Сынып сағаты "Ана-өмір гүлі

Бекітемін.                Улмесекова А.А.

Тақырыбы:  Ана –өмір,ана-бақыт,ана-гүл
Мақсаты: Ана жайлы тамаша сөздер, өлеңдер, әндер арқылы аналар мен аруларды мерекемен құттықтау, оқушыларды мейірімділікке, ұстамдылыққа тәрбиелеу, ата-анаға деген құрмет сыйын арттыру, ана еңбегін қадірлей білуге үйрету.
Көрнекілігі: аналар жайлы нақыл сөздер,мақал-мәтелдер,слайд,оыйндар,тренингтер мерекелік дастархан.
Түрі:Мерекелік кеш
Барысы:
Кіріспе:
Бекзат:Кеш жарық, қымбатты аналар, сұлу арулар! Көңілдеріңізге көктем шуағындай сезім мен нұр құйып,тағы да 8-наурыз халықаралық әйелдер күні келді.Осынау көркем мерекенің қай кезде де орны бөлек.Аналар-өмірдің гүлі,көңілдің жыры,әр отбасының алтын діңгегі. Бүгінгі  мерекелік кешіміз де аналарға арналады.
Біз ғана емес,қадір тұтқан бабалар.
Аналардан туған небір даналар.
Ана деген тіршіліктің тірегі,
Армысыздар,қасиетті аналар!
Құрметті аналар,біздің сынып,қыздары!8-наурыз  мерекесі құтты болсын!Әрдайым мейірім шуағын шашып жүре беріңіздер.
Сіздерден өскен балалар
Батырлар мен даналар.
Құттықтаймыз мейраммен, 
Құрметті абзал аналар. – дей келе құттықтау сөз кезегі сынып жетекшіміз Назым Фатихқызына беріледі.
Бекзат:Көңілің Алатаудың ақ қарындай,
Мейрімің күннің шуақ шақтарындай.
Қалайша аяулы ана тына алармын,
Ән болып сағыныштан ақтарылмай,-деп абзал аналарымыз бен қырмызы қыздарымыздың құрметіне «Ақ мамам» атты әнін қабыл алыңыздар.
Мың бұралып билеген
Аруды кім сүймеген .
Күміс көмей аруларға
Кімдер басын имеген-дей отырып келесі кезекті 2-сынып қыздарының орындауындағы «Көңілді күн» биіне береміз.
Бекзат:Аналар адамды бесігімен баулиды... Өмірдің іргетасы солардың қолымен қаланады. Егер де бір үйде қыз бала дүниеге келсе, береке, молшылық, бейбітшілік болады, ата-анасына қуаныш әкеледі деп жорыған екен.Әсіресе обасының ұйтқысы әжелеріміздің орны ерекше.Әжелер әрқашан біздің қамқоршымыз,қорғаушымыз,қолдаушымыз!Сондықтан әжелерімізге мың алғыс!

Көрініс: «Әжесі мен немересі»
Бекзат:Теңіздей тербетіліп көл бетінде,
Бишілер билеп кетті тербетіле.
Аққудай қалықтаған теңіздегі,
Бишілер өнерлерін көрсетуде,- алдарыңызда Қайнар мен Наргиздің  орындауындағы «Қара жорға»биін тамашалаңыздар. 
Бекзат:  «Анасы бар адамдар ешқашан қартаймайды» дегендей,сіздердің құшақтарыңызда  бақытты өмір сүріп жүрген бүлдіршіндеріңіздің әсем әнін қабыл алыңыздар.

Ән: «Балдырған »
Бекзат:
Десек те уақытпен жарыспайды,
Қиялға қиялменен қарыштайды.
Шәкірттер шын жүректен тебіреніп,
Жырларын аналарға бағыштайды. Олай болса балаларыңыздың аналар жайлы өлең шумақтарын тыңдайық.

Бәрі бірге: Анашым мені өсіргенің үшін, сабағымды қадағалағаныңыз үшін, тамағымды әзірлегеніңіз үшін, киімімді кірлетпегеніңіз үшін, тәтті дәмдіні менің аузыма тосқаныңыз үшін, мейірімділігіңіз үшін, қамқорлығыңыз үшін, бар жақсылығыңыз үшін үлкен алғыс білдіреміз.

Сергіту жаттығуы: аналармен бірге орындалады

Бекзат: «Аналар бір қолымен әлемді тербетсе,екінші қолымен әлемді тербетеді.»Баласы үшін ана кез-келген тәуекелге  бара алады. Керек десеңіз әртісте,мұғалімде,тәрбиеші де бола алады. Ендігі кезекте аналарымыз бен балаларының біріге әзірлеген тамаша өнерлерін тамашалауға шақырамын.

Бекзат:Ойынның аты «Балаңызды танисыз ба?» деп аталады.Ойын шарты:Аналардың көздері байланады,өз балаларын иісі арқылы табады.

/Аналарға сыйлықтар табыстау./  ойын «Кім тез?»

