« Ш а л х г »
Белдснь: Окнян
Егора Зоя
Эта разработка
была подготовлена в 1998-1999 учебном году для творческого отчета выпускного 4
национального класса. Работая над проблемой преемственности, привлекла ещё детей
своего первого выпуска (учащихся 8 класса). В основу этой инсценировки была
взята разработка сказки С.Г.Мучеряева. Материал был обсужден с автором и
показан с его разрешения. В инсценировку вошел материал по устному народному
творчеству (пословицы, поговорки, считалки, песни, благопожелания, шаваши и
т.д.) и родословной самих учащихся. Связано это с тем, что класс вплотную
занимался изучением своей родословной, о чем мы рассказали и показали зрителю.
Основная цель данной постановки знание родного языка, умение вести себя на
сцене. Помимо этого в конце инсценировки в концертных номерах показать всё,
что умеем (танцы, песни и т.д.).
Нааднд орлцҗахнь:
өвгн- дунд классин
сурһульч,
эмгн- дунд классин
сурһульч,
Цаһан, ач күүкн –
эклц классин сурһульч,
күүкд- көвүд- эклц
классин сурһульчнр.
Хаврин йиртмҗин бәәдл һарһад сцен
сәәхрүлх. Көгҗмин ә соңсгдна. Зүсн-зүүл шовудын дун һарна.
Сцен деер өвгн- эмгн хойр һарч ирнә.
Өвгн (энд-тенд
хәләҗәһәд): Хавр йостаһар ирҗ. Нарн сәәхн ээҗәнә.
Эмгн: Соңгсчанта,
тер шовуд яһҗ дуулҗахнь?
Өвгн: Келхм биш,
ниргәд бәәнә.Эн бичкн һазран хаһлад, шалхг тәрх кергтә.
Эмгн: Эн һазран
малт гиҗ Цаһанд келх кергтә.
Өвгн: Э-э, тер
күүкн яһҗ одла? Одад хәй.
( Цаһан дала көвүд- күүкд дахулсн, инәлдсн,
шуугсн һарч ирнә)
Цаһан: Иньгүд,
соңслт? Ээҗ-аав намаг эн һазр малтад, бел ке гилә. Тадн нанд дөң
болтн?
Күүкд: Нә, малтый!
( Нег тәәрәсәр зоһсад, малтн бәәҗ цуһар
дарҗң келнә)
Малт, малт, малтыя
Малтн йовҗ марһия.
Сәәнәр-сәәнәр малтхм
Селвн малтад амрхмн.
Барун, зүн көлән
Селвн йовҗ малтхм.
Довун күртл малтад,
Дәкн хәрү эргхмн.
Цаһан: Нә, ода
мааҗурдх кергтә.
(Күүкд хойр әңләд, нег-негән хәләһәд
зоһсна. Тоолгд келәд мааҗурдна)
Цуһар: 1-2, мааҗур
авхм,
3-4, һазран белдхм,
5-6, сәәнәр көдлхм,
7-8, темснә ясан,
9-10, ода тәрхм.
Цаһан: Амрцхай.
(Күүкд көдлмшән чиләһәд, шуугад һарч одна.
Өвгн- эмгн хойр орҗ ирнә)
Өвгн: Эмгн,
хәләһич! Мана күүкн һазр малтад, бел кеҗ.
Эмгн: Нә, тиигхлә,
темснә экән тәрий.
Өвгн: Нә, тәрий.
( Хоюрн нүк малтад, шалхгин эк тәрнә.
Тәрәд, һаран арччкад, йөрәл тәвнә.)
О, хәәрхр!
Олн теңгр минь,
Һазр- усна Цаһан
аав минь,
Ээҗ-аавин сәкүснь
минь,
Көгшн му мадниг
Көркхн ач
күүктәһимдн
Күсмн-теҗәл уга
Бичә үлдәһит.
О, хәәрхн!
Эмгн: Тиигтхә,
йөрәл шиңгртә. Ода энүгитн услх кергтә.
Өвгн: Одак күүкн
яһҗ одв?
