Одаренный йоча дене паша.

Ирина Тойгильдина,

Благовещенскысе шуко профилян

профессиональный колледж туныктышо

Одаренный йоча-влак дене класс деч öрдыжсö пашам эртарымаш

         ФГОС почеш класс деч öрдыжсö пашам школышто эртарыман, поснак одарённый да талантан йоча-ялак нерген ойлымо годым тиде паша ончыл верыш лектеш. Молан манаш гын, тыгай паша талантан йочам ойыраш пеш лектышан йöн, шке шотан виян ресурс. Поснак шочмо йылмым тунеммаште кумдан кучылташ куштылго.

Шочмо йылме дене класс деч öрдыжсö пашам виктараш икмыняр формым палемдена. Шонем, нине формым тÿҥалтыш, кыдалаш класслаште да студент-влак денат кучылташ шотеш толеш.

Творческий мастерской-влак. Шке шотан талантан йочам куштымо ешартыш йöн. Туныктышо ден йоча иктöр шымлыме, тÿрлö текстым (почеламутым, ойлымашым, йомакым) чоҥымо пашам намият.

Факультативный занятий. Урок деч вара шинчымашым легыш пуртымо, келгемдыме йöн.

Йылме кружок-влак. Урок деч вара посна предмет дене эртарыме занятий. Тыште тÿняужмашым кумдаҥдат. Тÿн шотышто метапредметный УУД-м вияҥдыме йöн.

Интеллектуальный марафон да йылме модыш-влак. Тыгай занятийлаште ончыл верыш таҥасымаш кумыл лектеш, эмоций, пайрем шÿлыш йочам авалтат. Пытартыш жапыште КВН, викторине, квест, квиз-влак эртаралтыт.

Научно-практический конференций. Индивидуальный класс деч öрдыжсö паша. Посна теме деке шуко еҥын тÿткышым савырымаш. Сандене темыже оҥай, жаплан келшыше, умылаш куштылго лийшаш улыт.

Олимпиаде. Пÿтынь класс деч öрдыжсö пашан лектыш семын аклаш лиеш. Лач олимпиадыште талантан йоча тÿрлö оҥай заданийым шуктымо годым шке вийжым, ушыжым чыла могырымат ончыктен кертеш.

Тыгеракын, класс дея öрдыжсö пашан кажне формыжат одарённый йочам ужаш да талантшым умбакыже кушташ йöным пуат. Пашада ушныжо!

Краткое описание документа:

Статья на марийском языке. Марландыме изирак текст. Одаренный йоча дене южгунам могай пашам эртараш йодыш лектеш. Але виян паша эртаралтеш, а отчетым возымо годым кучыкын каласаш вашке ок лий. Сандене лач тиде кучык статья полшен кертеш манын, ушанем. Класс вуйлатыше, йылмым туныктышылан полыш, моло предмет туныктышыланат ончалаш онай лийшаш