Серуен "Алақай, жаз келді!"

№1 Күнді бақылау

Мақсаты: Күнді бақылауды жалғастыру, оның адамдар, өсімдіктер, жәндіктер үшін маңыздылығын түсіндіру.

Экологиялық міндет: Күн сәулесінің адам және өсімдіктер, жәндіктер үшін маңыздылығын көрсету.

Жұмбақ:    Таңмен көзін ашады,

Әлемге нұрын шашады. (Күн)

Көркем сөз:          Күлім қағып күн шығып,

Күн нұрымен бір шығып,

Ел еңбекке құлшынып,

Қыза түсті тіршілік.

Еңбек:  Топыраққа су себу. 

Мақсаты: Балалардың еңбек етуге деген тілегін тәрбиелеу.

Қмылды ойын:     «Күн мен түн»

Мақсаты: Зейінін, жүгіру жылдамдығын жаттықтыру.

Мақал-мәтел:  Күн көзі жылы – жер-ана мейірімді. 

Болжам:  Күн қызарып батса – ертең күн ыстық болады.

№2 Өсімдіктерді: гүлденген бақбақты бақылау

Мақсаты:   Гүлденген бақбақты бақылауды жалғастыру.

Экологиялық міндет:  Көктемгі алғашқы гүлдерді байқай білуге үйрету. Табиғат әсемдігіне деген сүйіспеншілікке тәрбиелеу.

Жұмбақ:      

Көктем, жазда басына

Сары қалпақ киеді.

Күзге қарай қалпағы

Қалқып ұшып жүреді. (бақбақ)

Үлпілдеген қалпағы

Ескен желден қорқады. (бақбақ)

Көркем сөз: Бақбақ

Аппақ, аппақ бақбақтар

Тура киіз ақ үйлер.

Төнеді кеп жан-жақтан,

Тамашалап сәбилер. (М.Әлімбаев)

 Еңбек:  Гүлдерге су құю. 

Мақсаты: Балалардың еңбек етуге деген тілегін тәрбиелеу.

Қмылды ойын:     «Күн мен түн»

Мақсаты: Зейінін, жүгіру жылдамдығын жаттықтыру.

Мақал-мәтел:  Гүл өссе жердің көркі. 

Болжам:  Бақбақ, қоңыраугүлдер гүл алақанын ашса, ауа-райы жылы, жаз ыстық, ашық күн болады.Күн қызарып батса – ертең күн ыстық болады.

№3  Жауын-шашынды бақылау 

Мақсаты:   Жауын-шашынды бақылауды жалғастыру.

Экологиялық міндет:    Өсімдіктер тіршілігі үшін жауын-шашынның маңыздылығы туралы әңгімелеу.

Жауын-шашынның алуантүрлі болатынын түсіндіру.

Жұмбақ:   Көтеріліп теңізден,

Аспанға биік барамын.

Биіктен қайта түскенде,

Өңі кірер даланың. (Жаңбыр)

Көркем сөз:                           Жаңбыр

Төгіп-төгіп, жау жаңбыр,

Құрғақ шөлдер көк болсын.

Бақша, жеміс тез өсіп,

Азық-түлік мол болсын!

Күллі әлемнің ақ ниет,

Адамдары көп болсын! (М.Әлімбаев)

Еңбек: Ауланы сыпыру.

Мақсаты: Еңбекқорлыққа, ұқыптылыққа тәрбиелеу.

Қимылды ойын:   «Жерде қалып қойма» 

Мақсаты: Өрмелеуге жаттықтыру. Белсенділігін тәрбиелеу.

№4  Құстарды бақылау

Мақсаты: Балабақша алаңына қонақтаған құстарды бақылау, сыртқы түрінен тануға үйрету. 

Экологиялық міндет:    Байқампаздығын, құстарға деген қамқорлық сезімдерін тәрбиелеу.

Жұмбақ: Екі айыр құйрығы,

Қияқ мұрт қанаты,

Ұшқырлардың жүйрігі. (Қарлығаш)

Қалқып тұрып аспанда,

Үн шығарып ән сан қилы.

Өнеріне басқанда,

Тұла бойың балқиды. (Бозторғай)

Көркем сөз:

Еңбек:  Топыраққа су себу. 

Мақсаты: Балалардың еңбек етуге деген тілегін тәрбиелеу.

Қмылды ойын:     «Торғайлар мен автомобиль»

Мақсаты: Зейінін, жүгіру жылдамдығын жаттықтыру.

 Тыйым сөз: Құстың ұясын бұзба. Аққуды атпа.