«Мемлекеттік қызмет көрсету – бұл еліміздің әлеуметтік-экономикалық дамуының негізі!»

Мемлекеттік қызмет көрсету – бұл еліміздің әлеуметтік-экономикалық дамуының негізі!
 Мемлекет басшысының саясатының арқасында қоғам дамуының барлық саласында түбегейлі өзгерістер болды.

        Соның ішінде мемлекеттік органдардың тиімді жүйесі мен құрылымы жасалып, мемлекетті басқарудың ұтымды үлгісі іске қосылды.

       Қазіргі таңда заман талабына сай аталмыш жүйені жетілдіру қажеттілігі туып отыр. Халықтың мемлекеттік қызмет түрлеріне қолжетімділігін арттыру бағытында көптеген бастамалар жүзеге асырылуда және жұмыстар жүргізілуде. «Мемлекеттік қызмет көрсету - бұл еліміздің әлеуметтік-экономикалық дамуына  өте тиімді жүйе екенін айта кеткім келіп отыр. Сондықтан да  мемлекеттік органдар қызметінің тиімділігін арттыруға және аталған саланың дамуына басты назар аударуымыз қажет.

        Шынында да, мемлекеттік қызмет көрсетудің сапасы - мемлекеттік органдардың жұмысын бағалаудың басты өлшемі болып табылады. Мемлекеттік қызмет көрсету барлық саланы, соның ішінде азамат дүниеге келген кезден бастап барлық өмір сүру кезеңінде мемлекеттік қызмет көрсету бойынша мемлекетпен тығыз байланыста болатындығы белгілі. 

Мемлекеттік қызмет көрсетуші органдардың басты мақсаты азаматтардың өмір сүруіне тиісті жағдай жасау,  сонымене қатар мемлекеттік қызмет көрсету- заң аясында жүргізіліп, жемқорлыққа тұсау салынатынын айқындап берді. Мемлекеттік қызметте қағаз бастылықтан арыла алмай келе жатқанымыз рас. Осыған байланысты Елбасы халыққа арнаған Жолдауында ең әуелі рұқсат беру құжаттарының тізбесін қысқарту керектігіне тоқталды. Электронды үкіметті дамыту, халықтың компьютерлік сауаттылығын көтеру, халыққа қызмет көрсету орталықтарының қызметін жақсарту, сол арқылы мемлекеттік қызмет сапасын арттыру жөнінде көптеген  тапсырма жүктеді. Олардың орындалуы – басты назарда. Мемлекет басшысының мұндай саясаты еліміздің одан әрі өркендеуіне, халқымыздың әл-ауқатының ар-туына, сыбайлас жемқорлық көріністерінің  азаюына негіз болады деп есептеймін.

Яғни ендігі жерде мемлекеттік қызмет көрсету сапасы мемлекеттік қызметшілер жұмысы тиімділігінің басты көрсеткіші болады және ол мемлекеттік тұтынушы ретінде тікелей халыққа арналуы тиіс.

Мемлекеттік қызмет көрсетудің сапасын арттыру арқылы азаматтардың мемлекеттік органдардың қызметіне деген сенімін көтеру  маңызды.  Елбасының  айқындап берген  тапсырма, міндеттеріне сәйкес, 2013 жылдың 15 сәуір күні «Мемлекеттік көрсетілетін қызметтер туралы» Заңы қабылданды. 

        Қабылданған Заң  талаптары көрсетілетін мемлекеттік қызметтер бойынша жаңа көзқарастарды қалыптастырып, негізінен қызмет алушы  және азаматтардың құқықтары мен мүдделерін қорғауға бағытталған. Сонымен қатар, мемлекеттік  қызмет алушы көрсетілген қызмет сапасымен  қанағат тұтпайтыны, шағымдар болатынына байланысты,  олардың құқықтары мен заңды мүдделерін қорғау мақсатында Заңда көрсетілетін мемлекеттік қызмет түрлеріне шағым беру тәртібіне қатысты нормалар енгізілген. Ал мемлекеттік қызмет көрсетудің сапасына бақылау жасау мен оны бағалау ҚР Мемлекеттік қызмет істері және сыбайлас жемқорлыққа қарсы іс-қимыл агенттігіне және оның аумақтық құрылымдарына берілген.

Жалпы мемлекеттік көрсетілетін қызмет дегеніміз не?

