Сыныптан тыс шара. "Ертегілер елінде"

                                 Ертегілер елінде

Тақырыбы: «Ертегілер елінде»

Мақсаты: Балалардың бос уақытын тиімді ұйымдастыру, ертегі туралы түсінік беру, кейіпкерлерді сахналау барысында кейіпкерлердің мінез-құлқын жеткізе білуге үйрету. Ертегідегі кейіпкерлердің сөз мәнерін, қимыл-қозғалысын келтіріп ойнауға үйрету.

Балаларды ұқыптылыққа, жан-жануарларға қамқор болуға, ұжымшылдыққа, адамгершілікке, мәдениеттілікке тәрбиелеу.

Керекті көрнекіліктер: Шалқан ертегісінің суреті, дорба, ертегі кейіпкерінің екі түрлі суреттері, құрастыратын суреттер.

Барысы:          Шаттық шеңбері

                        Саяхат жасау

Мұғалім: Балалар, әуелі біз дөңгеленіп, біріміздің қолымыздан біріміз ұстап, шаттық шеңберін құрайық. Бәріміз хормен қосылып айтайық: Армысың құдіретті Аспан ата, Армысың мейірімді Жер ана, Армысыздар келген қонақтар, Армысың менің жан досым.

-Балалар, бүгін бізде сыныптан тыс жұмыс, біз сиқырлы пойызға отырып барлығымыз ертегілер еліне саяхатқа барамыз. Қане, бәріміз пойызға отырып, кетейік. (Балалар бір-бірінің иығынан ұстап, пойыздың дыбысын шығарып жүреді.)

 «Ойшылдар» аялдамасы

Мұғалім: Балалар біз «Ойшылдар» аялдамасына келдік. Бұл аялдамада қараңдаршы сиқырлы қапшық бар екен. Ішінде не бар екенін білесіңдер ме?

Балалар: Жоқ, білмейміз

Мұғалім: Олай болса Әсел кел, қарашы, ішінде не бар екен?

Балалар: Суреттер

Мұғалім: Ия, дұрыс айтасыңдар. Бұл жай сурет емес, ертегі суреттері. Бұл қай ертегінің суреті айтыңдаршы?

Балалар: Шалқан ертегісі.

Мұғалім: Дұрыс. Біздер шалқан ертегісін білеміз бе?-Ендеше бізге Борис айтып берсін.

«Тапқырлар» аялдамасы

Мұғалім: Енді біз «Тапқырлар» аялдамасына келдік. Жарайсыңдар, сендер енді ойын ойнағыларың келе ме?

Балалар: ия

Мұғалім: Біз қазір «Айырмашылығын тап» ойынын ойнаймыз. Ойынның «шарты: екі ертегідегі кейіпкердің суреттері берілген, сол екі суреттің бір-бірінен айырмашылығын табу керек.

-Жарайсыңдар. Бұл ойынды жақсы ойнадыңдар. Пойызымызға мініп, саяхатымызды әрі қарай жалғастырамыз. «Сергіту сәті»аялдамасына кедік.

«Сергіту сәті»аялдамасы

Ал, балалар қараңыз

Таңғажайып бар аңыз

Ертегілер еліне

Қыдырып бірге барамыз.

Мұғалім: Жарайсыңдар, балалар. Енді пойызымызға мініп саяхатымызды жалғастырайық.

«Құрастыру» аялдамасы

Мұғалім: Біздер енді қиылған суреттерден ертегі құрастырамыз. Ертегінің атын табамы.

Балалар біз келесі аялдамада ертегілерден үзінді оқимыз. Үзінді қай ертегіден алынғанын тауып, әрі қарай жалғастырасыңдар.

«Кім шапшаң» аялдамасы.

1.     Енді не қыламын?-деп бара жатса, бірін қазып жатқан тышқанды көреді. Ол тышқанды бас салады.

-Жаның барында айт! Үйіңде не бар?-дейді.

Тышқан қорыққанынан:

-Үйімде бір уыс тары бар,-дейді.

Ол: -Маған бір уыс тары бер бер,-дейді.

-Бұл қай ертегіден алынған балалар?

Балалар: «Мақта қыз бен мысық»

2.     Үшінші рет салғанда, түсті, әйтеуір бір балық. Балыққа тіл бітіп: «Жібер мені қарт, еңбегіңді жемеймін, қалауыңды айт»,-деді.

Балалар: «Алтын балық»

Мұғалім: Жарайсыңдар, балалар. Ертегінің жалғасын таптыңдар. Саяхатымыздың соңғы аялдамасына келіп тоқтаймыз. Балалар, енді біздер бұл аялдамада «бауырсақ» ертегісін сахналаймыз.

«Ертегілер» аялдамасы.

Көрініс «Бауырсақ» ертегісі. (Балалар бауырсақ ертегісін сахналайды)

Мұғалім: Балалар өте тамаша, сіздер бүгінгі сыныптан тыс жұмыста белсенді болып, барлығыңыз жақсы қатыстыңыздар.

Осымен бүгінгі «ертегілер елінде» атты сыныптан тыс жұмысымыз аяқталды. Келгендеріңізге көп-көп рахмет!