Сөйлеуді дамытудан "Ойыншық дүкені" атты тақырыпта технологиялық карта

ІІ кіші тобындағы  ұйымдастырылған  оқу  қызметінің

                                                        технологиялық  картасы

Мерзімі: 22. 02. 2017 ж.

Білім беру саласы: «Коммуникация»

Бөлімі: «Сөйлеуді  дамыту»

Тақырыбы: «Ойыншық дүкені»  

Мақсаты: балаларды сұрақ – жауап әдісі арқылы әңгіме құрастыра білуге  үйрету.

Міндеттері:

Білімділік: сапа және әрекетті білдіретін сөздерді қолдануға ынталандыру (ақ, жұмсақ қоян, үлкен, мейірімді мысық секіреді т.б.);

Дамытушылық: ойыншықтардың атауларындағы «б», «п» дыбыстарын дұрыс айтуға жаттықтыру;

Тәрбиелік: ойыншықтарға деген мейірімділік, ұқыптылық сезімдерін ояту,өзінің де өзгенің де еңбегін бағалай білуге тәрбиелеу.

Сөздік жұмыс: қуыршақ, доп, кубиктер, машиналар

Үштілдік компоненет: аю – медведь – bear , ит – собака – dog , мысық – кошка – cat  

Керекті құрал – жабдықтар:   № 20 демонстрациялық материал (дүкендегі ойыншық түрлерінің суреттері), топтағы ойыншықтар

Іс - әрекет   кезеңдері	Тәрбиешінің әрекеті	Балалардың әрекеті
Мотивациялық- Қозғаушылық	Балаларды шеңбер бойымен тұрғызып, Е. Өтетілеуұлының өлеңін оқиды. Шаттық шеңбер: Біз ұқыпты баламыз, Айтқан тілді аламыз. Ойыншықты жинаймыз, Үлкендерді сыйлаймыз.	Жарты шеңберде тұрады  Бірге қайталайды..
Ұйымдастыру– іздестіру	Әңгімелесу. -         Сендердің сүйікі ойыншықтарың  бар ма? -         Қандай ойыншықты жақсы көресіңдер? -         Ойыншықтарды қалай ұстау керек? №20 демонстрациялық материалдағы сурет бойынша жұмыс: -         Қандай әдемі дүкен! Дүкенде қандай ойыншықтарды көріп тұрсыңдар? -         Динараға тек қана үлкен ойыншықтар ұнапты. -         Кәне, үлкен ойыншықтарды бізге кім атап береді? -         Үлкен ойыншықтар : Скуби – Ду, Гарфилд, Панда. -         Осы ойыншық аттарын бірге  қайталайықшы :  Скуби – Ду – ит, Гарфилд – мысық, Панда - аю. -         Енді осы сөздерді ағылшын және орыс тілдерінде де айтып үйренейік:  аю – медведь – bear (бэйә) , ит – собака – dog (дог) , мысық – кошка – cat (кәт).  Сергіту сәті: Сергіту сәтінде «Ойыншықтар» әнін айтады, музыкасымен. Тақпақ айтқызу. «Дүкендегі кезек» дидактикалық ойыны Ойыншықтарды қаз – қатар тізіп, сатушы болып отырады, балалар кезекке  тұрып, ұнаған ойыншықтарын сатып алады.	-         Бар. -         Дербес жауаптары. -         Ойыншықтарды ұқыпты, таза, сындырмай ұстау керек. -         Үлкен ойыншықтар : Скуби – Ду, Гарфилд, Панда. Екі тілдегі баламасын айтып, есте сақтауға тырысады. Әннің бір шумақ және бір қайырмасын қосылып айтады. «Добым» Добым, добым домалақ, Тоқтамайсың домалап. Үстел үстін бүлдірдің, Тәрелкемді сындырдың. Тентек болып кеттің деп, Келіп тұрмын тепкім кеп. «Қоян» Қоян, қоян тұршы, Беті – қолыңды жушы. Айнаға қарашы, Шашыңды тарашы. Әдемі көйлек киші, Бізге қонаққа келші. . Ойын барысында кезекке  тұрып, ұнаған ойыншықтарын сатып алады.
Рефлексивті– түзетушілік	Қорытынды: Суреттерді көрсете отырып, сұрақ – жауап арқылы оқу іс – әрекетті қорытындылайды. -         Қандай ойыншықтарды жақсы көресіңдер? -         Ойыншықты орысша қалай айтамыз? «Жақсылыққа құмармыз» шеңберi Жақсылыққа құмармыз, Жақсы адам боп шығамыз. Таза сәби жүректен, Қабылдаңыз мың алғыс!  Балаларды мақтап – мадақтайды.	-         Доп, қуыршақ, машина, конструктор -         Ойыншық орысша игрушки. Қайталап айтады, қимылдарын келтіреді.

Күтілетін нәтиже:

Білу керек: ойыншық атауларын  дұрыс атап, олар туралы білетіндерін әңгімелеуді;

Болу керек: дыбыстарды дұрыс айтуға деген ынтасы;

Істей білу керек: ойыншықтарға  қамқор бола біледі.

Тәрбиеші:  Г. М. Бұлақбаева

Тексерілді: _______________