Сабақтың тақырыбы:
Нан – дастархан байлығы
Сабақтың мақсаты: 1) Нанды қастерлеуге, ас атасы
–нан екендігін, нанның адам өміріндегі ең маңызды ас екендігін, оның оңай
жолмен келмейтіндігін айтып ұғындыру. Нанның қалай дастарханға келетінін айтып
оған көптеген адамдар еңбек еткендігін түсіндіру.
2) Өмірден алған білімдерін, түсініктерін
жетілдіру
3) Еңбек адамдарын сыйлай, нанды қастерлей
білуге тәрбиелеу.
Сабақтың көрнекілігі: интерактивті тақта,
физикалық карта, дастархан, пісірілген нан түрлері, үлестірмелі суреттер.
Сабақтың барысы:
І. Ұйымдастыру бөлімі.
Хор: «Қазақы дастарханым»
- Ән қалай аталады? Дастарханға қойылатын
дастархан сәні, ең қадірлі ас қалай аталады?
- Нан.
ІІ. Негізгі бөлім
- Олай болса, бүгінгі сабағымыз « Нан –дастархан
байлығы» деп аталады.
- Балалар «Нан – береке бастауы», «Дастархан
көркі – нан» демекші бүгінгі тәрбие сағатымызды нан туралы тақпақтан бастасақ.
Нұршат
1-оқушы: Нан –ардақты адал ас,
Кәрі-жас одан аттамас.
Нандай жоқ қой асыл дән,
Жеп үйреген жасыңнан.
Дастарханнан нан кетсе,
Береке кетер асыңнан.
Амина2-оқушы:
Ей, балалар, балалар,
Болмаңдар, сірә, нанға тар.
Өмірдің алтын арқауы,
Бар қасиет нанда бар.
Айкөркем 3-оқушы: Даланың арынан,
Даланың таңынан,
Даланың жанынан өседі,
Нан – жемісі ол кешегі.
Нан-өмір,
Жеміспен алып келген кешегі.
Нанға пірім деп,
Жырым деп табынам.
4-оқушы: Нанда өмірдің иісі мен дәні бар,
Нанда адамның еңбегі мен ары бар.
Нан - өмірдің ана сүті, арқауы,
Нансыз жерде қай өмірдің сәні бар.
Інжу5-оқушы:
Еліміздің құдіретін асырып тұрған
Менің де,
Сенің де,
Оның да мерейін үстем қып тұрған
Ол - Нан!
Хормен:
Нанды кім қорлайды,
Аштықтан сол сорлайды.
- Балалар, нан неден алынады?
- Бидайдан
- Бидай астық тұқымдасына жататынын білесіңдер
ме? Ендеше сендерді астық тұқымдасына жататын дақылдармен таныстырайын.
Сахналық көрініс:
Бидай: Нан анасы бидаймын,
Елге астық сыйлаймын.
Дәнім толып піскенде
Қауызыма сыймаймын.
Арпа:
Күміс мұртты арпамын,
Ырыс құтты арпамын.
Еңбек етіп баптаған
Еліме сый тартамын.
Тары:
Ақ, қарамын, сарымын,
Мен өнімді тарымын.
Халқым еңбек сіңірсе,
Қайтарамын қарымын.
Сұлы:
Мен сұлымын, ұланның
Тұлпарына ұнадым.
Баптаған әр диқанға
Басымды иіп тұрамын.
Күріш:
Күнді сүйген күрішпін.
Күллі жұртқа ырыспын.
Алсын деп ел мол өнім
Ала жаздай су іштім.
Көрініс: «Қайдан келдің, бауырсақ?» Ақбота –автор Нұршат-бауырсақ ,Айкөркем-қуыршақ
Дастарханда шашылып,
Жатты аппақ бауырсақ.
Бауырсаққа қызығып,
Қарап тұрды көзін сап:
-Қайдан келдің, бауырсақ?-деп сұрады қуыршақ.
-Дүкеннен келдім нан сатқан,- деді оған бауырсақ
-Дүкенге келдің қай жақтан?
Наубайдан келдім нан жапқан.
Наубайға келдің қай жақтан?
-Диірменнен келдім ұн тартқан.
-Диірменге келдің қай жақтан?
-Даладан келдім кең жатқан.
Жер-анам менің көсілген,
Диқандар мені өсірген.
Тойдың сәні әнменен - демекші ендігі кезекте нан
туралы мақал-мәтел айтайық.
1.Қоныс көркі – там,
Дастархан көркі – ... (нан)Жауқазын
2.Дастарханында наны жоқтың
Тамағының дәмі ....
жоқ. Каусар
3.Нан болса, ән...
болады. Камшат
4.Тістем нанның қадірін,
Тарыққанда ... (білесің)Нұрниса
5.Нан қиқымын шашпаңдар,
Жерде жатса ... (баспаңдар) Айгерім
Тыйым сөздер
1.Нанды бір қолмен үзуге болмайды.Диас
2.Нанды төңкеріп қоюға болмайды.Малика
3.Нанды аяқ астына тастама.Даниал
4. Дүкенге барғанда нанның сапасын қолыңызбен
анықтамаңыз. Бұл тазалыққа да, мәдениеттілікке де жатпайды.Нұрдаулет
5.Нанды сатып алғанда таза дорбаға салыңыз.Миржан
Ұлағатты сөздер
1.Дүниеде байлықтың түрі көп. Солардың
ішіндегі ең негізгісі–осы нан байлығы. (Ғабиден Мұстафин)Нұрасыл
2. “Егер менен әлемдегі ең асыл не?”дей қалса,
бөгелместен “Нан” деп жауап берер едім. Себебі, нан әлемнің жарығы күннен нұр
алады, адамға күннің нұрын құяды.Оның өмірін күндей жарқыратады. (Ыбырай
Жақаев)Зарима
Сөзжұмбақ шешу.
1. Астық неден алынады?
2. Механизатор әйелді ата.
3. Нан қайда пісіріледі?
4. Ұнның сорты
5. Бидайдан ұн жасайтын жер.
6. Тары атасы кім?
7. Бидайды немен орады?
8. Күріш атасы атанған адам.
Қорытынды.
Нан қиқымын шашпаңдар,
Жерде жатса баспаңдар.
Теріп алып қастерлеп,
Торғайларға тастаңдар! –дей келе бүгінгі «Нан –
дастархан байлығы» атты тәрбие сағатымызды аяқтаймыз.
Оставьте свой комментарий
Авторизуйтесь, чтобы задавать вопросы.