Тақырыбы:«Қуыршақ, бізге қонаққа келді»

«Құлыншақ» ортаңғы тобында  ұйымдастырылған                                                                                     оқу  іс-әрекетінің  технологиялық картасы

Күні: 19.09.2016ж.

Білім беру саласы:Коммуникация

Ұйымдастырылған оқу іс-әрекетінің түрі: Сөйлеуді дамыту

Тақырыбы:«Қуыршақ, бізге қонаққа келді»(ойыншықты суреттеу арқылы  әңгіме құрау)

Мақсаты:Педагог үлгісі бойынша балалардың ойыншықтарды сипаттай білу білігін жетілдіру. Өз ойын еркін жеткізуге,жаңа сөздерді меңгертуге баулу.Эстетикалық талғамын арттыру.

Қолданылатын көрнекті құралдар:ұлттық көйлек киген қуыршақ.

Оқу іс-әрекетінің кезеңдері	Педагогтің  іс-әрекеті	Баланың іс-әрекеті
Мотивациялық -қозғаушылық	Ұлттық көйлек киген қуыршақтың қонаққа келуі. Қуыршақпен сәлемдесу.	Балалар қызыға қарайды. Сәлемдеседі.
Ұйымдастырушылық- ізденістік	-Балалар,бұл қуыршақтың есімін сендер білесіңдерме? -Олай болса,қуыршақтың өзінен сұрап көрейікші. -Балалар,қуыршақ есімін айтқысы келмесе,онда бәріміз бірге оның есімін кояйық.  -Қане, кімнің қандай есім қойғысы келеді? -Қуыршақтың есімін қойғанда оның есімі де атына заты сай әдемі есім болуы керек. Мысалы:Сұлушаш,Кәмшат, Қарашаш.(Халық әні Үкілі -Енді Сұлушаш қуыршағымызға тоқталайық. -Сұлушаш сендерге ұнадыма?Несі ұнады? (шашы,көйлегі,сырғасы,бөркі,камзолы, үкісі). -Сұлушашатың шашы қандай? (Қою қара шашты)	-Білмейміз. 2-3бала шығып есімін сұрайды. Өз ойларындағы есімдерді атайды. Өз ойларын жеткізеді. -Оның шашы ұзын,әдемі. -Шашын ол өріп қойыпты.
	«Қою қара шашты»деген «шашы қалың»дегенді білдіреді. -Ол шашын қалай жинап алыпты? (Қос бұрымды). -Көздері қандай? (Қарақат көзді)(қарақат көзді деген            қарақат жидегіндей мөлдіреп тұр дегенді білдіреді). -Ал Сұлушашымыздың көйлегі қандай?(Бүрмелі,қазақтың ұлттық көйлегі). Сұлушаштың бөркіне тоқталу. -Бөрік киімнің қай түріне жатады? -Бөріктің төбесінде үлпілдеп тұрған несі? -Бөріктің төбесіндегі үкісі неден жасалады? Дидактикалық ойын:«Өз орнына орналастыр». Мақсаты:Балаларды суретке қарап әнгімелей білуге үйрету. Ойын шарты: Сөйлеуді дамыту дәптерімен орындалады. Дәптердегітапсырмасы бойынша үкі туралы әңгімелейді және үкінің қауырсынын керекті затқа орналастырады. Үкі-орман құсы. Үкінің-жүні үлпілдек. -Енді бәріміз үкінің дыбысын салайықшы. Сергіту жаттығуы: «Қуыршақ»өлеңін оқып беру. Сөйлемейсің сен неге, Тілің жоқ па, қуыршақ? Жуынбайсың сен неге, Кірің жоқ па,қуыршақ? Аяғың бар ма,сен неге? Жүре алмайсың,қуыршақ? Жұмсағанда сен неге, Тіл алмайсың, қуыршақ? Біз күлгенде күлмейсің,Аңқаусың ба,қуыршақ? Бізбен бірге жүрмейсің, Жалқаусың ба,қуыршақ?                             (Р.Тышқанбаев)	-Көздері дөңгелек күлімдеген. -Оның көйлегі ұзын, әдемі,ақ түсті. -Бөрік бас киімге жатады. -Бөріктің төбесінде үкісі бар. Қуыршақтың жылаған даусын салады. -Сұлушаш сау бол!                        Балалар тапсырманы орындайды Сергіту сәтін орындайды.
	«Айнытпай сал»ойыны. Шарты:қуыршақтың жылаған дауысын салу. Құлыншақтан қуыршақ, Шауып жүріп құлады. Салшы даусын,қуыршақ, Сонда қалай жылады?                             Ж.Қалжанова.	Қуыршақтың жылаған даусын салады.
Рефлексиялық-түзетушілік	-Балалар,Сұлушаш қуыршағымыз бізден біраз нәрсе үйренген сияқты. Өйткені ол күлімсіреді. Енді ол үйренген жаңа,ізгі сөздерді достарына айтсын! Қонағымызды шығарып салайық.Қонаққа қоштасарда қанадй ізгі сөз айтамыз?Қонақты шығарып салу.Жол көрсету. Қорытындылап мадақтау.	-Сұлушаш сау бол!

Күтілетін нәтиже:

Біледі:ұлттық киім атауларын.

Игереді:жаңа сөздер мен ізгі сөздерді.

Меңгереді: қонақжайлылықты.