3-сынып дүниетанудан сабақ жоспары "Тірек –қимыл жүйесі. Қаңқа және бұлшық ет"

Пән: дүниетану

Пән мұғалім:

Мерзімі:  18. 09.

3-сабақ

Тақырыбы: Тірек –қимыл жүйесі. Қаңқа және бұлшық ет

Мақсаты: 1. Оқушыларды «қаңқа», «бұлшық ет» түсініктерімен және олардың қызметімен таныстыру. Бұлшық етті нығайтудағы еңбек пен дене шынықтырудың маңызын түсіндіру.

2. Бақылағыштықты, білімге деген белсенділікті дамыту, мәтінмен жұмыс істеуді үйрету.

3. Оқушылардың салауатты өмір салтын ұстануға тәрбиелеу. (гигиена, дене шынықтыру, спортпен шұғылдану, дұрыс тамақтану)

Жоспарланатын нәтиже:

Пәндік нәтиже: адамның тірек-қимыл жүйесі мен олардың маңызын білу, салауатты өмір салтын сақтау;

Тұлғалық нәтиже: салауатты өмір салтын сақтауынан, өз-өзіне қызмет етуінен, тазалық ережелерін сақтауынан көрініс табуы тиіс;

Жүйелі-әрекеттік нәтиже: қосымша ақпаратты жинақтау және олардың қажеттісін іріктеп алу білігін қолдана алу.

Жұмыс түрі әңгімелесу, сұрақ-жауап, жеке жұмыс, оқулықпен жұмыс

Қажетті құралдар: 

Пәнаралық байланыс: дене шынықтыру, әдебиеттік оқу

Өзекті сұрақ: «Қаңқа мн бұлшық еттің өзара байланысы қандай?»

Сабақтың барасы: ұйымдастыру кезеңі. Психологиялық дайындық.

Өтілген материалды бекіту.

−       Өткен сабақта біз не туралы айттық? (Терінің ағзаның қорғаныс мүшесі екендігін, оның атқаратын қызметін)

−       Онда тақырыпты қалай меңгергендеріңді сұрақ-жауап арқылы анықтайық.

−       Тері қандай қызмет атқарады?

−       Тері үшін одан бөлінетін май мен тердің маңызы қандай?

−       Адам неліктен өз терісін күту керек?

Тест

·        Тері —  ______________________________  мүшесі.

a)     Есту

b)    Сипап сезу

c)     Иіс сезу

·        Тері  _____________________  арқылы тыныс алады.

a)     Шаша

b)    Саңылаулар

c)     Май

·        Теріде микроб болмау үшін  ... .

a)     Бүкіл денені сабынмен аптасына кем дегенде екі рет жуу керек

b)    Күнделікті крем жағу керек

c)     Бүкіл денені құрғақ шүберекпен сүрту керек

Сабақтың мақсаты мен міндетін қою.

−       Бүгінгі сабақтың тақырыбын анықтау үшін тақтаға жазылған сөздерді  оқыңдар: қаңқа, тірек, бұлшық ет, сіңір

−       Бұл сөздер өзара қалай байланысады?

−       Берілген сөздерді оқи отырып, бүгінгі сабағымыздың тақырыбы қандай екенін кім анықтады?

Сабақтың тақырыбы «Тірек-қимыл жүйесі. Қаңқа және бұлшық ет»

Жаңа материалмен жұмыс.

Сурет арқылы тақырыпты түсіндіру.

Жоспар.

·        Қаңқа – адам денесінің негізі, тірегі

·        Бұлшық ет – тірек қимыл және қимыл-қозғалыс мүшесі.

·        Сүйек буындары, қаңқа және бұлшық еттер бірігіп, денені әртүрлі қозғалысқа келтіреді.

Зертханалық жұмыс.  Бұлшық ет жұмысын анықтайтын зертханалық жұмыс жүргіз. 

1.     Қолыңды шынтақ буынынан бүк. Қолыңның бұлшық етінің үстіңгі жағына қара. Не байқадың? Бұлшық ет тығыздалып жиырылды ма, әлде созылып жұмсарды ма?

2.     Қолыңды төмен түсір. Бұлшық ет қалай өзгерді? Мұнан қандаа қорытынды шығаруға болады?

3.     Өз денеңнің қаңқа бөліктерін ұста. Не байқадың? Сүйектерді атап көр.

Сергіту сәті

Бастарыңды оңға, солға  бұрыңдар.

Кеуделеріңді оңға, солға бұрыңдар

Аяқ-қолдарыңды бүгіп-жазыңдар.

Ботақанның кеңесі

Бекіту. Бақылау жүргіз. Дене сымбатыңды тексер.

Дәптермен жұмыс.

 Сүйектер мен бұлшық ет аттарын есіңе түсір жаз.

Сабақты қорытындылау.

−       Барлық сүйек нені құрайды?

−       Қаңқаның қызметі қандай?

−       Сүйектердің жалпы саны қанша?

−       Қаңқа қандай негізгі сүйектерден тұрады?

−       Бассүйектің маңызы қандай?

−       Кеуде сүйектерінің ше?

−       Аяқ-қол сүйектерінің ше?

−       Қаңқаның қызметі қандай? (тірек, қорғаныс)

−       Сүйексіз адам өмір сүре алар ма еді?

−       Сүйектер бір-бірімен қалай жалғасады?

−       Бұлшық ет сүйекке қалай бекиді?

−       Қандай жаңа сөздер үйрендіңдер?

−       Адам неге құлаудан , бір жерін соғып алудан сақтау керек?

Үй тапсырмасы. (11-14бет)  түсініп оқу.    2-тапсырма (8 бет)

Ойлан тапсырмасы.

Бағалау