Сценарий отдыха на сенокосе

Йăлăмри утçи

Атăл хумханать.Çамрăксем утă çулаççĕ.Арина скакалкăпа сиккелесе тухса каять.

    Женьăпа  Ксюша пĕр-пĕрне  тытмалла выляççĕ.

 Женя: Тытатăп-тытатăп.Хăваласа çитетĕп.

Ксюша: Хăвăртрах чуп .Эпĕ çил пек  таратăп. Малтикас – пыл чашки, Кайрикас –тăм чашки

Женя:  Эх! Сана!

Çав  вăхăтра юрă янăрать. «Хĕрсем утă çулма тухса каяççĕ…».

Каç еннелле  асанне  каçхи апат пĕçерет .Вучах çинче хуран çакăнса  тăрать.

Асанне.:  Çамрăксем те часах çитĕç.Манăн пулă шÿрпи те пиçсе çитет ĕнтĕ.

Эх,тутлă çуйăн шÿрпи!Çав Хура кÿлĕрех  Витали пысăк çуйăн тытма пултарнă.

Арина:  Асанне,апачĕ пиçрĕ-и?Питĕ,сиес килет!

Асанне: Тăхта-ха кăштах,Арина.Утă çулакансем çитчĕр-ха.

Арина: Ав,килеççĕ –килеççĕ!

Ушкăн çамрăк кĕрет.

Инна:  Порат патĕнчи  çарана çулса пĕтертĕмĕр .

Ксюша: Кунĕ аван пулчĕ.

Юля: Паçăр ывăннă пекчĕ,пула шÿрпи шăрши сăмсана кăтăкларĕ те.Ывăнни те çухалчĕ.

Данила: Чăн та,инку,санăн яшку шăрши таçтанах хырăма хыр тăррине çитерет.

Асанне:  Апла пулсан.Ларăр,çийĕр!

Каçхи апат çиеççĕ.

Аэлита: Тин,ĕншĕ хамăр шалашсене саланма вăхăт.

Ушкăн: Чăнах та! Канма вăхăт!

Лена: Сирĕн канас килет-и?

Ушкăн: Çук-сук.Вăййа тухас килет.

Диана: Кам хирĕç?

Ушкăн: Никам та.Çăвăнкалар та-тухар!

Çамрăксем вăййа тухаççĕ.

Тумĕсене улăштарнă.Саппунĕсене салтнă,лентăсем çыхнă.

Асанне.:  Хамăн та ыйхă килмест- ха. Çамрăксем савăннине сăнакаласа, пăхкаласа ларам-ха. Арина, кайса çывăрах.

Арина:  Юрать.(Кайнă пек тăвать, хăй вăрттăн пăхса ларать.)

Юля:  Хĕрсем, атьăр хамăр юратнă юрра шăрантарар.

Ушкăн: Юрлар- юрлар! Инке, пирĕнпе юрлăр.

Асанне:  Эпĕ хирĕç маар.Çамрăклăха аса илес ара.

«Акăшĕ ăçта?» юрă юрлаççĕ.

Инна:  Кичем пулса кайрĕ. Атьăр  ташлар.

Ушкăн:  Ташлар- ташлар! Данила, купăсна тăсса яр.

Данила купăс калать.Пурте ташлаççĕ.

Такмаксем: Ах, терĕç пуль,                                                          

                         Тиркерĕç пуль.

                         Нарспи пек хитре мар та,

                          Упăте пек тискер мар!

2. Акăш тытассăм килет,

    Тĕкне çăлассăм килет,

    Ялĕ пĕчĕк, каччи сахал,

    Тухса тарассăм килет.

3. Эх, Тур ан калатăр

Гармониста юратма.

Çумăр çусан пылчăк çине

 Илсе тухĕ ташлама.

Данила:  Манран тăрăхласа юрлатăр. Урах каламастăп.

Ушкăн:  Кала ĕнтĕ. Тархасшăн.

Данила:  Тепре выляса савăнар.

Инна:  Мĕнле выляр?

Ушкăн:  « Çĕтĕк çăпаталла»!

Аэлита :  Кам варрине тухать?

Ушкăн:  Женя!

Çаврака пек пулса тăраççĕ. Женя  çăпата çавăрать.

Ушкăн:  Чем- чем чемекури- Якури, лаппи- лаппи хур ури,чăнкăль- чанкăль чĕп ури. Ту-ту тут!

Лектереççĕ, ятне ушкăнпа калаççĕ.

Ксюша: Хĕрсем! Пăхăр- ха!

Ушкăн:  Кăвак хуппи çурăлать! Çĕнĕ кун  та пуçланать! Саланар шалашсене!

Çамрăксем туха- туха каяççĕ. Сак çине Кольăпа  Ксюша ларса юлаççĕ. Асанне  вăрттăн сăнать.