Бекзат:  «Хат қоржын»айдары

Жазылған хаттардан  аналар  өз балаларының хатын табады.Кезекті балалар шығармашылығына береміз. «Бұл кім?» деген ойын ойнамақшымыз. Балалардың жазған шығармаларынан әр ана өздерін тануы тиіс.
Ақбота:. Менің анам өте ақылды.Менің үнемі сабағыма көмектеседі.Маған үй жинауды үйретеді.Оның ұрысқанының өзі маған ұнайды.Еркелігімді көтереді.Анам алысқа кетсе мен оны сағынамын.Анамның менің қасымда ауырмай жүргенін қалаймын.Мені «қонжығым деп еркелетеді.Мен анамды мақтан етемін,шексіз жақсы көремін.
Орынай:Менің анам көп баланың анасы. Бірақ ол бар баласына қарап үлгіреді.Өйткені оның қимылы ширақ. Үстімізді таза ұстап жүруімізді, тіпті үй ішінің тазалығын да қарап үлгереді.Дәмді тағамдар пісіреді.Мен анамның кеспесін,дәмді печеньесін жақсы көремін.Мен анамды мақтан тұтамын.Ол мені «ботам»деп еркелетеді.
Ұлжан:. менің анам өте сұлу. Ол мейірімді, қамқоршы жан.Мен ауырып қалсам дәрі береді. Анам қасымда болса мен көңілді жүремін. Ол біз үшін жұмыс жасайды.Қолы бос уақытында сабағыма көмектеседі,еңбек етуге үйретеді.
Қайнар:Менің анам ақылды.  Мен оған үй тірлігіне көмектесемін. Ол мені  еркелетеді.Оның пісірген барлық тағамдары дәмді.Ол мені еңбексүйгіштікке үйретеді.Мен анамды жақсы көремін.Арасында менің сабағымды қарап,оқы деп отырғызып қояды.
Наргиз: Менің анам қараторы, орта бойлы. Ол өте қамқор жан.Біз ауырып  қалсақ ол жанын қоярға жер таппайды. Маған анам далаға шыққанда жылы киімдер киіндіреді. «Жаным»деп еркелетеді. Анашым бір жаққа кетіп қалса,өзімді жалғыз қалғандай сезінемін.Оның қолынан әр түрлі салаттар мен тағамдар дайындау келеді. Мен оған үй жинап, ыдыс жууға көмектесемін Менің мамам сабағымды қадағалайды.

Бекзат:Ол өте мейірімді. Ол көзәйнек кисе де әдемі көрінеді. Оның әр тамағын сүйсініп жеймін.
Бекзат:  Ойын «балалық шақты еске түсіру». Аналарымыз да бір сәт өзінің бала күндерін еске түсірісін.

Бекзат: «Аналармен сұхбат»айдары.Аналар әртүрлі сұрақтарға жауап береді.

1. Бала кезіңізде қандай ойын ойнадыңыз?

2. Анаңыз сізді еркелеткен шығар.Қандай сөздерді көп айтатын еді?

3. Бала кезіңізде айтқан әнді орындап беріңізші?

4. Бастауыш сынып оқып жүргенде жаттаған тақпақтарыңыз есіңізде ме?

5. 8-наурызда алғаш рет кімнен сыйлық алдыңыз?

6. Ең алғаш анаңызды қуантқан күніңіз есіңізде ме?

 Бәріне:Ең алғаш ана атанған күніңіз есіңізде ме? Ана болу бақыт па?

7. Мерекеде жылы лебіздеріңіз?

ІУ.. «Мейірімділік алаңы» жаттығуы 
Мақсаты: Отбасындағы мейірімділік, шынайы сезімдерін білдіру.
Нұсқау: Барлығына шар беріледі баласы шарды үрлей отырып, анасы баласына деген
еркелету сөздерін айта бастайды.
Талқылау: 1. Күнделікті осы сөздерді қолданасыз ба?
2. Ерекше сөзіңізге риза болдым?
3. Еркелетіп айтатын сөздер қиынға соқты ма?

Рефлексия

Мереке ұнады ма? /смайлик арқылы білдіру/

Өте жақсы              жақсы              орташа                        төмен

 

                   -

Бекзат: Ана –барлық қиындықты жеңетін сарқылмайтын күш,тіршіліктің қайнар бұлағы.Бөбегін бесікке бөлеп,әлдилеп аялаған ана бақыт құшағында емес пе?!
Барша ана,құтты болсын мерекеңіз
Әрқашанда ана сізбен берекеміз.
Ақтасақ ақ сүтіңді,асыл анам.
Сонда біз кісілікке теңесеміз.
Құрметті қонақтар ,біздің бүгінгі мерекелік кешімізді көңіл қойып тамашалағандарыңызға көп-көп рахмет.
Демеңіз біз өнерді аяп қалды,
Мезгіл де біраз жерге таяп қалды.
Қош болып тұрыңыздар көріскенше,
Осымен концертіміз аяқталды.

Сау-саламатта болыңыздар!