрақтар
1. Бір жылда
неше тәулік бар (365)
2. Берілген
фигуралардың қабырғаларының қосындысы (периметр)
3. Дөңгелектің
ең үлкен хордасы (диаметр)
4. 5 ке
қарама-қарсы сан (-5)
5. Екі
қатынастың теңдігі (пропорция)
6. Бір
нүктеден шығып екі сәуледен құралатын фигура (бұрыш)
7. Ең үлкен
уақыт өлшемі (ғасыр)
8. Ең кіші
натурал сан (1)
9. Қосудың
нәтижесі (қосынды)
10. Бірлік кесіндісі
берілген сәуле (координаталық сәуле)
Жүргізуші:Әділқазы
алқасынан ұпай саны сұралады
ІІ кезең –
Пингвиндер сайысы
І – топ
1) 3,8+1,5+2,5 =7,8
2) 50+11−84 =−23
3) 6,9−2,6−2,3 =2
ІІ – топ
1) 3,2+0,8+5,7 =9,7
2) 27+53−94 =−14
3) 4,8−2,6−1,2 =1
ІІІ кезең – Анықталмаған
математикалық объект «Сыр сандық
құпиясы».
«Замандас»
командасына . Мен оқимын, тыңдаңыздар:
Анықталмаған
математикалық объектінің 1-ші сипаттамасы – Ежелгі Грецияда
бұл затты қолдана білу дамудың жоғарғы сатысы болып есептелді, ал оның көмегімен
есептерді шығара білу оның қоғамдағы орнының және ақылының жоғары екенін
көрсетті. Осы зат туралы жұмбақ та шығарылған «Шекер жейтін аққұтан,
Бір қазыққа
байланды.
Аузына тістеп
шекерін,
Оң қазықты
айналды» (циркуль)
«Құрыш»
командасына Анықталмаған математикалық объектінің 1-ші
сипаттамасы Бұл зат заман
талабы. Оны кішірек сыныптың оқушылары қызық көріп аналарына сатып алғызады. Ал
жоғарғы сынып оқушыларына ол өте қажет. Оны олар уақытты үнемдеу үшін, ал кейде
білмейтін бірдеңені тауып алу үшін қолданыланы. Бұл не?
(компьютер)
«Замандас»
командасына Анықталмаған математикалық объектінің 2-ші сипаттамасы: Бүлдіршіндер
сұрағы: «Бұл – басы да, ұшы да жоқ, бір қызық, әдемі фигура. Бұл фигура
барлық жерлерде қолданылады: тұрмыста, техникада, т.б. салаларда. Егер оның
бойымен жүрсең, қанша жүрсең де бәрібір шыққан жеріңе қайтып ораласың. Оны тағы
да катерлерде, үлкен кемелерде кездестіруге болады. Онда ол
«құтқарушы» деп аталады. Бұл не?»
(дөңгелек)
«Құрыш»
командасына
Анықталмаған
математикалық объектінің 2-ші сипаттамасы Бұл зат әр
оқушыға қажет. Тіпте, мектепке әлі бармайтын бүлдіршіндер оның болғанын
ұнатады. Жоғарғы сыныптың оқушыларында ол көп болады. Мұғалімдер оларды
үйлеріне әрлі – берлі тасып әлек.
«Тілі
бар, үні жоқ,
Өзін адам түсінген.
Жүрегі бар да, қаны жоқ
Сөйлеп тұрған ішінен.» Бұл не?
(кітап)
-
Әділқазы алқасынан ұпай саны сұралады
ІҮ кезең
- Ойымды жалғастыр (житон көтереді)
1. Жеті
жұрттың тілін біл, (жеті түрлі білім іл)
2. Білекті бірді жығар, (білімді мыңды жығар)
3. Екі жақсы қас болмас, (екі жаман дос болмас)
4. Досыңды үш күн сынама, (үш жыл сына)
5. Бір елі ауызға – (екі елі қақпақ)
6. Жүз сомың болғанша, (жүз досың болсын)
7. Отыз тістен шыққан сөз, (отыз елге тарайды)
8. Білгенің бір тоғыз, (білмегенің тоқсан тоғыз)
9. Бір кісі қазған құдықтан, (мың кісі су ішеді)
10. 1 тал кессең, (10 тал ек)
11.
