1-сыныпқа арналған ашық сабақ

Қысқа мерзімді жоспар

Математика

Сабақ: 47	Мектеп:  Бұланды орта мектебі
Күні:	Мұғалімнің есімі: Ермекова Жанаим Зейнуллақызы
СЫНЫП: 1	Қатысқандар саны:	Қатыспағандар саны:
Сабақ тақырыбы:	Сандық сәуленің көмегімен қосу және азайту
Оқу мақсаты:	Қосу амалын ортақ элементтері жоқ жиындардың бірігуі, азайтуды жиынның бөлігін ажыратып алу ретінде түсінеді; Ондықтан аттамай, 20 көлеміндегі сандарды/ ондықтарды ауызша қосу және азайтуды орындайды; “+”, “–”, “=” таңбаларын қолданады.
Ресурстар:	кішкентай ойыншықтар; геометриялық фигуралар; тақтаға ілінген цифрлармен жазылған 11-ден 20-ға дейінгі сандары бар сандық сәуле; санауға қолдануға болатын кез келген заттар.
Тірек сөздер	Сандық сәуленің көмегімен қосу және азайту
Сабақтың мақсаты:	Қосу амалының ұғымын екі жиынның бірігуі және азайту амалын қосуға кері амал ретінде қалыптастыру; сандық сәуленің көмегімен қоса және азайта білуге үйрету.
Сабақтың барысы
Сабақтың жоспарланған кезеңдері	Сабақтағы жоспарланған іс-әрекет
Басы	Психологиялық дайындық. Біз қандаймыз, қандаймыз, Шұғылалы тағдаймыз. Күлімдеген күндейміз, Еш уайымды білмейміз.       Ал, балалар, енді бір-бірімізге күлімдеп қарайық.  Бүгінгі сабақта ертегі еліне саяхатқа шығамыз.
Ортасы	Кіріспе.  Ертегіге саяхат. Балалар, «Бауырсақ» ертегісін білеміз бе? Кәне, тыңдайық: Ерте, ерте, ертеде бір ата мен әже болыпты. Атасы: кемпір-ау, маған бауырсақ пісіріп берсеңші. Әжесі: неден пісірейін ұн жоқ қой. Атасы:- қаптың түбін қақ, бауырсақтық ұн табылып қалар. Әжесі солай істейді: қаптын түбін қағып, қалған ұннан бауырсақ пісіреді де, суытып терезе алдына қояды. Бауырсақ домалап кетеді... -          Орман ішіне домалап келіп, коянға кездеседі. Қоян оны жегісі келеді екен. Бауырсақты жегізбеу үшін, қоянның айтқанын тыңдап, тапсырмасын орындайық. Қоянның тапсырмасы. -Өрнектерді қандай амалдар арқылы құрастырамыз? (“+”, “–”, “=”) Сандық сәуле - нүктелері санмен белгіленіп көрсетілген сәуле. Сандық сәуленің көмегімен қосу — оңға қарай қозғалу болса, азайту — солға қарай қозғалу болып табылады екен. Оқушыларға 12 және 3 ойыншықтан тұратын топпен әртүрлі есептер құрау.  Ойыншықтарды жеке-жеке санайды, олардың санының қанша екенін белгілетіп қояды. Одан кейін 12 мен 3-тің бірігуі 15 болатынын айтады. -Балалар, осы ойыншықтарды біріктірген кезде не өзгереді? Осы іс-әрекетті қалай атауға болады? Заттар жиынын біріктіру дегеніміз қосу, осы ретте “плюс” белгісін қолданамыз. Қосуды сандық сәуленің көмегімен орындауға болады. Сандық сәуле бойынан ойыншықтардың санын көрсететін санды белгілейміз. Осы санға нешені қостық? Қосу амалы кезінде сандық сәуле бойымен оңға қарай жылжитынымызды білеміз. 12+3=15 -          Бауырсақ қояннан құтылып кетеді. Жүріп келе жатып, шөп үстінде құлпынай жеп жатқан аюға кездеседі. Аю да оны жегісі келеді. Бауырсақты жегізбеу үшін,енді аюдың тапсырмасын орындайық. Аюдың тапсырмасы.  Қарындаштарды санау. Ондағы заттардың саны бірінші топтағы ойыншықтардың қосындысы, яғни 15 болады. Егер осы ойыншықтардан 3 ойыншықты алып тастаса, қанша қалады? Немесе 12 ойыншық алса ше? Балалар, заттардан қандай да бір бөлікті алып тастаса, онда бұл амалды азайту амалы деп атаймыз. Ол кезде “минус” таңбасын қолданады.15-3=12. Сергіту сәті. Ноутбуктан көреді. -          Бауырсақ домалап аюдан қашып, ағаш түбінде жатқан қасқырға кездеседі. Қасқырдың тапсырмасы. Аквариум. Аквариумда 13 алтынбалық және 4 семсербалық бар. Аквариумда барлығы қанша балық бар? Оқушыларға мына сұрақтар қойылады: — Қандай амалдың көмегімен аквариумдағы балық санын табуға болады? — Мұны сандық сәуледе қалай көрсетеміз? — Қосудың нәтижесін табу үшін сандық сәуле бойымен қай бағытта қозғалуымыз керек? Бауырсақ: «рақмет, балалар, қасқырдан да құтқардыңдар» деп әрі қарай домалап келеді. Бауырсақ домалап келе жатып, бір дыбыстарды естиді: Түлкі: Түлкішегім, құлыным             Сен ғой менің тілегім.             Аңшы кімді қумаған?             Жарылмасын жүрегін!-деп түлкі баласын үйретіп жатыр екен. Түлкінің тапсырмасы: Көңілді бақалар. Тоған жағасында 17 бақа отыр. Олардың 2-уі тоғанға секіріп кетті. Неше бақа қалды? Оқушыларға мына сұрақтар қойылады: — Қандай амалдың көмегімен жағалауда қалған бақа санын табуға болады? — Мұны сандық сәуледе қалай көрсетеміз? — Азайтудың нәтижесін табу үшін сандық сәуле бойымен қай бағытта қозғалуымыз керек? Қосымша тапсырма (дәптермен жұмыс)
Соңы	Кері байланыс. — “+” белгісі қолданылатын амалды қалай атайды? — “–” белгісі қолданылатын амалды қалай атайды? — Сандық сәуленің бойымен сандарды қосқанда қалай қарай жылжимыз? Ал азайтуда ше?  Балалар, Бауырсақ сендерге рахмет айтып, көмектескендерің үшін сыйлық дайындап қойыпты. Ол сыйлықтың қайда екенін мына сұраққа жауап беру керек: «Фигура топтарының арасына қандай таңба қою керек?» Енді өздеріңнің парталарыңның астын қарап көріндер. (қарайды, ішіндегі смайликтер мен кәмпиттерді алады)
Рефлексия Оқытудың/сабақтың мақсаттарына қол жеткізілетін дей болды ма? Бүгін оқушылар не нәрсеге үйренді? Оқыту атмосфера сы қандай болды? Мен жоспардан қандай ауытқушы лықтар жасадым және неліктен?	______________________________________________________________________ ______________________________________________________________________ ______________________________________________________________________ ______________________________________________________________________ ______________________________________________________________________ ______________________________________________________________________ ______________________________________________________________________ ______________________________________________________________________ ______________________________________________________________________ ______________________________________________________________________ ______________________________________________________________________ ______________________________________________________________________