(Генткн күүкд шууглдад, хойр әңгләд, наад
наадад орҗ ирнә)
1 күүкн: Гүүһәд
ирх гүзән бәәнү?
Күүкд:
Гүүһәд ирх гүзән бәәнә.
2 күүкн: Көөһәд
ирх көл бәәнү?
Күүкд:
Көөһәд ирх көл бәәнә.
3 күүкн: Тууһад
ирх түрә бәәнү?
Күүнд: Тууһад
ирх түрә бәәнә.
4 күүкн: Халдад
ирх хәврһ бәәнү
Күүкд : Халдад
ирх хәврһ бәәнә.
(Эмгн-өвгн хойриг эргәд гүүлдәд, шуугад,
төгәләд авчкна)
Эмгн: Цаһан, эн
тәрәндән ус ке.
Цаһан: Ода кенәв.
(Күүкдт) Услый?
(Көгҗмин айст цуһарн суулһ авад, тәрә
услна. Өвгн-эмгн һарч одна)
Цаһан: Хур дуудый?
(Күүкд һар-һаран авлад, эргәд байрлна)
Күүкд: Хур-хур,
нааран йов,
Хуцин махн, цааран
йов.
Мөндр-мөндр, цааран
йов,
Мөрнә махн, нааран
йов.
Цаһан: Нә, ода
невчк амрад наадый.
1 күүкн: Алтн
билцг наадый.
2 күүкн: Кенд
билцг бәәнә? Өгтн.
3 күүкн: Нанд
бәәнә. Мә.
4 күүкн:
Тооллцхмн.
(Күүкд төгрг кеһәд сууна, негнь тоолна)
1 күүкн:
Белә-белә, бекн шава,
Шава дедн, шашн һова,
Һова дедн, һучн мал,
Мал дедә, матьхр аһа,
Аһа дедә, алтн худг,
Худг дедә, хүрлән
тайг,
Буһлдай, суһлдай,
Суман экн тарлдаш!
-Чи эклхмнч
(Нег үүнд билцг өгнә. Тернь ардан хойр
һаран бултулад, хойр нудрман һарһад нег күүкнд үзүлнә)
Альк һарт бәәнә?
2 күүкн: Барун
һарт бәәнә.
3 күүкн: Уга, олҗ
чадсн угач. Ялла харһҗанач.
4 күүкн: Ямаран
ялд, яахмб?
5 күүкн: (ухалҗаһад)
Тәәлвртә тууль кел.
4 күүкн: Аратын
дунд- арат,
Җивртн дунд- җивртн.
2 күүкн: Бавуха.
5 күүкн: Чик.(Цааранднь
наадцхана). Альк һарт бәәнә?
3 күүкн: Зүн һарт.
5 күүкн: Уга, олсн
угач, ялд унҗанач.
3 күүкн: Яахмб?
5 күүкн: Үлгүр кел.
3 күүкн:
Нур дунд- нуһсн сәәхн,
Нутг дунд-номтань
сәәхн.
2 күүкн: Чик. Дегд
халун болв, йовҗ өөмий?
Күүкд: Йовий.
(Гүүлдәд йовҗ одна. Өвгн орҗ ирнә. Шалхг
яһҗ урһсинь үзнә.)
Өвгн: Я-я, яһлав,
яһлав! Энтн иигҗ урһдг бәәҗ. Эмгн, эмгн, наар шулуһар!
Эмгн: (адһсн
орҗ ирнә) Ю-у, әәҗәнәв. Энтн иим түргн урһдг бәәҗ. Таслад авад амсх кергтә.
(Өөрдәд татна, юмн һарч өгхш).
-Эй, өвгн, энүгән тач һарһит.
(Өвгн өөрдҗ ирәд татна, һарһҗ чадхш)
Өвгн: Тат, тат,
татыя,
Тавн дәкҗ татыя.
Өвгн: Хоюрн татый.
(Эмгнтә хоюрн чидлән һарһад татна, һарһҗ
чадхш.Көлсән арчад амрад суув)
Өвгн: Эмгн, күүкән
дууд.
