Сабақтың тақырыбы: "Квиллинг өнері"

• 1 слайд

  Солтүстік Қазақстан облысы. Петропавл қаласы. Қожаберген жырау атындағы №6 орта мектебі. Бейнелеу өнері және сызу пәңі мұғалімі Тлеукин Куаныш Мажитович.
  5-ші сынып
  Сабақтың тақырыбы: «Квиллинг өнері»
  

• 2 слайд

• 3 слайд

• 4 слайд

• 5 слайд

• 6 слайд

• 7 слайд

• 8 слайд

  Сабақтың мақсаты.
  Білімділігі: квиллинг өнері жайлы мағлұмат беру, оның тарихымен және әдіс-тәсілдерімен таныстырып, шағын композицияларды жасауға үйрету;
  Дамытушылығы: оқушының өздігінен шығармашылық пен жұмыс істеу дағдыларын қалыптастыру;
  Тәрбиелігі: өнерге деген қызығушылығы мен сүйіспеншілігін оятып, әсемдік талғамын қалыптастыру, ұқыптылыққа және шыдамдылыққа тәрбиелеу.
  Сабақтың түрі: дәстүрлі.
  Сабақтың типі: жаңа білімді меңгерту.
  Сабақтың әдісі: ұғымды баяндау, интерактивті тақта арқылы квиллинг үлгілерімен таныстыру, жұмыстың әдіс-тәсілдерін көрсету.
  Көрнекілігі: слайдтар, квиллинг үлгілері, технологиялық карталар, кестелер.
  Техникалық оқу құралдары: интерактивті тақта.
  Қажетті құрал-жабдықтар: қағаз жолақшалар, түрлі түсті қағаз, қатырма қағаз, қайшы, кеңсе пышақ, ПВА-желім, таяқша, темір сызғыш, шаблон.
  

• 9 слайд

  Сабақтың барысы:
  І. Ұйымдастыру кезеңі.
  Оқушыларды түгендеу, сабаққа даярлығын тексеру.
  ІІ. Жаңа сабақ.
  1) Қағаз пластика өнері туралы ұғым беру.
  Қағаз пластика өнері деген, қайшы, пышақ, желім арқылы қағаздан әр түрлі бұйымдармен көлемді композицияларды жасау. Қағаз пластиканы «өткір пышақ өнері» деп та атайды. Қағаз пластиканың бір түрі – квиллинг, ағылшын тілінде «guіlling», ол «guіll»- құстың қауырсыны деген сөзден шыққан. Өйткені XIVші ғасырда Еуропада қағазды құстың қауырсының үшімен бұрап, шиыршықтап әр түрлі әсем бұйымдар жасаған болатын. Сондықтан, квиллинг бірінші Еуропада пайда болып, сосын бүкіл әлемге тараған. Орыс тілінде квиллинг «бумагокручение», ал қазақша «қағазды бұрау, шиыршықтау» деген мағынаны білдіреді. Квиллинг техникасы сондай қиын емес, бірақ ұқыптылықты, шыдамдылықты және әрине шығармашылықпен жұмыс істеуді талап етеді.
  2) Интерактивті тақта арқылы квиллинг үлгілері көрсетіледі.
  3) Сабақтың мақсатымен және талаптарымен таныстыру.
  Бүгінгі сабақта біз технологиялық карта және кесте арқылы квиллинг элементтерінен «гүлдер» деген композиция құрастырамыз. Негізгі талап – шығармашылықпен жұмыс істеп, әрбіреуің ерекше, әдемі, көзге тартымды композиция шығару.
  
  

• 10 слайд

  4) Қауіпсіздік ережелері.
  Сабақта кенсе пышақ, қайшы және желім қолданалатын болғандықтан қауіпсіздік ережелерін сақтау қажет.
  жұмыс уақытында тәртіп сақтау;
  жұмыс құралдарын рет ретімен үстелдің ортасына орналастыру;
  пышақ және қайшымен жұмыс істегенде, оларды биікке көтермей, лақтырмай, бір біріне істік жағымен бұрмай жабық түрінде орнына қою;
  желіммен жұмысты ұқыпты жасау керек, төкпей, тамызбай, көзге және киімге тигізбей;
  сабақ аяқталғаннан соң жұмыс орнын жинап, тазалап қою керек.
  5) Квиллинг әдіс тәсілдерімен таныстыру.
  Мұғалім квиллингтің негізгі элементі - шиыршық (ролл) екенін түсіндіреді де кесте арқылы содан жасалатын пішіндердің түрлерімен таныстырып, олардың жасалу әдістерін көрсетеді.
  а) шиыршықты жасау үшін жолақша қағазды үші айырылған тіс тазалайтын таяқшаның көмегімен бастап бірнеше рет бұраймыз, содан кейін таяқшаны алып тастап, саусақтармен бұрап шиыршықты аяқтаймыз. Шиыршық тығыз болу керек.
  ә) шиыршықты керекті өлшемге келтіру ушін әр түрлі тесіктері бар шаблонға салып бос жібереміз. Өлшемге келген шиыршықтың бос шетін желімдейміз.
  б) шиыршықтың қажетті пішінін кесте бойынша жасаймыз.
  Мұғалім әр түрлі пішіндердің жасалу жолдарын көрсетеді.
  в) егер шиыршықты бірнеше түстен жасауға керек болса, онда керекті түсті жолақшалар бір біріне желім арқылы қосылып бұратылады.
  г) барлық квиллинг пішіндері дайын болғасын, олардың бір жағына желім жағып, таңдаған қатырма қағазға композиция шешімі бойынша рет ретімен бекіту керек.
  
  

• 11 слайд

  6) Сарамандық жұмыс.
  Оқушылар технологиялық карта және кесте бойынша «Гүлдер» композициясын жасайды. Мұғалім жұмыс барысында бақылау жасап, балаларға жәрдем көрсетеді және кеңес пен түсінік береді.
  7) Қорытындылау және бағалау.
  Дайын жұмыстар тақтаға ілінеді де оқушылар өздері оларға сараптама жасап, ең сәтті шыққан жұмыстарды анықтайды. Мұғалім қысқаша қорытынды жасап, оқушыларға алғысын білдіреді. Барлық жұмыстар бағаланады.
  8) Үйге тапсырма.
  Қолдарын жаттықтыру үшін үйге өз еркімен қарапайым композиция құрастыруға тапсырылады.
  
  

• 12 слайд

  «Гүлдер» квиллинг композициясын орындау технологиялық картасы.
   
  Қажетті құрал-жабдықтар: түрлі түсті жолақшалар, түрлі түсті қағаз беттері, қатырма қағаз, кеңсе пышақ, қайшы, ПВА-желім, таяқша, темір сызғыш, шаблон.
  
  

• 13 слайд