Тақырыбы: "Мектеп және отбасының негізгі мәселелері"

Мектеп және отбасының негізгі мәселелері.

   Ой санасы дамыған, адамгершілік және дене тұрғысынан салауатты , мәдениетті тұлғаны жан- жақты қалыптастыруды көздеген  тәрбиенің мәселелері мектепті де, ата - ананы да әрқашан толғандырып келеді. Тәрбие жұмысының табысты болуының  басты кепілі  мектеп пен ата - аналар арасындағы қарым-қатынас. Өйткені адамзат бесігін тербеткен баланың бас ұстазы ата - ана. «Отбасында  адам бойындағы асыл қасиеттер жарқырай көрініп қалыптасады. Отанға деген ыстық сезім жақындарына ,туған туысқандарына деген сүйіспеншіліктен басталады.» - деп елбасы айтқандай , бала әкеден ақыл, анадан мейір алып өседі.

Отбасы мен мектептің өзара әрекетінің басты қызметтері:

·       Ақпараттық

·       тәрбиелік-дамытушылық

·       қалыптастырушылық

·       қорғау-сауықтырушылық

·       бақылаушылық

·       тұрмыстық

Аталған өзара әрекеттің міндеттері

·       -ата-аналардың белсенді педагогикалық ұстанымын қалыптастыру;

·       -ата – аналарды педагогикалық- психологиялық білім, біліктермен қаруландыру;

·       -бала тәрбиесіне ата- аналарды белсенді қатыстыру.

Отбасы мен мектептің өзара әрекетін ұйымдастыру жолдары

·       Отбасының тәрбиелік мүмкіндігі мен күш қуатын айқындау мақсатында зерттеу;

·       Отбасының адамгершілік бағыттылығына қарай оларды топтастыру;

·       Олардың бірлескен әрекеттерінің ағымдық және соңғы нәтижелерін талдау.

Оқушы отбасын зерттеу педагогқа отбасының тәрбиелік мүмкіндігі мен оның күш қуатының деңгейін анықтауға, соның негізінде бірлескен әрекеттің оңтайлы әдісін, формасын, таңдауға, нәтижесінде тәрбие мәселесін табысты шешуге мол мүмкіндік туғызады. Ол үшін мұғалім дәстүрлі педагогикалық-психологиялық диагностика әдістерінің кешенін пайдаланады. Отбасын зерттеу сынып жетекшіден кәсіби шеберлікті талап ететін өте күрделі мәселе болғандықтан, психолог пен әлеуметтік педагогтің қатысуымен оқушылардың тұрмыс жағдайлары мен сабаққа қатысу үлгерімін зерттеу мәселесін алдын алып қарқынды жұмыс жасалуда.

   Ата – аналармен 19-қазан куні отілген мектепішілік жиналыста отбасы мен мектеп арасындағы қарым-қатынастарды іскерлік және мүдделі талқылау түрінде өтілді. Біз көпшілік жағдайда мектептердің жетістіктерін атап көрсетіп жатамыз, алайда бұл табыстарға ата-ананың да аз еңбек сіңірмегендігін естен шығармауымыз керек.

  Жыл сайын республикалық « Мектепке жол» қайырымдылық акциясы өткізіледі. Әлеуметтік жағдайы төмен отбасы балаларына көмек көрсетіледі. Қорта келгенде жоғарыда аталып кеткен отбасы мен мектеп арасындағы қызметтерді тиімді пайдаланса, мектептің берер тәрбиесінің сапасы артылмақ.

№ 1 Егіндікөл орта мектебі

Баяндама:

Тақырыбы: Мектеп және отбасының негізгі мәселелері.

Орындаған әлеуметтік педагог: Сеилова М.Р

2015-2016 оқу жылы