Тақырыбы: "Желтоқсан жұлдыздары" Мерекелік іс - шара

Тәрбие сағаты:  Желтоқсан жұлдыздары

Мақсаты:

1.     Балаларды Желтоқсан Жұлдыздарымен танысту, ерлік істерін үлгі ету.

2.     Өлең жолдары арқылы тіл байлықтарын, сөз байлықтарын, есте сақтау қабілеттерін дамыту.

3.     Туған жерін, елін сүйе білуге, еліміздің рәміздерін қадірлей, қастерлей білуге тәрбиелеу.

Әдіс-тәсілі: көрініс, түсінік беру, әңгімелесу, сұрақ-жауап, өлең жолдары.

Көрнекілігі:  Желтоқсан жұлдыздары, суреттері, ҚР рәміздері, президент Н.Ә.Назарбаев, буклеттер т.б.

Ұйымдастыру кезеңі:

Балаларды тыныштандырып, орындарына отырғызу, назарларын тәрбие сағатына аудару.

Ұйымдастырушылық ізденушілік:

-         Балалар бүгін біз сендермен 16- желтоқсан Қазақстан Республикамыздың тәуелсіздік алған күні жайлы әңгімелесеміз, және де сендерді тәуелсіздік күнімен құттықтаймын.

    Төрде әже мен немере. Немере ұйықтап жатады. Ортаға Қайрат Рысқұлбеков шығады.

Қасқалдақтай қаным бар,

Бозторғайдай жаным бар.

Қайрат деген атым бар,

Қазақ деген затым бар.

Еркек тоқты құрбандық,

Атам десең атыңдар.

     Осы кезде екі полицей келеп Қайратты алып кетеді. Ізінше періште келеді. Ол ұйықтап жатқан сәбиге келіп:

Періште: -  Балақай тұршы, таң атып қалды, мына жанып тұрған шыраққа қарашы. Бұл саған берілген бақыт құсы, еркіндік пен тәуелсіздік құсы,- деп періште шашқан шырақты ұсынып өзі кетіп қалады.

Ұйқысынан оянған немересі: - Әже біз шырақты ұстап алайықшы.

Әжесі: - Біссімілә, не болды құлыным.

-         Әже мен түс көрдім. Жап-жарық күнді көрдім.

-         Айналайын, ол сенің бақытың, еліңнің бақыты, тәуелсіздіктің мәңгі жарық күні.

-         Балалар сендер тәуелсіздік деген сөзді қалай түсінесіңдер?

-         Тәуелсіздік – ?

-         Бақытты өмір,

-         Біздің татулығымыз, достығымыз

-         Ол менің ана тілім,

-         Менің қуанышты күндерім.

-         Жақсы сендердің жауаптарың мені өте қатты қуантты, ал онда еліміздің рәміздеріне тоқтап өтейік.

-         Өте жақсы, балалар.

-         Балалар ал енді бәріміз осы Желтоқсан оқиғасындағы Отаны, елі үшін күрескен ағаларымыз - Қайрат Рысқұлбеков, Ербол Сыпатаев, апаларымыз Ляззат Асанова, Сабира Мұхамеджановаларымыз бен танысып өтейік. Олар біздің жақсы өмір сүруіміз үшін өз өмірлерін аямай, «Қазақстан елі жасасын!» -  деп тәуелсіздікке құрбан етті, яғни олар сол көтерілісте өлді.

-         Ал енді оларға арнап 1 минут үнсіздік жариалап еске алайық.

-         Өте жақсы бүгін біз бәріміз аға-апаларымызды еске алдық.

-         Ал енді сендер осы 16- Желтоқсанға арнаған қандай өлең жолдарың бар, соны тыңдап өтейік.

1.     Гауһар

     Танытып айбын, өр үнін,

Таң қалдырған жер жүзін.

Кім айтар қазақ елінің

Егемен алған мерзімін?

2.     Ниет

Тоқсан бірінші жылы,

Жиырма бесі қазанның.

Егемен алып ұл-қызы,

Танылды ел боп қазағым.

3.     Арай

Нұрын төккен арай көк,

Иесі ұлы төріңнің.

Аталады қалай деп,

Мемлекеті еліңнің?

4.     Ерсұлтан

Айнасы келбетімнің,

Бүгінде мол сыйласы.

Аты мемлекетімнің,

Қазақстан Республикасы.

5.     М.Нұрай

Халқы үшін мына өмірдің,

Татқан тұщы-ащысын.

Кім айтады елімнің,

Мемелекет басшысын?

6.     Алихан

Мадақтап бар жақсы ісін,

Ақындарым жырлаған.

Мемлекеттің басшысы,

Президент Нұр ағаң.

7.     Айым

Тосқауыл қойып әр төре,

Зарықтырған елімді.

Мемлекеттік мәртебе.

Тіліме қашан берілді?

8.     Бағдат

Тосқауыл қойып әр төре,

Ширықтырған ел ұлды.

Тіліме ол мәртебе,

Тоқсан үште берілді.

9.     Айзат

Сен неткен Отан анам ғажап едің,

Әспеттеп көркем тілмен жазар едім,

Болашақ ұрпағыңның бақыты үшін,

Жайнай бер Ұлы Отаным- Қазақ елім

-         Өте жақсы балалар, бүгін сендер өздеріңнің білімдерің мен Қазақстанның патриоты екендеріңді дәлелдедіңдер.Біздің тәуелсіз елімізде көп ұлт өкілдері тату-тәтті тыныштықта, бірлікте өмір сүріп жатыр.

Осымен 16- Желтоқсанға арналған тәрбие сағатымыз аяқталды, көңіл қойып тыңдағандарыңа рахмет.

Ән: «Әрқашан күн сөнбесін!»