Эмгн: Цаһан,
Цаһан, наарич!
Цаһан: Ээҗ, юн
болҗ одв?
Эмгн: Эн шалхгиг
таслхар седләвидн, манн хойрин чидл күрч бәәхш. Манд нөкд бол.
(Һурвулн татна.)
Һурвулн: Тат,
тат, татыя,
Тавн дәкҗ татыя.
Шалхган авад һарһия,
Шикртә хашан чаныя.
(Һурвулн нег-негән авлдад татна, шалхг һарч
өгхш)
Эмгн: Шалхг һархш,
нөкд дуудтн.
Цаһан: Үүрмүдән
дууднав, нөкд болг.
Алтн, Байн, наартн, нөкд болтн.
(Күүкд орҗ ирнә, мендлнә)
Өвгн: Кенә
күүкдви?
Байн: Би
Хальмг келндән дурта
Хәәртә ээҗән дурасн
Бод-бод бәәдг
Боовһуда зе күүкн
Байн.
Алтн: Би Шар
нарн дор
Көк ноһан деер
Борлад бәәдг
Боргштуда ач күүкн
Алтн.
Эмгн: Йир сән
күүкд. Маднд нөкд болтн.
Күүкд: Нөкд
болнавидн.
(Цугтан нег-негән бәрлдәд келнә)
Цуһар: Тат,
тат, татыя,
Тавн дәкҗ татыя.
Шалхган авад һарһия,
Шикртә хашан чаныя.
(шалхгиг татна, шалхг һархш)
Өвгн: Манаһар
болҗахш. Дәкәд нөкд дуудтн.
Байн: Байрта, Аюка,
наартн, нөкд болтн.
(Күүкд орҗ ирнә, мендлнә)
Эмгн: Эн күүкд
кенәви?
Аюка: Би Бииләд-
дуулад йовдг,
Бальчг-хурас әәдго,
Бахлур авч ноолддг
Балзнахна зе көвүн
Аюка.
Байрта: Би Зөв
махлад толһа хандг,
Зөвтә үгд седкл хандг,
Хар нүдтә, хурц келтә,
Харнуда зе күүкн
Байрта.
Эмгн: Йир сән
күүкд. Маднд нөкд болтн.
Күүкд: Нөкд
болнавидн.
(Цугтан нег-негән бәрлдәд келнә)
Цуһар: Тат,
тат, татыя,
Тавн дәкҗ татыя.
Шалхган авад һарһия,
Шикртә хашан чаныя.
(шалхгиг татна, шалхг һархш)
Өвгн: Муурч одв.
Дәкәд күүкд дуудтн.
Байрта: Айта, Нарн,
наартн, нөкд болтн.
(Көвүн күүкн хойр орҗ ирнә, мендллһн)
Өвгн: Эннь кенә
күүкдви?
Нарн: Би
Мөрнә сәәг довтлҗ меддг,
Төмрин сәәг давтлҗ
меддг,
Җирн өркәр җирһдг,
Җирһлмүдә зе көвүн
Нарн.
Айта: Би Олн
дунд үгән шинҗлдг,
Онц һазрт хувцан
шинҗлдг,
Зун өрктә замлахна
Зе күүкн Айта.
Эмгн: Йир сән
күүкд, маднд нөкд болтн.
Күүкд: Нөкд
болнавидн.
(Цугтан нег-негән бәрлдәд келнә)
Цуһар: Тат,
тат, татыя,
Тавн дәкҗ татыя.
Шалхган авад һарһия,
Шикртә хашан чаныя.
(Тоолдгин чилгчәр шалхг һарад ирнә.Цуһар
байрлад шуугна.)
1-гч күүкн: Көгшн
аав-ээҗән
Күндләд байр һарһий,
Көгҗмин айст биилий,
дуулый,
Кезәңк тууль үзүлий.
Цуһар: Үзүлий.
(Цааранднь күүкд ду-бииһин концерт үзүлҗәнә).
Сүл биид йөрәл умшх:
Оставьте свой комментарий
Авторизуйтесь, чтобы задавать вопросы.