"10 саны және цифры" ашық сабақ

Сабақтың тақырыбы: «10 саны және цифры» (1-слайд)

Сабақтың мақсаты: 1. Балалардың 10 саны және өткен сандар бойынша алған білімдерін

тиянақтау;

2. 1-ден 10-ға дейінгі сандарға байланысты ойын түрінде есептер шығару

арқылы оқушылардың ойлау , тез есептей алу қабілеттерін дамыту,

3.Ертегі арқылы балаларды адамгершілікке, достыққа, адалдыққа тәрбиелеу.

(2-слайд)

Сабақ түрі: қайталау сабағы

Сабақтың типі: саяхат-сабақ

Сабақ барысы

1.Ұйымдастыру кезеңі.

а) Балалардың сабаққа дайындығын тексеру

ә) Есеп-жұмбақ.(3-слайд)

Аулада бес үйрек, 
Қорада үш үйрек. 
Бір үйрек тығылды, 
Бір үйрек жығылды, 
Барлығы неше үйрек? 

2. Тақырып бойынша жұмыс

Мұғалім сөзі:

-Балалар, бүгін сабақта «10 саны және цифры» деген тақырыпты әрі қарай жалғастырамыз. Сондықтан мен сендерге ертегі айтып беремін. Қазір Математика патшалығына саяхат жасаймыз. Ертегіні мұқият тыңдаңдар.

Ерте,ерте, ертеде, ешкі жүні бөртеде, баяғы өткен заманда терең-терең көлдердің, асу-асу белдердің аржағында, биік таудың басында, көк аспанның астында зәулім сарайда Тоқсанбай деген патша өмір сүріпті. Тоқсанбай патша өзі кішкентай болғанмен, ақылы таудан асып, қиялы желден озып, бүкіл математика әлемін өзіне бағындырған екен. Сондықтан ол ойы зерек, білімі мол, ақылды балаларды жақсы көреді.(4,5,6-слайд)

Бүгін біз де математика әлеміне саяхат жасап, ханның патшалығына барып қайтайық. Ол үшін сарайға барар жолда кездескен тапсырмаларды орындауымыз қажет. Саяхатқа шығу үшін паровозға отырайық. (7-слайд)

-Балалар, паровоз өзінің тапсырмасын дайындап қойыпты.

1- тапсырма. Бос торкөздерге тиісті сандарды қой.(8-слайд)

9 9 9 9

5 3 0 2 7 8

-Біздің алдымыздан жер бетіне жарық пен жылу сыйлайтын Күн шықты. Күн бізге қандай тапсырма дайындады екен.(9-слайд)

2-тапсырма. 9 таяқшаға1 таяқша қос, Неше таяқша болды? 10 таяқшамен не құрастыруға болады?(10-слайд)

-Балалар, шөлдеген боларсыңдар? Анау көлдің басына барып демалайық, су ішіп шөлімізді қандырып алайық.

- Балалар, қараңдар су сылдыры бізге бірдеңе деп сыбырлайды. Көлдің жағасындағы балаларға көмектесіңдер дейді.(11-слайд)

3-тапсырма. 10-ға дейін кері және тура санаңдар. Көлдің бетінде қандай сан жоқ? Табыңдар. Көршілерін атаңдар дейді(12,13-слайд)

-Балалар, көлдің жағасында күнге күйіп кететін болдық. Анау ағаштың көлеңкесіне отырайық.

Бұл ағаш құлағыма сыбырлап, маған балалар тақпақ айтып берсін дейді. Ағаш туралы қандай өлең білеміз?(14-слайд)

Сергіту сәті (15-слайд)

Тербеледі ағаштар,

Самал желмен еседі.

Кіп-кішкентай балалар,

Үлкен болып өседі.

-Балалар, қараңдар, орманда жалғыз келе жатқан кім екен? Бұл Патша сарайына бара жатқан Құралай ғой. Қолында гүлі бар. Көрші ауылдың қызы. Ол тапсырмасын орындай алмапты. Көмектесіп жіберейік.(16-слайд)

4-тапсырма. Амалдарды орында. (17-слайд)

2+3 = 7+2=

4+6 = 5+5=

10-0 = 8-6 =

1+9 = 9-4=

-Балалар саяхатымызды әрі қарай жалғастырайық. Мына гүлдің әдемісін-ай! Бұл да бізге тапсырма дайындап қойыпты.(18-слайд)

5-тапсырма. Сандарды салыстыр. Көп, аз, тең таңбаларын қой.(19-слайд)

9 3 0 2 8 6
5 7 4 4 9 10
6 1 2 10 1 1
4 8 7 3 2 5

-Міне, балалар, сарайға да келіп жеттік. Тоқсанбай патша сендерді көргеніне риза.(20,21-слайд)

3.Қорытынды.

-Балалар, патша сендердің алғырлықтарың мен тапқырлықтарыңды көріп, өте риза болды. Сондықтан сендерге меннен мына хатты беріп жіберді. Ішінде не бар екенін ашып көрейік.(22-слайд)

(Хат ашылады. Хаттың ішінде «Жарайсыңдар!» деп жазылған жұлдыздар бар. Жұлдыздар балаларға таратылады.)

-Балалар, сендер бүгін өте жақсы жұмыс істедіңдер. Сендерге көп рахмет! (23-слайд)

Панфилов атындағы орта мектеп

10 саны және цифры

/Ашық сабақ/

Дайындаған: А.Қ.Ныгматова

Сынып: 0 «А»

2013 жыл