Мемлекеттік көрсетілетін қызмет дегеніміз - көрсетілетін қызметті алушылардың өтініші бойынша жеке тәртіппен жүзеге асырылатын және олардың құқықтарын, бостандықтары мен заңды мүдделерін іске асыруға, оларға тиісті материалдық немесе материалдық емес игіліктер беруге бағытталған жекелеген мемлекеттік функцияларды іске асыру нысандарының бірі.

Мемлекеттік қызметтер көрсетудің негізгі қағидаттары:

- көрсетілетін қызметті алушылардың тегiне, әлеуметтiк, лауазымдық және мүлiктiк жағдайына, жынысына, нәсiлiне, ұлтына, тiлiне, дiнге көзқарасына, нанымына, тұрғылықты жерiне байланысты немесе кез келген өзге жағдаяттар бойынша қандай да бір кемсітушіліксіз теңдей қол жеткізуі;

-   мемлекеттік қызметтер көрсету кезінде төрешілдік көріністеріне жол бермеу;

- мемлекеттік қызметтер көрсету саласындағы есеп берушілік және ашықтық;
- мемлекеттік көрсетілетін қызметтердің сапасы мен қолжетімділігі;
- мемлекеттік қызметтер көрсету процесін үнемі жетілдіру;

- мемлекеттік қызметтер көрсету кезіндегі үнемділік және тиімділік.

       Жоғарыда атап өткендей, мемлекеттік көрсетілетін қызметті берушілер мемлекеттік көрсетілетін қызметтер стандарттары мен регламенттеріне сәйкес мемлекеттік қызметтер көрсетуге міндетті.

Мен мемлекеттік қызметтің білім саласына қатысты  тұстарының   тиімділігі мен қолжетімділігі  туралы айтып  өтсем:

1.Мысалы қазіргі таңда «Бастауыш, негізгі орта, жалпы орта білім берудің жалпы білім беретін бағдарламалары бойынша оқыту үшін ведомстволық бағыныстылығына қарамастан, білім беру ұйымдарына құжаттар қабылдау және оқуға қабылдау» мемлекеттік көрсетілетін қызмет стандарты бекітілгеннен бері ата-аналар үйлерінде отырып-ақ қаланың қай мөлтекауданында тұратындығына қарамастан қалаған білім беру мекемесіне балаларын тіркей алады. Бұл ата–аналар үшін өте тиімді және уақыт үнемдейді. Қазақстан Республикасы Білім және ғылым министрінің 2015 жылғы 8 сәуірдегі № 179 бұйрығымен бекітілді

2. «Аз қамтамасыз етілген отбасыдан шыққан балаларды қала сыртындағы және мектеп жанындағы лагерлерде демалуы үшін құжаттар қабылдау және жолдама беру»  мемлекеттік көрсетілетін қызмет стандарты

3. «Жалпы білім беретін мектептердегі білім алушылар мен  тәрбиеленушілердің жекелеген санаттарына тегін тамақтандыруды ұсыну»  мемлекеттік көрсетілетін қызмет стандарты туралы Қазақстан Республикасының білім және ғылым Министрлігінің     2015 жылғы 13 сәуірдегі №198 бұйрығымен бекітілген.

4. «Бастауыш, негізгі орта, жалпы орта білім берудің жалпы білім беретін ұйымдарына денсаулығына байланысты ұзақ уақыт бойы бара алмайтын балаларды үйде жеке тегін оқытуды ұйымдастыру үшін құжаттарды қабылдау» мемлекеттік көрсетілетін қызмет стандарты бойынша оқушыларды қабылдау туралы Қазақстан Республикасының білім және ғылым Министрлігінің     2015 жылғы 13 сәуірдегі №174 бұйрығымен бекітілген.

       Міне осы бұйрықтарды негізге ала отырып жұмыс істеудің нәтижесінде көптеген жетістікке қол жеткіздік. Қазіргі таңда цифрлы  Қазақстан барлық жұмысты жылдам, әрі тез жүргізу өте тиімді,әрі қолайлы. Оқушыларды мектепке қабылдау, мектептен шығару жұмыстары да қазіргі таңда электронды түрде жүргізіледі, бұл біздің жұмысымызды сапалы және тиімді жүргізуге өте қолайлы. Мен болашақтан үлкен үміт күтемін, мемлекетіміздің дамыған мемлекеттердің қатарына қосылуы жастардың қолында, Ал, жастар –біздің болашағымыз!

Орындағандар: Шымкент қаласы,  Лермонтов атындағы №17 жалпы білім беретін орта мектептің директор орынбасарлары:

                         Сапарбекова Талша Мусакуловна

                         Мыңбаева Үрзия Ізбасаровна

Краткое описание документа:

Это материал для зам. директоров гос услуга