3 сынып Тақырып: Табиғатты қорғай білейік

А. Байтұрсынов атындағы толық ұзартылған күн тобымен жұмыс жасайтын

бастауыш гимназия

Тәрбие сағаты

Тақырыбы:

(ойын)

     Өткізген: Қалмағанбетова Д.Б

                     3 «А» сыныбы

Арқалық қаласы

Сәуір  айы

2016-2017 оқу жылы

Тақырыбы: Табиғатты қорғай білейік.
Мақсаты: Оқушылардың қоршаған орта туралы түсініктерін кеңейту..Табиғатқа деген сүйіспеншілікке, қамқорлыққа тәрбиелеу.

Түрі: ойын
Көрнекілігі: табиғаттың суреттері, сөзжұмбақтар.

Барысы:

Ø  Ұйымдастыру 

Ø  «Жаңбырмен жер көгерер,батамен ел көгерер»(мақалды жалғастыру)

Ø  «Тіршіліктің көзі - табиғаттың өзі»(дүниетану пәні бойынша сұрақтар қою)

Ø  «Табиғат- тіршілік иесі»(жұмбақтар шешу)

Ø  «Құстар-біздің досымыз»(сөзжұмбақ шешу)

Ø  Қорытындылау

Ұйымдастыру кезеңі.

Балалар, бүгінгі сабағымызды бастамас бұрын мен сіздерге мынадай сауал қойғалы отырмын.

Мұғалім: Жазда барып өзеннің жағасына бөгелдім,

                Кім айтады, кәнекей, ол жерден мен не көрдім?

Оқушылар: Тау, өзен, ағаш, құстар, гүлдер т.б

-Табиғат дегеніміз не?

Көркем: Табиғат - ол су. Суды тіршілік көзі дейді. Сусыз жер бетіндегі тіршілікті елестету мүмкін емес.
Жұлдыз: Табиғат - ол топырақ. Жер бетіндегі тіршілік атаулы қоректік нәрді топырақтан алады.

Таңшолпан: Табиғат - ол өсімдік. Өсімдік - бұл жасыл желек, көк майса құрақ, қызыл - жасыл гүлдер. Өсімдік ашыққанда - тамақ, шөлдегенде - сусын, ыстықта - көлеңке, суықта - пана, ауырғанда - дәрі, ренжігенде - қуантатын табиғаттың сұлу көркі. Өсімдік – таза ауа, еліміздің дәулеті - жасыл желек, орман.

Құрманғали Айша:  Табиғат - ол Жануарлар әлемі. Жүгірген аң, ұшқан құс, дала ажары - ақбөкен, әні мен сәні - бұлбұл, су аруы - аққу табиғатымыздың сәні емес пе?

-        «Жаңбырмен жер көгерер,батамен ел көгерер»-дей келе табиғат туралы мақал-мәтелдің жалғасын табайық.

Мақал-мәтелдер.

1.      Ер-елдің көркі,орман тоғай.../жердің көркі/.

2.      Бір тал кессең,.../он тал ек/.

3.      Дәрі.../ шөптен шығады/,дана көптен шығады.

4.      Қорада малың болсын,көшеде.../талың болсын/

5.      Атаңнан мал қалғанша,.../тал қалсын/.

6.      Бұлақ көрсең.../көзін аш/.

7.      Сулы жер құрақсыз болмас,таулы жер.../бұлақсыз болмас/.

8.      Жылап жүріп арық қазсаң,.../күліп жүріп су ішерсің/.

«Тіршіліктің көзі - табиғаттың өзі» (дүниетану пәні бойынша сұрақтар қою) Сұрақ-жауап.

1.      Көкжиек тұстарын анықтайтын арнаулы құрал?(Тұсбағар)

2.      Бір заттың көлемін кішірейтіп көрсететін сан?(Масштаб)

3.      Қара алтын?(мұнай)

4.      Ұя салмайтын құс?(көкек)

5.      Көру мүшесі?(көз)

6.      Жер бетінің қағазға кішірейтіліп салынған бейнесі?(карта)

7.      Жердің бетіндегі әсемдік өсетін борпылдақ жұмсақ қабаты?(топырақ)

8.      Адам денесінің тірегі?(қаңқа)

9.      Ақ алтын?(мақта)

10.    Есту мүшесі?(құлақ)

11.    Жер қыртысын толтырып жатқан денелер?(тау жыныстары)

Табиғат- тіршілік иесі (жұмбақтар шешу)

1.Аспай піскен

Қайнамай түскен (жеміс)

2. Өзі көзі- Көзі –өзі (күн )

3.Күндіз тығылады,түнде қыдырады .( жұлдыз)

4.Әкесі құстан,шешесі тышқан,ол не? (жарқанат)

5. Әуеден күбі түсті,

Күбінің түбі түсті (найзағай)

6. Қызығып әр адам

Ұстап ап даладан,

Жүніңді жұлып ап

Бесікке қадаған,

Бұл қай құс? (үкі)

4.Құстар-біздің досымыз(сөзжұмбақ шешу)

1.Жасыл орман желекті

Оның күтіп-баққаны

Тоқылдатса теректі-

Құртын қуып жатқаны (тоқылдақ)

2.Суда жұбын жазбайтын құс (аққу)

3.Ұшады қалықтайды,

Сайраудан бір жалықпайды. (бұлбұл)

4.Қыран құс (ителгі)

5.Құстың атымен аталатын қыз есімі (Қарлығаш)

6.Бантигі бар басында

Бір құс жүр үйдің қасында (тауық)

7.Сөйлей алатын ,қолға үйренген құс (тотықұс)

Қорытынды:

Табиғат – бүкіл тіршілік атауының алтын ұясы және аялы бесігі, құтты қонысы мен өсіп - өнер мекені. Табиғат – адамға қажет баға жетпес байлық, ырыс пен мол қазынаның қайнар көзі екен. Сол себепті табиғаттымызды қорғай білейік оқушылар.

Қорытынды тұжырым:

   3 «А» сыныбында «Табиғатты қорғай білейік» атты тәрбие сағаты  ойын түрінде өткізілді. Табиғат дегеніміз не? Деген сұраққа оқушылар өз ойларын айтты. «Жаңбырмен жер көгерер,батамен ел көгерер» мақал-мәтелдің жалғасын тауып айта білді. «Тіршіліктің көзі - табиғаттың өзі» дүниетану пәнінен сұрақтарға, «Табиғат тіршілік иесі» жұмбақтар оқушылар тез жауап бере білді көп біледі. «Құстар біздің досымыз» сөзжұмбақтар шешті. Оқушылар табиғатты қорғау, оның байлықтарын тиімді пайдалануға өз үлестерін қосу керектігін айтты. Тәрбие сағаты тартымды өтті.