Тақырыбы: Сөз және оның құрылымы

Тақырыбы:  Сөз және оның құрылымы

Мақсаты:  Оқушылардың 2-сыныпта дауысты, дауыссыз дыбыстар туралы алған білімдерін тиянақтауға мүмкіндік туғызу; адамгершілік, еңбек тәрбиелеріне баулу.

Сабақтың түрі: аралас сабақ. Сабақтың әдіс-тәсілдері: сұрақ-жауап,  талдау, көрнекілік

Сабақтың көрнекіліктері: тірек сызбалар

Сабақтың барысы: І Ұйымдастыру кезеңі: сабаққа даярлық.

ІІ.  Үй тапсырмасын тексеру:  43-жаттығудағы ойды аяқтап, шағын әңгіме жазу. Оқушылардан сұрап, ең үздік әңгімені бөліп көрсету. ІІІ.  Мақсат қою кезеңі: сабақтың тақырыбын, мақсатын хабарлау. ІҮ. Жан-жақты білімдерін тексеру

Сызбаға сүйене отырып  дала,  бүйрек, шаңғы сөздерін талдау.

Ү. Жаңа материалмен жұмыс:   а) оқулықпен жұмыс 44-жаттығудағы өлеңді мәнерлеп оқу, талдау.  Өлеңде ұлан қандай болу керек делінген? Сендер тағы қандай болу керек деп ойлайсыңдар? ә) дәптермен жұмыс Күн ретін жазу. Көркем жазу: Д д Д д Д д   Дариға

44-жаттығудағы Біз жалқаулықты сүймейміз  сөйлемді кестеге салып талдау. 

45-жаттығу. Өлеңді мәнерлеп оқу, мазмұнын ашу. Сабағын,  алабың, талабың сөздеріндегі түбірдің соңғы дыбыстарының өзгеруін сұрау, түсіндіру. 46-жаттығу. Жақшадағы сөздерге сұрақ қоя отырып, қажеттісін таңдау, көшіріп жазу. Түбірдегі соңғы дыбыстың өзгерісін түсіндіру.  47-жаттығу. 1. Леп, рахмет, лақ, радио,  рет, ренжу, лашын, лалагүл. 2. Ілгіш, ылди, ілесу, ірімшік, ірі, ылғи, ырыс, ырылдау. 50-жаттығу 1. Ребустың жауабы: рауғаш.  Рауғаш- көбінесе тау беткейлерінде өсетін көпжылдық қышқылтым дәмді өсімдік.  2. Тауға барғанда бұл өсімдікті көргендерін бар ма? Ол адамға пайдалы екенін естен шығармаңдар.

в) Сергіту жаттығуы  Оқушыларға жұмбақтар жасыру:

1. Әрі шешен, әрі әнші, әрі күйші,

     Әр үйде бар, тапқышым, қане тапшы. (Радио)                                                        

 2. Бір нәрсе қуыс-қуыс болған өзі,

    Адамша естіледі айтқан сөзі.

    Дауысы анық болып шыққанымен,                                                     

    Көрінбес бас, аяғы, екі көзі. (Радио)                                                         

 3.Тастан-тасқа секіреді

    Қалқиып қос құлағы,

    Ойын болып көкірегі,

   Аула оның тұрағы. (Лақ)                                             

Ү. Бекіту:1. Қандай жағдайда түбірдің соңындағы дыбыс өзгереді? Мысал келтір. 2.   Жаңа сабақты оқушылардың меңгергендігін тексеру мақсатымен терме диктантын ұйымдастыру.

             Ана

Ақыл құйған санама,

Күннен артық, расында.

Күн алыста, ал анам

Ылғи менің қасымда.   (Т. Бейсенбеков)                  

Бұл диктанттан оқушылар Р және Л әріптері бар сөздерді көшіріп жазулары тиіс. Мысалы: ақыл, артық, расында, алыста, ал, ылғи.

ҮІ. Қорытындылау  Балалар, бүгін біз не үйрендік?  ҮІІ.  Үйге тапсырма:   49-жаттығу, 17-бет   түсіндіру. ҮІІІ. Оқушыларды бағалау