ШҚО
Көкпекті ауданы
«Шәріптоғай
негізгі мектебі» КММ шағын орталығы
тәрбиеші
Акжигитова Раушан Жумановна
«Балапан» ІІ кіші
тобында ұйымдастырылған «Отбасым және мен» спорттық жарыстың жоспары
Мақсаты: Балалардың
дене бітімі дұрыс жетілуіне жағдай жасау және дене шынықтырудың маңызын
түсіндіру, қызығушылықты арттыру, салауатты өмір салтын қалыптастыру арқылы
ептілікке, жылдамдыққа, шапшаңдыққа тәрбиелеу. Балалар
мен ата-аналар арасындағы ынтымақтастықты бекіту, өзара
бірлесе қимыл жасауды дамыту.
Құрал-жабдықтар:
кегли, секіргіш, шарлар, таяқша, төрт түсті дөңгелектер, қаптар,
мотоциклдержіңішке таяқшалар,
Жүргізуші:
«Құрметті балалар, ата-аналар, жанкүйерлер, қонақтар!
Бүгінгі «Отбасым және мен» атты спорттық сайысқа қош келдіңіздер!
Сау дене, таза ақыл, адал көңіл-
Үшеуімен бақытты болар өмір.
Келу үшін бақшаға,
Ашу үшін тәбетті,
Құру үшін сен саулық
Керек жақсы денсаулық
Сайысқа
қатысушы отбасыларды ортаға шақырамыз.
Бүгінгі сайысымызды Әнұранмен бастайық.
Ал көрермен ықыласпен демелік.
Бүлдіршіндердің сайыстарын көрелік
Қимыл менен сымбатына қарап біз,
Әділдікпен бағаларын берелік,- деп, алдымен
әдісқазылар алқасын сайлап алайық.
Дене шынықтыру мұғалімдері мен ата-аналар ұйымының төрайымы әділқазылар
алқасына сайланады.
Спорттық сайысымыз 6- бөлімнен тұрады:
«Таныстыру», «Құлатпай алып өт», «Кім шапшаң», «Мықты отбасы», «Навигатор», «Кім
бірінші», .
Құрметті
қатысушылар, баршаңызға сәтіллік тілейміз!
• Қане, бір-бірімізді қостаймыз,
Бүгінгі жарысымызды бастаймыз.
Жеңіске жетеміз-деп,
Жалынды ұран тастаймыз.
Әр
топ өздерін таныстырып өтеді.
«Тұлпар»
тобы.
«Қыран» тобы.
«Барыс»
тобы.
«Бүркіт»
тобы.
«Бәйтерек»
командасы.
«Құлатпай алып өт» сайысы. Шарты:
Ата-ана қол ұстасып, баланы қолдарына отырғызып кеглилердің арасынан өтіп
мәжеге барып кері қайтады.
«Кім шапшаң».
1бала
гимнастикалық орындықпен сырғанап, кеглиді айналып келеді.
2 аналар. Аналардың қолдарына жіңішке
таяқша мен үрленген шар беріледі. Шарды жерге түсірмей, тек қана таяқшамен
итермелеп, алдарында қойылған кеглиді айналып өтіп, орындарыңызға қайту керексіздер.
Дайынсыңдар ма? Ендеше, санаймыз. Бір, екі, үш - алға!
3 әкелер. Екі аяқтың арасымен допты қысып
алып, кедергілерді аралап құлатпай, мәреге жетуі тиіс
«Мықты отбасы». Отбасының мүшелерінің бір аяқтары бірге
байланады. Дабыл бойынша отбасы бірге жүгіріп, кедергілерді соғып кетпей,
кеглиді айналып, қайта орнына келу керек. Дайынсыңдар ма? Ендеше, санаймыз.
Бір, екі, үш - алға!
«Навигатор». Бұл сайысқа әкелер
мен балалар қатысады. Әкесінің көзі байланады. Баласы жетектеп, кедергілердің
арасымен, жол көрсетіп отырады. Кім мәреге тез, кедергілерді құлатпай жетсе,
жеңіс сол топтікі болып саналады.
«Кім бірінші?».
1 әкесі қаппен секіреді, кегли айналып келеді
2 анасы. тұрған себеттерге түсті шариктерді лақтырады.
3 бала. мотоциклмен кеглиды айналып келеді.
Кім бірінші сайысты аяқтайды, сол жеңеді.
Қорытынды
бөлім.
Жарыс заңы ежелден-
Жеңімпазды анықтау.
Жеңімпаз болу шарты сол-
Еңбектену, жалықпау.
Біреу озса сайыста,
Біреу артта қалады.
Жеңілгендер ренжімей,
Тараса бізге жарады.
—
Олай болса, құрметті сайысқа қатысушы ата-аналар, балалар, сіздер бүгін өз
күш-жігерлеріңізді, шымыр шыныққан екендеріңізді дәлелдедіңіздер. Сөз кезегін
әділқазыларға берейік.
Әділқазылар
алқасы жеңімпаздарды марапаттайды
Бүгінгі міне оң болып әр ісіміз,
Жоғары боп күш-жігер намысымыз.
Осылайша қуанышпен думандатып,
Аяқталды халайық жарысымыз.
Бүгін
алтын уақыттарыңызды қиып, отбасылық сайысқа қатысқандарыңыз үшін әрбір
отбасыға алғысымызды білдіреміз! Жақсылықта, амандықта жүздескенше!!! Сау
болыңыздар!
Оставьте свой комментарий
Авторизуйтесь, чтобы задавать вопросы.