Шығармашылық жұмыс "Есірткен есірткі"

Қызылорда облысы                                  Қызылорда ОІІД ЕБҚКБ

Жалағаш ауданы                              тарапынан жарияланған сайысқа

Жаңаталап ауылы

№119 орта мектептің

9-сынып оқушысы

Тұрлыбек Жансая Әбілханқызы

 Есірткен есірткі

Мен кейде ойланамын мұңға батып.

Ішкі ойыммен тілдесем жай үн қатып.

Қоғамда мен қатарлы бауырларым

Жақсы-жаман істің жүр басын шатып.

Өмірде ажыратпай әлі оң-солын,

Адасып, таба алмай түзу жолын

Қара ниет, азғындап алған жандар

Дәл осындай жастарға құрар торын.

-          Кел, бауырым, есейдің жігіт болдың,

Өз бетіңше өмір сүрер жасқа толдың.

Бізбен бірге көңіл көтер, топқа қосыл

Айнымас дос боламыз, әкел қолың!

Шоғырланып топтасып айқай да шу,

Мәнсіз жүріс беймезгіл ырду-дырду.

-          Темекі тарт, сыра іш, каляннан сор

Мұнан кейін бұл жолдан қиын шығу.

Арақ , сыра, темекі бастамасы.

Есітркіге жасалған зор жарнамасы

-          Бар болғаны ішіңе бір тартып көр

Өмір толы ғажапқа таңданасың

Бір сорғаның у түтінге шырмалғаның.

Басы байлы есірткіге құл болғаның.

Миыңды улап, санаңды түнек басып,

Өміріңнің білмессің күл болғанын.

Ұрлық-қарлық, қылмысқа жетелейді.

Тәнің азып, жаныңды жеп діңкелейді.

Тәтті өмірді үйреткен сол достарға

Ата-анаң жылап жүріп құн төлейді.

Е-е, достарым есірткі жолдас болмас.

Шырғалаңға түскен соң адам оңбас.

Есі кетіп есірген талай жандар

Душар болар қайғыға орны толмас.