30
күн оразаның
(1 күн
айты бар)
- Әділқазы алқасынан ұпай саны сұралады
Ү кезең.- Тапқырлар
сайысы (логикалық есептер)
1. 9 қабатты
ғимараттың 9-шы қабатында бір бала тұрады екен. Бұл балаға досы қонаққа келе
жатып, лифтке мініп 6-қабатты басып, 6-шы қабаттан түсіпті, қалған 3 қабатқа
баспалдақпен жаяу көтеріліпті, не үшін?
Жауабы:
Бойы қысқа болғаны үшін. (одан жоғарыны басуға қолы
жетпегені үшін)
2. Атасы
баласына: 12 түйе, 10 жылқы, 9 сиыр, 1 ешкі, 1 мысық, 3 түлкі. Таба алмасаң бұл
күлкі – деп жұмбақ айтады. Бәрі 144 екен дейді, - баласы. Сонда шал күліп
жіберген екен. Шал баласынан нені сұраған екен?
Жауабы:
(аяқтарының саны)
3. 3 адам
ортадан ақша шығарып 30 теңгеге нан алдырмақшы болыпты. Әрқайсысы 10 теңгеден
шығарып, кішкентай баланы нанға жұмсап жібереді. Бала нанды 25 теңгеге сатып
алады. Наннан артылған 5 теңгенің 2 теңгесін өзіне алып, қалған 3 теңгені үш
адамға бір-бір теңгеден бөліп береді. Бұл кісілер басында 10 теңгеден берген
еді. 1 теңгені қайтарып алғанда 9 теңге берген болады. 3 адам 9 теңгеден
бергенде үшеуінің қосындысы 27 теңге болады. Баладағы 2 теңгені де қосқанда 29
теңге болады. Сонда бір теңге қайда кетті?
Жауабы: Баладағы 2
теңге 27-нің ішіндегі ақша, 27-ге адамдардағы 3 теңгені қосқанда 30 болады
4. Патша өте дәмді
және мінсіз етіп сорпа пісіртеді. Бірақ патша бұл сорпада бір кемшілік бар
дейді. Зындандағы тұтқынға бір кесе сорпа құйдырып бір ұрттатады да «Егер осы
сорпаның несі кем екенін тапсаң сені босатамын» дейді. Тұтқын патшаға сорпаның
несі кем екенін айтып бостандыққа шығады. Сұрақ: сорпаның несі кем еді?
Жауабы: Тұтқын
сорпаны ұрттағанда бір ұрттамы кеміген еді. Соны айтып бостандыққа шығады.
-
Әділқазы алқасынан ұпай саны сұралады
(Ү
кезеңдегі тапсырма орындалғанша көрермендермен ойын өткізіледі)
Көрермендермен
ойын: «Жұмбақ шешу»
1) Дүниеде
тұмсықсыз-ақ келеді,
дегенменен тұмсығынан өледі. (қарындаш)
2) Жоқ өзінде
бас та, қас та, мойын да.
Ұзындығы
жазылып тұр бойында. (сызғыш )
3) Нәрселерді
санағанда,
Керек ол бізге ауадай,
Айтыңдаршы бұл қандай сан,
Жан жағаңа қарамай. (натурал сан)
4) Алды –
артымыз шексіз де,
Жете алмайсың біздерге.
Сәуле менен кесінді,
Шыққан тегін білсе де. (түзу)
5) Жүз төрт
түйме,
Он бір ине. (есепшот)
6) Нүктеден, екі
сәуледен құралған
Айтшы бұл не екенін? (бұрыш)
7) Ағаш
үстінде 100 торғай отырады. Аңшы 10 торғайды атып алады. Торғайдың қаншасы
қалады? (10 торғай).
8) Бір
жанұяның бес ер баласы және олардың әрқайсысының қарындастары бар. Жанұяның
қанша баласы бар? (6 бала)
Жүргізуші: Сайысымыз
өз мәресіне жетті. Ендеше әділқазыларға сөз кезегін береміз.
(Әділқазы
алқасы қорытындылайды. Сайысқа қатысқан оқушылар мен топтар марапатталады.)
Жүргізуші:
«Ақыл дастан, өнер жастан» шығады деп халқымыз бекер айтпаған. Өз білімдерін
көрсетіп, білім додасына түскен балаларға алғыс білдіреміз.
ЖАРҚЫ Н күнде
жүздескенше. Сау болыңыздар!
Оставьте свой комментарий
Авторизуйтесь, чтобы задавать вопросы.