4 сыныпка арналаган ашык сабак

              Менің елім-Қазақстан

Мақсаты:Білімділігі: Еліміздің тарихы туралы түсінік беру,халқымыздың әдет-ғұрпын,салт-дәстүрін сақтап әрі қарай жалғастыруға тәрбиелеу,еліміздің Тәуелсіздік тарихына шолу жасау.Оқушыларымызды ата-бабаларымыздың Тәуелсіздік жолындағы ерлігі үлгісінде халқына қызмет етуге тәрбиелеу.Ұлттық санасын,ұлттық болмысымызды және ар-намыс,ұлттық рухтық қасиеттерді қалыптастыру.

Көрнекілігі: рәміздердің суреті,Нұрсұлтан Назарбаевтың жеке суреті,қанатты сөздер,Тәулсіздікке байланысты слайдтар,Қазақстан картасы.

Барысы:

Дамир: Армысыздар,ардақты ағайын!

Гүлсезім: Қайырлы күн,қадірменді халайық,бауырлар:

ДамирТыңда жолдас,тыңда далам,тыңда ел.Сөйлеп тұрған күн шығыстан,жомарт өңір Қазақстан!

Гүлсезім:Жасыл шүйгін,кең жайлау,асқар тау,кербез орман,ерке жел.Жанға сая панамыз-Қазақстан көркем жер

Дамир: Қазақстан салтанаты жарасқан! Бір отбасы,бір туысқан,бір-біріне қарасқан.

Гүлсезім: Қазақстан-бүгін міне достықтың туын тіккен жер!Мәуелі бақтай жемісін шашты ұлыстар,бір кісідей маңдай терін төккен жер

Дамир:Тарих еске алып отырғанды ұнатады.Ал,біздің тарихымыз құдайға шүкір жетерлік.Тарихтың әлбетте қуанышпен еске алатын тұстары да,өкінішпен қарайтын кездері де болады.

Гүлсезім:Маңызы зор біздің тәуелсіздігіміздің тарих бетіне жазылғанына да біршама жылдар легі өтті.

Дамир: Ендеше мерекелеріңіз құтты болсын!

Біздің елдігіміздің белгісі әнұранымыз орындалсын.

           Шайқалмасын ешкімнің шаңырағы,

           Бақыт көрсін елімнің әр ұланы.

           Енді ағайын,көгінде қалықтасын

           Қазағымның қастерлі әнұраны.

Бекарыстан: Бүгінгі күн қазақ халқы азат болды,

                      Орын алды тарихтың төрінен.

                      Бақыт тапты,шаттық көрді,қош айтысты

                      Сан ғасырлық шерімен.

Айым: Бүгін міне,азаттықтың арайлы таңы щұғыла шаштың,

            Ел мерейін асырды,егемен ел нұрландырды ғасырды,

Олай болса ғасырлар мен жылдарға кезек берейік.

(Оқушылар бастарына әр жылды жазып алып шығады)

Гүлсезім:Қазақ халқының XVІІІ ғасырдағы тарихы арпалысқа толы болды.Жер бетінде бар болу,не жоқ болу деген жанкешті тынымсыз заман еді.

Дамир:XX ғасырда ұлттың ұлт ретінде өзін тануы «Ұлттың болашағы не болады» дегенге жауап іздеген ұлт зиялылары тарих сахнасына көтерілген.

Ақтанберді:1930-1933 жылдар-халқымыздың жартысынан көбі жалмаған ашаршылық жылдары.

Аяған:1936-1938 жылдарда ұлт зиялыларына репрессия болды.

Ернұр:1941-1945 жылдар СССР-Германия соғысы.1954-56 жылдарда өзге ұлт өкілдері Қазақстанға көптеп қоныстана бастады.

Бекарыстан: Қазақстаным-өзенім,көлім

                      Қазақстан кең байтақ жерім.

                      Қазақстан-еңселі елім,

                     Қазақстан-Республикам менің!

Айым: Ержүрек ел қайтпайтын от пен судан.

            Еңбек етсе аққан тер бетін жуған.

            Небір дана ақын мен батырларды

            Халқы үшін қахарман қазақ туған.

(Қаражорға биі биленеді.)

Тәуелсіздік тұлғаларымен таныс болайық .Ұлт зиялылары –Мұстафа Шоқай мен Әлихан Бөкейхан.

Мұстафа Шоқай кейпінде: Тәуелсіз Түркістанның рухымен жастар,сіздер осы қасиеттін қалай және қандай қиыншылықпен келгенін  бара бара білетін боларсыңдар.Соны ешқашан ұмытпайық балалар!

Әлихан Бөкейхан кейпінде:Бұл блоып тұрған заман-алаштың азаматына зор жүк.Бізде бірлік болып,іс қыла білетін шебер табылса,алаштың басы бақыт жолына түсті.Кейінгі ұрпақ не алғыс,не қарғыс бере жүретін алдымызда зор шаралар бар.Осыны аңғар жұртым қазақ.

(Көрініс: «Қайрат Рысқұлбековтың соңғы сөзі»

Ән «Елім менің»

Дамир;Дүбірлетсін өңірді,

             Дүбірлесін дүлділі.

             Қазақ деген елімнің

             Құтты болсын бұл күні!

Айым:Құрметті кешке жиналған көрермен қауым ,сіздерге өмірлеріңіз ұзақ,дендеріңіз сау,еліміз тыныш,жұртымыз аман,көңілдеріңіз көтеріңкі,шат шадыман шаттыққа толы болсын деген игі тілектер жолдаймыз,біз өздеріңізбен қоштасамыз!

Қазақстан Республикасы Білім және Ғылым министрлігі

                             №103 орта мектеп

Орындаған: Г.Алиева

                                    2015-2016 оқу жылы